|
سوال مهم عن الثانويه الصناعيه
السلام عليكم جميعا
عندي سوال محتاره فيه اخوي ب ثالث متوسط و مو ماتهمه درجاته فكرنا ندخله باختياره الثانويه الصناعيه سوالي هل لها مستقبل وش افضل قسم فيها |
رد: سوال مهم عن الثانويه الصناعيه
الاهم من السؤل : انه كل شي تحت مضلة التدريب التقني مجتمعنا يشوفه فاشل وماله مستقبل .
ومن رائي الخاص انه افضل من وزارة التعليم العالي بمراحل كثيرة اولها انه المجال الاكادمي اكتفى ! اغلب الشعب خريجين اكادميين بالنسبة لي انا اخوي كان مستواه متدني في المدرسه وسجلته في معهد صناعي تخصص قوى كهربائية وولد عمي سجل معاه بتخصص سي ان سي اول متخرجو كلمو ف كلية ينبع التطبيقية على نفس التخصص واول متخرجو توظفو ( اخوي في شركة الكهرباء وولد عمي في شركة اسمها سانيكو وروتبهم لاتقل عن 6000 الآف ريال بالاضافة الى المميزات الاخرى ) وللمعلومية هم خريجين الفصل الي فات يعني قبل ستة اشهر تقريبا . خليه يتوكل على الله بالتخصصين ذي ( Cnc OR Electric Power ) وقبل كل شي لازم يقرا عنها يمكن ميولها مايتناسب معاها واخر نصيحة اي تخصص لو كمال بكالريوس يسمى مهندس خليه يسجل فيه مع الانتباه انه موجود امكانية تكملة البكالريوس بعد الدبلوم عندنا . وأسال الله التوفيق لي ولجميع المسلمين . |
رد: سوال مهم عن الثانويه الصناعيه
عاد كل الشباب يبون الصناعية عشان المكافئة هههههه بس ترى فكرة أن ما لها مستقبل قديمة وغير صحيحة بالعكس في شركات كثير يطلبون ثانوية صناعية ويقدر يكمل دراسته بالكليات التقنية
|
رد: سوال مهم عن الثانويه الصناعيه
البوابة
|
رد: سوال مهم عن الثانويه الصناعيه
اختي الكريمه انا خريج ثانويه صناعيه ولاقدرة ادخل جامعه...قالو معك كلية التقنيه فقط كانت زماان ممتازه بس الان غيرو انضمتها ولا تنفع بالريال نصصصصيحه لوجه الله م تصلح ترا وخليه يكمل ثانويه عاديه بعدين يدخل تقنيه اقلها يكون عنده خيارات اكثر ولو يبي جامعه يقدر يخشها بالراحه |
رد: سوال مهم عن الثانويه الصناعيه
انا خريج ثانوية صناعية ومثل ما قال أمير المشاعر م معك إلا التقنية، والجامعة ما يقبلون الثانويه الصناعيه، وأغلب الوظايف يقلك ثانوية عامة علوم طبيعية ، خليه يبعد عنها والله ما تصلح، صحيح الدراسه سهله بس مالها مستقبل غير الكلية التقنية
|
| الساعة الآن 05:36 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين