|
محتاج دعمكم تكفون
أولا: أحيي أعضاء منتدى البطالة فرداً فرداً ثانيا: أبي دعمكم لي بمشروع صغير جدا بديت فيه من شهرين وهو عبارة عن خلطة جاهزة للكرك وسويت حساب بالانستا وحطيت فيه كذا صورة تعريفيه للمنتج وبأمانه اللي حمسني أسوي الخلطة هذي أذواق الناس لأنه كل من جربها يمدح فيها ويسألني من وين تشتريها ، لكن إلى الان محد يعرف عنها إلا القرايب ، وكلمت محل بشرق الرياض واتفقت معه وعرضت عنده كميه لكن ماعليها إقبال للحين :( وجلطوني المشاهير كل ما كلمت واحد من المشاهير يقولي الاعلان عندي أقل شي بـ 5000 ريال وأنا راس مال المشروع ما تعدا 700 ريال والامكانيات محدودة :eek: تكفون ابي دعمكم للمشروع وهذا حساب الخلطة بالانستا تابعوا الحساب وحطوا لايكات وكذا general_trading331 وحساب الخلطة بتويتر genral331@ أو ابحثوا باسم خلطة الكرك المميزة وتلقونها . واذا تعرفون عن محلات تستقبل أعمال الأسر المنتجة ياليت تفيدوني هنا بالتعلقيات أو تواصلوا معي بالواتس 0547354113 عسى ربي يرزق كل من دعمني بالجنة ولوالديه ويرزقه ربي بالرزق الحلال ويكتب له التوفيق بالدنيا والاخرة :w |
رد: محتاج دعمكم تكفون
ليه المشاهير ترا العبره مو بالعدد الف ولافيه منهم بيهتم
عيال المتوسط وش يبون بالكرك ؟ انت اختر ووزع صح الاعلان له فن الجهه المستهدفه .. محلات القهوه والعطاره والحلويات ومحلات الكفي مثل الرفاعي وغيرها هي اللي بتشتري منك ياكثرها بالمحطات هذا محل جدا معروف بالشرقيه ويسوق انت راسلهم .. عطار الشرقيه https://www.instagram.com/attar_al_sharqiya/ |
رد: محتاج دعمكم تكفون
اقتباس:
صحيح ووجهة نظرك احترمها جدا وأنا جربت أسوق للمنتج هذا لكن أغلب المحلات مايخذها لانها ماسجلت باسم مؤسسة أو شركة وكل ويكند الف نص الرياض وما استفدت شي لكن بعض المشاهير يمتلك في حسابة مليون متابع أو أكثر ومايهم اذا اهتموا بالكرك أو لا على الأقل يعرف بالمنتج ولعل الله يرسل واحد من المهتمين اصحاب المحلات وتمشي عنده ، وبصراحة أشكرك على تفاعلك معي جزيل الشكر ويعطيك ربي ألف عافية:Thumbs: |
رد: محتاج دعمكم تكفون
اقترح راسلهم مراسله لانو يسوق لمنتجات ثانيه مو بس تجميل وانا شايفه بالمحل عنده كرك وعسل ويعتبر عطار ووسيط يعني يوصل منتجاته لاي منطقه بس تراه مو سعودي هالتجاره معروف مين يعرف يستغلها صح
ايضا محل ديلات مشهور عندنا بتسويق منتجات كويتيه ومافيها غير اسم منتج لاشركه ولامؤسسه https://www.instagram.com/deliight1/ |
رد: محتاج دعمكم تكفون
للاسف ولاتزعل من الحقيقة
انت كأنك تقول ادعموني لان مشروعي فاشل ! اذا بتسوق لنفسك مو بهالطريقة والمشاهير خلهم ااااخر همك انت بنفسك تقدر توصل منتجك للسعودية بالكامل والخليج والعرب وممكن الغرب ايضا ! ولكن اول شي اتكل على الله ثم طريقة التسويق الله يرزقك |
رد: محتاج دعمكم تكفون
والله انا جربت حسابات بنات عاديات مو مشاهير يعني حسابها مناكير وقهوه هههه وعندها مليون متابع
وشايفين انفسهم الاعلان بسته الالاف او عشره قسم اسعار تفقع القلب انت حاول تضيف الفئه المستهدفه واعلان بكل مكان بانستغرام وكمان في موقع السوق المفتوح وحراج وتويتر لاتيأس لازم تصبر حتى توصل للي تبيه اذا مصر تعلن في حسابات مضافينهم ثلاث ميه الف الاعلان بميه ريال او خمسين ابحث عنهم |
رد: محتاج دعمكم تكفون
اقتباس:
مشكور أخ رافينا ربي يسعدك ان شاء الله |
رد: محتاج دعمكم تكفون
اقتباس:
أبد كلامك على وعلى راسي والاتكال على الله شي أساسي في كل عمل لكن مايمنع اذا اجتهد الواحد ويعمل بالاسباب ولكل مجتهد نصيب وإن شاء الله القادم أفضل وعلى فكرة أسلوب ردك عجبني واعتبره سبب محفز لي عسى ربي يكتب اللي فيه الخير :rolleyes: |
رد: محتاج دعمكم تكفون
اقتباس:
أنا توقعت انه المشاهير يدعمون الاسر المنتجة بأسعار رمزية بس هم يعتبرون المجتمع طبقة وحده حتى واحد من المشاهير يقولي سنابه وحده بـ 2500 ريال عشر ثواني بس قلت له الله يوفقك لكن زي ماقلتي بشوف الحسابات اللي عدد متابعينهم قليل وإن شاء الله تتيسر |
رد: محتاج دعمكم تكفون
اقتباس:
نسيت أقولكم تابعوا الحساب وانشروه جعل والديكم بالجنة |
| الساعة الآن 01:58 AM |
Powered by vBulletin Version 3.8.9
Copyright ©2000 - 2026, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين