مشروع ناجح 100% برأس مال لايزيد عن 3000 ريال للشباب العاطلين اللي ( معه ) ددسن/هايلكس
السلام عليكم ورحمة الله وبركاتة
اسف على التاخير المشروع كنت اشتغل فيه قبل 9 سنوات تقريبا انا من الرياض كنت اشتغل في الخضار والفواكه وابيع على سيارة في الشوارع من كثر ما اجي سوق العزيزية في الرياض حق الخضار كنت اقابل بعض اصحاب محلات الخضار والفواكه من خارج الرياض من اهل المناطق القريبة مثل سدير وحريملاء ورويضة العرض الى اخره وبعد كونت معرفه معهم عرضت عليهم اني اشتري الخضار والفواكه لهم واوصلها لهم في مناطقهم وهم عند اهلهم بدال زحمة الرياض والمشوار.... اللي كان في سدير كنت اشتري الخضار والفواكه على حسابي و اوصلها له بـ 500 صافي في جيبي .. طبعا هو يدفع حق الخضار والفواكه بعد ما اوصله الطلب .... لكن قبل كل شي لازم تاخذ خبرة في الخضار عشان ماتجيب لهم خضار وفواكه جودتها غير جيدة ( مهيب زينة بالعاميه هههههه ) الله يديم علينا النعمه انصح اللي بيشتغل فيها 1- اهم شي الامانه ومخافة الله ( لا تسوي نفسك ذكي لهم معارف في السوق ويعرفون اسعار الخضار والفواكه بالجوال لو حاوولت تزيد عليهم في السعر ... راح تخسر ثقتهم فيك ) 2- الاستمرار معهم مهما كانت اشغالك ... انتبه تشتغل على مزاجك اسبوع واسبوع لا ... ماراح يوثقون فيك 3- انصحك هايلكس او ددسن ولو تكون ديزل يكون افضل ... تروح وترجع بتانكي واحد 20 ريال 4- لو بغيت تشتغل لحسابك الخاص شوف اسواق المناطق مثلا سوق الرويضة اعتقد اذا ماكنت ناسي يوم الخميس لو تحمل كمية وسط من الخضار والفواكه وتجيهم بدري بتلقى خير ان شاءالله (رأس المال مايزيد عن 1500 الى 3000 اذا السيارة كبيرة ) 5- اذا ماقدرت تصرف الكمية كلها ... الباقي منها ممكن توزعها على محلات الخضاروالفواكه والبوفيهات اللي بالمنطقة او على اسواق المحطات وانت راجع للرياض او لمدينة اللي انت ساكن فيها ## اتمنى الدعاء لـ والدي و عمي رحمهم الله توفوا قبل مده .. الله يرحمهم ويسكنهم فسيح جناته ويغفرلهم ماتقدم وما تأخر من ذنبهم ## والسلام عليكم ورحمة الله وبركاتة اي استفسار حسب ما اكون متواجد و انتم تامرون امر ما تطلبون . . . . للأمانة منقول: https://www.btalah.com/showthread.*****..#ixzz4dkObz7rW |
رد: مشروع ناجح 100% برأس مال لايزيد عن 3000 ريال للشباب العاطلين اللي ددسن/هايلكس
اتمنى من المشرفين تعديل العنوان واضافة ( معه )
مشروع ناجح 100% برأس مال لايزيد عن 3000 ريال للشباب العاطلين اللي ( معه ) ددسن/هايلكس |
رد: مشروع ناجح 100% برأس مال لايزيد عن 3000 ريال للشباب العاطلين اللي ددسن/هايلكس
ماشاء الله عليك
واضيف اضافة .. الجح موسمه الان بدأ وبالشوارع خصوصا بالاحياء الراقيه وسعودي ان شاء الله ماعلينا خوف |
رد: مشروع ناجح 100% برأس مال لايزيد عن 3000 ريال للشباب العاطلين اللي ددسن/هايلكس
اماشاء الله
|
رد: مشروع ناجح 100% برأس مال لايزيد عن 3000 ريال للشباب العاطلين اللي ددسن/هايلكس
اقتباس:
( 45 الف صافي ) من غير اكله ومصاريفه ................. لكن اذا كنت بتوصل خضار لعملائك وتستمر معهم الشغل معهم افضل لأن ( الجح موسم وينتهي ) والعملاء يعتبرون لك دخل ثابت اشرط لك مراح يقل دخلك معهم عن 8 الاف بأقل احتمال في الشهر اذا اجتهدت طبعا الاسعار سنة 2008 و 2009 كانت ارخص من ناحية المشوار لأن الكفرات واسعار البطاريات الى اخره اقل من الاسعار الحاليه اعتقد المشوار الان ما يقل عن 700 الى 900 .... لكن ( الشغلة يبي لها واحد نشيط ) يصلي الفجر في سوق العزيزية عشان ماتجي الساعة 8 الصبح الا وهو محمل السيارة ومتوكل على الله للديرة اللي يبي يوصل لها الخضار |
رد: مشروع ناجح 100% برأس مال لايزيد عن 3000 ريال للشباب العاطلين اللي ( معه ) ددسن/هايلكس
مشوع مميز
شكرااا ع تجربتك |
رد: مشروع ناجح 100% برأس مال لايزيد عن 3000 ريال للشباب العاطلين اللي ددسن/هايلكس
اقتباس:
|
رد: مشروع ناجح 100% برأس مال لايزيد عن 3000 ريال للشباب العاطلين اللي ( معه ) ددسن/هايلكس
اقتباس:
|
رد: مشروع ناجح 100% برأس مال لايزيد عن 3000 ريال للشباب العاطلين اللي ( معه ) ددسن/هايلكس
المكتشف1 هل استطيع العمل من الرياض الى الشرقية حيث أخذا كمية بطاطس او كمية جزر بسعر الجملة وأبيعها في الشرقية هل تصلح العملية أرجو الافادة ولكم جزيل الشكر |
رد: مشروع ناجح 100% برأس مال لايزيد عن 3000 ريال للشباب العاطلين اللي ( معه ) ددسن/هايلكس
اقتباس:
الصراحة ما جربت الشرقية والشرقية كبيرة مدري اي مدينة تقصد فيها ..؟ ما انصحك بالبطاطس لان ماعليه طلب كثير لكن اذا الكمية الكبيرة بتشتغل لحسابك وتبيع في الشوارع نوع واحد بس .... لا تاخذ الا جح ( حبحب ) او خضار مشكله مع فواكه ....... لكن ركز على ايام الاسواق اللي عندكم بالشرقية لأنك اذا وافقت يوم السوق راح تبيع اكثر كميه من الحموله واللي يزود تفرقه على المحلات او تبسط في اي شارع لين تصرف الباقي |
الساعة الآن 03:29 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين