رأيكم في معهد طيف العربية (تدريب منتهي بالتوظيف)؟
 

السلام عليكم ورحمة الله وبركاته

قبل فترة 3 اسابيع تقريباً تم اعلان دبلوم تدريب منتهي بالتوظيف لمدة سنتان في معهد طيف العربية
واثناء اللقاء اخبرونا بأن المكافأة 3000 ريال ودراسة بشكل مكثف من ناحية الانجليزي والرياضيات والفيزياء
وبعد الدراسة تداوم في شركة سعد عثمان والرواتب لا تقل عن 8000 ريال طبعاً الكل لما يسمع هالكلام راح يقول واااو ممتاز
المهم قدمت وكملت اوراقي ويوم الاربعاء الماضي حضرت للمعهد عساس اوقع العقد والنتيجة ماحضر مسؤول التوظيف
اليوم تم الاتصال بي الصباح بأن مسؤول التوظيف موجود ولازم احضر عشان اوقع العقد المهم حضرت لهم وللأسف ماحضر !!
ولما حضرت للمعهد سمعت بأن شخص شغال في المعهد متصل على الشركة وبعدها سألته كيف نظام الدوام والرواتب ...ألخ
قالي بأن الدبلوم عبارة عن دبلوم ميكانيكا انتاج وتستلم 3000 ريال مكافأة شهرية وفيها خصم من التأمينات يعني الي بستلمه حدود 2700 وغير كذا لازم يتسجل اسمي في الموارد البشرية
وبعد الدراسة تداوم وراتبك يبدأ من 4000 ريال وحسب الا فهمته الانجليزي اشياء مبسطة + مافيه لا رياضيات ولا فيزياء!!! يعني كل الكلام الي قالوه في اللقاء كان نصه كذب
شرايكم اكمل معهد ولا اشوف غيرها وهل سمعة المعهد طيبة ؟؟
والله محتار ما ابي اضيع سنتين كاملة على شيء مايسوى