متزوجه وينصرف لها ضمان
بدخل بالموضوع ع طول
وحده من صديقاتي بعد ماتطلقت سجلت بالضمان وبعد فتره رجعها زوجها ولكن مارضي يرجعها فالاحوال عشان راتب الضمان تقول خايف لاينقطع عليها هو مال صدقه شلون يرضا ع نفسه ان زوجته يجيها هالراتب وهو موجود هي الحين تبي تنزل اسمها من الضمان ومو عارفه كيف هل يكفي اتصال او لازم تروح لهم هي الحين حامل في شهورها الاخيره وماتوقع بتقدر تروح لانهم ف قريه وماعندهم مواصلات ولا وسيلة اتصال كويسه ف شنو الحل ؟؟ وهل فيه غرامه عليها اذا صار بلاغ من الاحوال بعد ولادتها مع العلم ان صرافة الضمان مع زوجها مو معها افيدوني الله يسعدكم |
رد: متزوجه وينصرف لها ضمان 🙂
حسبي الله ونعم الوكيل ...والصرافه فيه بطنه
تدخل على موقع الضمان ..وتتصل علىهم وتكلمهم .....وتبري ذمتها بعدين زوجته كيف مايسجلها في الاحوال ...كل هذا عشان فلوس اعوذو بالله الضمان كلها 900 ريال بشهر |
رد: متزوجه وينصرف لها ضمان 🙂
لاحول ولاقوه الابالله
مال حرام هي المسئوله عن معاشها وكذلك هو مسئول واذا وقفت بين يدين ربها فلن ينفعها زوجها بشئ وطالما ان النظام لم يسمح لها بأخذ المعاش فهو مال محرم اذا كانت لاتستطيع الذهاب للضمان وهي تصرف معاشها ببطاقه الضمان عليها الاتصال على 8001240075 وتلغي البطاقه اما اذا كان ينزل بحسابها الشخصي بأحد البنوك فلابد من مراجعه الضمان ومعها الهويه وتطلب منهم الغاء الضمان لعدم الحاجه له واذا كان لاتستطيع الدخول لصوتك مسموع وتقديم شكوى بأنها لاترغب الضمان وتوضح انها لاتستطيع الحضور للضمان لحالتها الصحيه اما انها تسكت فهذا لايعفيها بالنسبه ان الضمان يعلم عنها انها متزوجه فهو يدري اذا تمت اضافتها بسجل زوجها وبذلك يتم اسقاطها |
رد: متزوجه وينصرف لها ضمان 🙂
اخي المنتصر هل فيه غرامه عليها ؟؟ والفلوس الي انصرفت شلون ترجعها عشان تبري ذمتها ؟؟ هي ماعندها اي دخل ولا حريه بالتصرف حتى بصرافاتها او بطايقها الشخصيه ؟؟ ولو انجبت وزوجها سوا تبليغ عن ولادتها بيصير لها غرامه
|
رد: متزوجه وينصرف لها ضمان
هالوزاره الفاشله تتخبط المستفيدين اللي مالهم في هالكون ولاريال الا الضمان تسقطهم والمتلاعبين ماتدري عنهم انا اعرف وحده موظفه وتاخذ ضمان ووحده متزوجه وزوجها تزوج ثلاث وبيتها قصر وتاخذ ضمان ووووووو غيرهم من المخادعين واحنا يالله نزلت المعاش ولهفت الغذائيه والكهربائيه جعل التيار يصعق كل ظالم ضيق على الفقراء وتلاعب في حقوقهم .
|
رد: متزوجه وينصرف لها ضمان
المال الحرام يمنع اجابة الدعاء افضل لها تتخلص من هذا الدخل وتدعو الله وتكثر من الاستغفار وبإذن الله تلقى الفرج ويسخر الله لها زوجها بس المهم تحل امورها بطريقه ذكيه حتى لايتهور زوجها ويتصرف بنذاله ويطلقها
دعواتنا لها _ _ _ لايجوز لزوجها ان يستولي على مالها وبطاقاتها الله يحاسب كل من يستقوي على المرأه ويحرمها حقوقها في المال والارث حسبنا الله ونعم الوكيل |
رد: متزوجه وينصرف لها ضمان
اصلا الرجال هذا موصالح والدليل انه ساحب البطاقه منها
والله اعلم انه راجع لها عشان راتب الضمان ولاكن لازم تحطين عندها علم انها تحط اسواء الاحتمالات قدام عينها عشان ماتنصدم لانه ممكن جدا اذا عرف انها الغت الضمان يرجع يطلقها والله يكون بعونها مسكينه ويرحم حالها |
رد: متزوجه وينصرف لها ضمان
بغض النظر على الغرامه اللي ناس تخاف منها لازم تفكر انهم جالسين ياخذون مال مالهم حق فيه ....واستغرب وربي راضاهم الاثنين تسارع باي طريقه كانت ولا تاكل شي حرام سواء زوجها رضى والا زعل المةضوع ومافيه هذا لايجوز
|
رد: متزوجه وينصرف لها ضمان
رضا الله فوق رضا الزوج فلتهرول الى الضمان لإسقاطها
|
رد: متزوجه وينصرف لها ضمان
اقتباس:
حاليا هي انجبت اليوم الفجر الحمد لله والله اني خايفه زوجها مايضم البنت فكرت العايله ولا يطلع لها شهادات كله عشان هالراتب انا باخذ بكلام المنتصر وبكره باذن الله راح اتصل على الضمان الاجتماعي وبطلب منهم يلغون ضمانها بس ان شاء الله مايطلبون مني شي لان ماعندي الا سجلها المدني فقط ورقم صرافتها طلبتها تعطيني اياه لكن ماقدرت تجيبه الله يكون بعونها |
الساعة الآن 04:01 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين