رد: تجمع المتقدمين والمتقدمات على الوظائف الإدارية والفنية في جامعة الحدود الشمالية 1438/2017
 

صديقتي ماطلع اسمها

رد: تجمع المتقدمين والمتقدمات على الوظائف الإدارية والفنية في جامعة الحدود الشمالية 1438/2017
 

ادخل السجل المدني لمعرفة النتيجة

http://career.nbu.edu.sa/ResultMeet.aspx

رد: تجمع المتقدمين والمتقدمات على الوظائف الإدارية والفنية في جامعة الحدود الشمالية 1438/2017
 

1) ي شباب عرعر فيها تكاسي من المطار الى داخل المدينة ومن المدينة الى المطار
2) المقابلة الشخصية هي نفس المكان اللي اختبرنا فيه التحريري

رد: تجمع المتقدمين والمتقدمات على الوظائف الإدارية والفنية في جامعة الحدود الشمالية 1438/2017
 

رد: تجمع المتقدمين والمتقدمات على الوظائف الإدارية والفنية في جامعة الحدود الشمالية 1438/2017
 

سويت مقابلات واجد في ديوان المظالم + وزارة الدفاع + الحرس الوطني + الخ...


مقابلة مثل مقابلة جامعة الحدود الشمالية ماقد شفت ابد ابد ابد مقابلة غريبة عجيبة.

كل مقابلاتي يسألوني عن تخصصي واسئلة لها علاقة بالتخصص وبعد مايحلل ام امي لمدة 10 دقايق قد تزيد او تنقص يسألني عن سبب تركي للشركات اللي عملت فيها.. ((( هذا اللي تعودت عليه من مقابلاتي)))




جامعة الحدود الشمالية اول شئ خلونا نصك كعابي بنهار رمضان للمخيم حقهم باخر الجامعة وجلسونا بالمخيم قرابة الساعة اقل او اكثر ناسي وثم دخلونا لمبنى لاهو بعيد ولا هو قريب واعطونا استمارة المطلوب فيها ( اسمك + الوظيفة المقدم عليها + رقم جوالك + سجلك المدني) ******** معليش معي استمارة طابعها من الموقع ليش اسجل الاستمارة ؟

المهم جلسونا في المبنى نصف ساعة تقريبا وطلعونا على دفعات كل دفعة 7 - 8 متسابقين نطلع فوق وثم جلسنا فوق حول النصف ساعة وثم ينادون بالاسم تدخل سيب قصير تفتح الباب الا وتلاقي مكتب كبييييييييييييييييييييييييييير

وحصلت مابين 7 - 9 اشخاص مادري هم اعضاء لجنة هم وش ماني عارف قالوا لي هات ملفك الصور والاصل خله معاك.

ثم قالوا لي اجلس وبعدها سألني وش هي خبراتك قلت لهم خبراتي في مجال تخصصي 123 و خبراتي في الشركات اللي خارج تخصصي 123

السؤال الثاني قالوا لي بالحرف . شيبانك وين هم فيه ؟ جاوبت عليهم شيباني في اي ديرة .ثم قالي خلاص توكل على الله..




بالله عليكم هذه مقابلة ؟ اسألكم بالله هذه مقابلة ؟ جاي من مسافة 600 كيلو تقريبا عشان سؤالين مالها اي علاقة في تخصصي ؟! هذه تسألني عنها بالجوال وبنهار رمضان وصايم وبسبب المشي والهجولة داخل الجامعة رجعت للشقة افطرت غصب عني. كل مقابلتي والحمدلله اجيب مابين 100% و 90% ماعدا مقابلة وزارة الدفاع كانت صعبة جدًا وبصعوبة عديتها ونسبة اللي ما اجتازوا اكثر بكثير من اللي اجتازوا يمكن كانت النسبة من بين 8 مرفضوين 2 مقبولين مبدئي


بالله عليكم تخيلوا يوظفون واحد مايعرف شئ بالكمبيوتر بس عشان شكله او ثقته في نفسه او وسامته..
طيب انا ماني وسيم ولا جسم رشيق بس فاهم بتخصصي وواثق من نفسي لو بيدي الوسامة كان خلقت نفسي بوسامة يوسف عليه السلام.. توظفون فلان مايفهم وانا يالفاهم لا,.... وبعدين مسألة شيبانك في اي ديرة ليش ؟ اذا عن قولة الأولوية لأهل المنطقة ليش تعبتونا في الاختبار التحريري وعنيتونا ؟ ليش قبلتونا من الاساس ؟ ( الا اذا لكم نصيب من اصحاب الشقق واعوذ بالله ان ادخل بالذمم) سؤال برئ من جد ليش يسألون عن اهلي وين هم فيه ساكنين ؟


شئ مقابلة غريبة وماتسوى حقت خط ولا تسوى علي بنشرة الكفر وانا راجع وبالخصوص كل الشكر لامن الطرق والمرور افزعوا لي فزعة انشهد ماقصروا بيض الله وجيهم وجزاهم الله خير وجعلهم هم ووالديهم وكل قارئ من اهل الجنة

رد: تجمع المتقدمين والمتقدمات على الوظائف الإدارية والفنية في جامعة الحدود الشمالية 1438/2017
 

يسألون عن اهلك عشان بعد سنه ماتطلب نقل هم يخافون من النقطة ذي

رد: تجمع المتقدمين والمتقدمات على الوظائف الإدارية والفنية في جامعة الحدود الشمالية 1438/2017
 

والله لا تعليق , انا مقدم على جامعة الحدود الشمالية يعني رفحاء عرعر طريف لو ابي انقل كان ما تعبت نفسي وخسرت نفسي مبالغ بالروحة والجية, وفرضا جدلا لو ابي انقل اصلا مايجيك النقل الا بعد ماتشيب

يا رجل نبي نساعد اهالينا ونتزوج لمتى كذا,,, الله يرزقنا ويرزق كل محتاج

رد: تجمع المتقدمين والمتقدمات على الوظائف الإدارية والفنية في جامعة الحدود الشمالية 1438/2017
 

بالتقديم فيه ناس من حائل والقصيم والرياض والغربيه لذلك هم مايبون احد يشغلهم بالنقل لان بعض الناس يقدم ع اي وظيفة واذا توظف طالب بالنقل وللمعلوميه بعد سنه يحق لك النقل حسب علمي ولكنه غير مستحيل وسهل جدا

رد: تجمع المتقدمين والمتقدمات على الوظائف الإدارية والفنية في جامعة الحدود الشمالية 1438/2017
 

من ضمن اللجنة مدير الجامعة وعميد شؤون الموظفين

رد: تجمع المتقدمين والمتقدمات على الوظائف الإدارية والفنية في جامعة الحدود الشمالية 1438/2017