|
بخصوص الكليات العسكرية تكفون ادخلوا وافيدوني
سلام عليكم
وش احسن كلية عسكريه بعد الثانوي كليه الملك خالد ولا الجويه وياليت تذكر السبب انا اتمنى اني اخش كلية الملك خالد بس مدري هل هي أحسن واذا انقبلت فيها وتخرجت هل فيها اثر رجعي يعطوني ٨٠ الف زي الامنيه وكم الراتب مع البدالات اول ما لتخرج وكيف نظام الترقيات وبس يعطيكم العافيه ولله يوفق من يحاول واللي مافهم يقولي عشان اوضح له |
رد: بخصوص الكليات العسكرية تكفون ادخلوا وافيدوني
والله ماعندي معلومه اتمنى الاخوان يفيدونا جميع
|
رد: بخصوص الكليات العسكرية تكفون ادخلوا وافيدوني
شوف اخوي ماحد يقدر يحدد لگ اي الكليات افضل لان الكل راح يقيس بناءً على الشيء اللي معجبه
انت شوف وش اللي يناسبك وقدم له وان شاءالله ربي يكتب لك القبول وبالنسبه للراتب وهالامور انا اشوف انك ماتفكر فيه الا اذا انقبلت بالكليه اللي قدمت لها |
رد: بخصوص الكليات العسكرية تكفون ادخلوا وافيدوني
الجوية افضل مليون مره تتخرج طيار وتستلم علاوة طيران من 35 الى 65% من غير باقي البدلات
|
رد: بخصوص الكليات العسكرية تكفون ادخلوا وافيدوني
الافضل الجويه والملك خالد لكن مدام تبي ضابط قدم واللي تقبلك ربي يوفقك شد حيلك فيها المهم
|
رد: بخصوص الكليات العسكرية تكفون ادخلوا وافيدوني
الله يعطيكم العافيه
انا نسبتي ثاني ٨٥ وقدرات ٦٩ وتحصيلي باذن الله فوق ٧٠ وطولي ١٦٩ تتوقعون انقبل لو سجلت مع اني معي اصبع مكسور بس اقدر احركه سألت ناس كثير ووريتهم يقولون ماهو واضح ويقولون توني انتبه له يقولون مابيدرون بالكشف أمس ومعليك تتوقعون انقبل ؟ اما الكليات بعد بحث واسأله رتبتها كلية البحريه كليه الدفاع الجوي (حطيتهها رغبه ثانيه عشان اذا مانقبلت بالبحرين باذن الله اني انقبل بهاذي لان من سكان الطائف وعلى ماسمعت يقولون الأفضلية للسكان) كلية الجويه كليه البريه (ابوي يقول لشرد منها يقول أنا خدمت فيها وانهلكت رح اي كليه ثانيه بس الجيش لاتقربه) رتبتها كذا يعني لو سجلت احط زي كذا بس تتوقعون انقبل ولله خايف احب العسكريه صح كرف بس ولله احس اني مرتاح من ناحية كل شي |
رد: بخصوص الكليات العسكرية تكفون ادخلوا وافيدوني
ماودي احطمك ولاكن سجل بكل الكليات العسكريه الي تقبل الثنوي ولا تعلق نفسك بهن الاولويه للي نسبتهم بالتسعين
انا قبل ثلاث اسابيع سجلت بالامن العام جندي ومانقبلت طولي 183 وزني 88 نسبتي 84 والقدرات 70 |
رد: بخصوص الكليات العسكرية تكفون ادخلوا وافيدوني
اقتباس:
|
رد: بخصوص الكليات العسكرية تكفون ادخلوا وافيدوني
معقوله كذا انا ماودي بجامعه ولا أبيها لو يخيروني اخش طب ولا جندي في الداخليه ولله لا اروح جندي دراسه أكرها كره الويل مارفع نسبتي الا كل ما افكر بالكليه اتحمس واروح اذاكر
كلها فيها دراسه بس اروح ادرس في كليه أبيها خير من ادرس في شي مابيه ولله قهر |
| الساعة الآن 12:45 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين