التحق بالعسكرية او انتظر ؟ .. يهمني رايكم
السلام عليكم ابغى اخذ رايكم في تقديم على العسكرية .. انا طالب جامعي لي تقريبا 7 شهور متخرج تخصص إدارة , تخرجت على نهاية شهر 12 هجري . و فاتني تقديم على كذا كلية او قطاع عسكري " لعلها خيرة " , ومن ذاك الوقت إلى الان ما حصلت وظيفة او بشكل عام كانت الفرص الوظيفية قليلة تنعد على الاصابع . و حسب متابعتي لمواقع الوظائف فترة 7 شهور ما تتفائل انه في شيء زي مثلا , شركة الكهرباء و شركة المياه موقفين التوظيف .. حتى اشعار اخر ! و على حد علمي انه في شهر 8 , 9 , 10 راح يفتح تقديم على بعض الكليات العسكرية .. ســؤالي ~ - اتوكل على الله و اقدم على العسكرية ؟ ولا انتظر يمكن فيه فرصة افضل ؟ |
رد: التحق بالعسكرية او انتظر ؟ .. يهمني رايكم
قدم اذا ما عندك مانع
|
رد: التحق بالعسكرية او انتظر ؟ .. يهمني رايكم
وعليكم السلام
هذا السؤال مفترض تسأل نفسك هل راح تتقبل العسكرية وبخصوص الكليات تتخرج ضابط برتبة ملازم الكل يتمناها وفيه تقديمات بين كل وقت ووقت أفراد غالباً تجيك رتبة وكيل رقيب او رقيب عموماً العسكرية للجامعي رواتبها زينة بس بعضهم يقول حرام جامعي وادخل افراد والبعض متقبلها واهم شيء عنده الراتب وغير وغير نقاط كثير .. واذا جاك رزقك توكل على الله .. الوظايف مو مثل اول بس حط في بالك انك بتقدم وتتوكل على الله لاتتأمل صح العسكرية تعب وكرف بدايتها لكن اعداد خيالية تبيها فلا تتوقع ان القبول سهل الكليات غالباً يفتح التقديم نهاية كل سنة دراسية يعني من رمضان وطالع غالباً بيفتح التقديم وممكن شوال موفق |
رد: التحق بالعسكرية او انتظر ؟ .. يهمني رايكم
وعليكم السلام ورحمه الله وبركاته
لو انك بالثانوية ورحت تقدم على جندي كان قلت لك لا لكن بما انك جامعي فـ اقول قدم واغتنم الفرصة انت بتاخذ رتبة زينة وهي رتبة رقيب وراتبها ممتاز ايضا ولعلمك راتبها اعلى من الوظيفة المدنية وايضا احسن منها من وجهه نظري فـ يعني لو انت قدمت على وظيفة مدنية بـ اي وزارة بيعطونك المرتبة السادسة براتب 6200 ريال فقط لكن لو رحت قدمت على الامن العام مثلا راح يعطونك رتبة رقيب براتب 12000 ريال القطاعات عندك كثيرة واحسنها ( الامن العام ، المباحث ، الدفاع المدني ، ) احسن 3 قطاعات من ناحية الراتب والراحة الله يوفقك |
رد: التحق بالعسكرية او انتظر ؟ .. يهمني رايكم
قدم اول شي على الكليات اذا ماجاك منها نصيب ، خذ وكيل رقيب رواتبها زينه وراحة
|
رد: التحق بالعسكرية او انتظر ؟ .. يهمني رايكم
فالبداية شكرا على الردود ~ و اسال الله ان يرزقكم فوق ماتتمنون اقتباس:
لي زملاء تخرجوا من الجامعة قبلي بـ اشهر و لحقوا على التقديم و انقبلوا و لله الحمد, تواصلت معهم .. و اخذت انطباعاتهم بـ إختلاف قطعاتهم العسكرية . البعض قالها لي بدون مجاملة : اخر شيء تفكر فيه .. اقتباس:
بس انا مستغرب ليه نسبة التقاعد المبكر في القطاع العسكري كبيرة ! اعرف مجموعة من اقاربي تقاعدوا مع انه خدمتهم ما تجاوزت 10 سنوات وانتقل لأعمال حرة .. وفي منهم له 8 سنوات خدمة يفكر يترك العسكرية لو لقى وظيفة اخرى .. و هذا شيء اللي يخليني متردد على العموم , اختم موضوعي بسؤال .. لو اجلت فكرة التقديم لعام القادم , هل التأخير راح يضرني ؟ |
رد: التحق بالعسكرية او انتظر ؟ .. يهمني رايكم
قدم على كل شي ما تدري وين رزقك فيه
الي الله كاتبه لك بتاخذه |
رد: التحق بالعسكرية او انتظر ؟ .. يهمني رايكم
والله اذا تبي الصدق وانا اخوك على الوضع الحالي اللي احنا شايفينه
الاحسن انك تتعسكر والله رواتب عاليه مقارنه بالوظيفه الحكوميه واذا ع التعب التعب واحد كلها دوامات وبنفس الوقت الرتبه اللي يعطونها الجامعي مريحه بعض الشي انا انقبلت فالحرس رقيب عام 35 وتركتها وشوفني الان ندمان اشد الندم عاطل ليومك هذا |
رد: التحق بالعسكرية او انتظر ؟ .. يهمني رايكم
مع قلة الوظائف المدنية نلجأ الى العسكرية فلا احد يريد ان يمضي سنة واحدة عاطل فما بالك 5 او 6 سنوات
هل تتخيل ان الان اصبح القبول للعسكرية صعب لكثرة المتقدمين والوظيفة الحكومية الكل يعرف انها افضل من القطاع الخاص ... واخيراً ادخل الشي الي تحس انك راح ترتاح فيه اذا تظن ان العسكرية متعبة وليست وظيفة مثالية راح تتعب كون ايجابي لها ولا تنسى الاستخارة . |
رد: التحق بالعسكرية او انتظر ؟ .. يهمني رايكم
اقتباس:
لكن اللي اعرفه مجرد ما تقدم على العسكرية و تنقبل " قبول نهائي " وبعدها تسحب عليهم , لسبب ما . راح يكون اسمك فـ القائمة السوداء لو بتقدم مرة ثانية ( مدري عن صحة المعلومة ) . فـ ما ودي اقدم على شيء وانا متردد اقتباس:
و اعذرني على ذا السؤال , بس ايش اللي خلاك تسحب ؟ و قدمت مرة ثانية ولا لا ؟ اقتباس:
ســؤالي للي عنده معلومة ! الحين انا لو اخرت التقديم لسنة الجاية , هل فيه شروط تمنع اني انقبل ؟ مثل العمر أو مدة سنة التخرج او و .. ألخ |
الساعة الآن 03:46 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين