خبر يسعد جميع من تم اسقاطة وحدث بياناته
بختصرلكم الكلام حتا توصل لكم الفايدة { الزبدة }
بعدم ماتم اسقاطي بشهر 7 ... طلعت تقرير بنفس الشهر ورفعتو بالموقع وتم ايقاف الاعانة وراجعت التاهيل ورفعو التقرير من عندهم مع تقييم الدكتور بالاستحقاق .. المهم كل ماستفسر عن الاعانة بالموقع يطلعلي موقوف والله لايوريك كل يوم ونا محظر بتاهيل ونشبت بحلوق الموظفين طبعاً موقع التاهيل قريب يعني مشوار ابو 10 دقايق ونا عندهم المهم سويت لهم ارباك بسبب الوضع وجميع الاجهزة الي بالمكتب 6 وكل موظف يستفسر من جهازة ويقولي وضعك سليم بس الرفض من الرياض انتظر لين يفتحو الاعتراضات بشهر 9 وتعال ونرفع لك ايميل . الزبدة اني طنشت كلامهم وحسيت انه فيه نوع من التصريف بسبب ظغط المراجعين والمعاملات الي تم اسقاطهم ... الحاصل اليوم حضرت على وزارة العمل ابي اقبال الوزير حتا اقتنع بردة وحصلت مساعد الوزير وستقبلني بكل احترام وشرحت له الوضع وتصل على السكرتير بعد التوصية ورسلني لمكتبة ودخلت علية وحيابي وصب لي القهوة مع الحلا وستانست صراحة وطلع ع الموضوع بعد الشرح وتصل بالموظف المختص وجاء وسلم وخذ مني التقرير وقالي تقريرك رسمي وتستحق وقالي ايش المطلوب قلت ابي تصلحون لي اعادة طلب اعانة انا وضعي سليم من ناحيت التحديث وتقييم ولاكن الموظفين بتاهيل الشامل يقولو انت مسقط من الرياض ونتظر لشهر 9 حتا يفتحو الاعتراضات وتعال . وانا ابي منك تنهي الوضع هذا حتا ترجع الحالة مستمرة قالي تبشر وصور التقرير واخذ رقم جوالي وقال انتظر مني اتصال وفعلن بعد ساعة جزاة الله خير اتصلبي وقالي اطمئن انت وضعك بسليم وراح تتعدل الحالة معاك بشهر القادم الا مستمرة بعد التحديث بنصف الشهر واذا ماتغيرت تعال ساعتها ورفعلك اعتراض بالاميل.... {{الخلاصة بالموضوع}} جميع من تم استخراج تقرير جديد ورفعة بالموقع ودكتور صلحلو تقييم بالاستحقاق بعد الاسقاط يثق تماماً ان الشهر الجاي حالتة راح تتغير من موقوف الا مستمرة طبعناً صرف المبلغ يمكن ينزل ويمكن يتاخر المهم ان الشخص يكون مستفيد ... وبالختام اتمنا منكم دعوة بظهر الغيب. |
رد: خبر يسعد جميع من تم اسقاطة وحدث بياناته
ان شاءالله جزاك الله خير هذا ما كنت أتوقعه التعديل يبي له وقت
بس حلوة صبو لك قهوة مع حلا انا انبسطت انك استانست ههههههههه :d |
رد: خبر يسعد جميع من تم اسقاطة وحدث بياناته
اقتباس:
|
رد: خبر يسعد جميع من تم اسقاطة وحدث بياناته
الله يسعدك ابي نص راتب وزير بس :q
|
رد: خبر يسعد جميع من تم اسقاطة وحدث بياناته
الله يسعدك وجزاك الله خير
|
رد: خبر يسعد جميع من تم اسقاطة وحدث بياناته
وش اعاقتك انت انا كتبو اكتئاب ذهاني وتعتمد على نفسها وطلع تمت بالقبول ودخلت رابط طلع لايوجد اعاقه في امل يرجع التاهيل لي او لا
|
رد: خبر يسعد جميع من تم اسقاطة وحدث بياناته
طيب انت في الرياض قريب على مقر الوزارة واللي ساكن في اقصى جنوب المملكه مين بيوصله للوزير
|
رد: خبر يسعد جميع من تم اسقاطة وحدث بياناته
بسالك يا غالي انا ابي اقدم على المقطوعه هل اقدم عن طريق الموقع او لازم اروح للضمان الاجتماعي
|
رد: خبر يسعد جميع من تم اسقاطة وحدث بياناته
انا برمضان راح اكمل 35 وودي اقدم على الضمان الاجتماعي وتحديدا على المقطوعه لان راتبي ضعيف
|
الساعة الآن 01:08 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين