خريجين تقدير المقبول
السلام عليكم
اتمنى الإفادة منكم والله انها ضايقه بي الدنيا تخصصي احياء نبات وتقديري مقبول تعبت وانا ادور وظيفه ابي اعرف مصيرنا بوظائف التعليم نتوظف ولالا ومتى نتوظف انا ناجح بالاختبار القدرات بالعام وساقط بالخاص واللي مخليني منفس ان وظائف العسكرية ماتقبلني لسسب الطول والدبلوم التربوي مايقبلنا وش نسوي وش مصيرنا:confused::c |
رد: خريجين تقدير المقبول
اقتباس:
ان شاء الله انها خيره لك . ولكن ابذل الاسباب راجع تخصصك وحاول تختبر كل مرة يما تجيب الدرجة مافي شي صعب انا مثللك اختبر عدة اختبارات لين الله سهل لي وجبت الدرجة المطلوبة . او حاول تدرس ماستر تستفيد من فترة جلوسك وبالتوفيق . |
رد: خريجين تقدير المقبول
جزاك الله خير
|
جزاك الله خير....
|
رد: خريجين تقدير المقبول
يقولون : المقبول غير مقبول !
لدي أخ تخرج من أربع سنين بتقدير مقبول بتخصص الشريعة .. من جهة الوظائف الحكومية لا أمل .. واتجه للقطاع الخاص .. الحل الوحيد تكملة الماستر .. وتقدم بالماستر بتقديره .. فيكون الماستر مكان الجامعية ويلغيها .. والمشكلة الأصعب أنه أغلب الدراسات العليا ما يقبلوا إلا جيد جداً أو جيد مرتفع .. ما لك إلا جامعة خاصة وتدفع المبلغ الفلاني .. أو الواسطة القوية التي تجعل المقعد يمشي والماشي يطير .. |
رد: خريجين تقدير المقبول
والله مسجل دخولي علشان ارد عليك
انا كنت مثلك معدلي زفت 2.16 من 5 وتخصصي لغه عربيه وعندي مشكله في قدمي تمنعني من دخول العسكريه وجلست بالمدارس الاهليه 5 سنوات من المعاناه بس شديت حيلي باختبار الكفايات ورفعت نقاطي والحمد لله تعينت لا تيأس انت وشد حيلك بالكفايات انا تجرتي اسوأ منك لان تخصصي لغه عربيه والتكدس فيه اكثر من تخصصك ومع ذلك قدرت اتعين رغم نزول معدلي |
رد: خريجين تقدير المقبول
بالعكس كثيرر معدلاتهم مقبول وتعينو
روح شوف الترشيح الاخير للخدمه المدنية للوظايف الادارية ناس كثيرر تعينو مقبول عشان اريحك اذا معدلك ناقص تحتاج شغلتين 1 اقدمية تخرج 2 اختبار قياس وصدقني تتعين وانت تضحك |
رد: خريجين تقدير المقبول
الاخ كابرس:
التقديم ع الوظايف التعليمه بشهاده الجامعه حتى لو كان معك ماستر |
رد: خريجين تقدير المقبول
حتى لو تقديرك مقبول تقدر ترفع نقاطك بقياس وكل سنه تجلس بالبيت تحسب لك نقاط اقدميه ..
لكن المشكله لازم يكون عندك تربوي |
رد: خريجين تقدير المقبول
اصبر ماتدري وش مكتوب لك ..
حاول تبحث وتركز ع القطاع الخاص والاختبار حضر له واختبر وانجح ماتري يمكن نجاحك فيه باب لك للوظيفة |
الساعة الآن 04:51 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين