حلول البطالة Unemployment Solutions

حلول البطالة Unemployment Solutions (https://www.btalah.com/index.php)
-   قسم مشاريع وأفكار (https://www.btalah.com/f12.html)
-   -   سأستقيل من وظيفتي واعمل مزارع (https://www.btalah.com/t688132.html)

خربوش بربوش 11-05-2017 08:47 PM

سأستقيل من وظيفتي واعمل مزارع
 
السلام عليكم ورحمة الله وبركاتـهـ

انا اعمل في شركة قطاع خاص رسمي وراتبي فوق العشرة ,, لاكن الزين مايكمل :k ,, الدوام بمنطقة نائية و 12 ساعه وبالشهر يالله اطلع اسبوع والباقي كد الحمير تكرمون ,, والمدراء هنود وافارقة والمتردية والنطيحة من ربعنا للأسف :mad: .


ووخدمتي 5 سنين عجاف عندهم راح عمري وانا يامداوم او طلعتي كلها نوم عشان اداوم ,, وظلم في كل شي مستعبديننا استعباد الله يجيركم :cry: ,, لذالك قلت اعمل بفكرة اقترحها علي احد الاخوان وهي مزرعة برسيم وشعير اعلاف وخضرة اجلكم الله ,,

مع العلم اني لدي مزرعة في حائل فيها خزان وبئر ومولد 35 كيلو والمزرعة بور , واقدر اجمع مبلغ 200الف قبل استقيل .

وافكر اني اخذ اجازة طويلة وازرعها واذا مشى حالي وجمعت مبلغ استقيل وأبدأ مشاريع وتجارة حرة ,, وقلت الاخوان شرواكم لزوم نستشيرهم قبل اجيب العيد واسوي حركة انترتيكر في واحد من المدراء :b ..

والسلام عليكم ورحمة الله ..

محب الخيل 11-05-2017 11:06 PM

رد: سأستقيل من وظيفتي واعمل مزارع
 
ياهلاومرحبا
اذا تقدر توفر مبلغ المعدات والزراعة وتجهز المزرعة

وبعدها تأخذ اجازة وتزرع وترجع للوظيفة (بدون ماتفصل )

وتتعب بالتردد بين العمل وزيارة المزرعة مرة كل شهر على الاقل

وتصبر لك سنة حتى تشوف النتائج وبعدها تتخذ القرار المناسب ..

هذا رأي تقبل تحياتي

خالد شمالي 12-05-2017 03:42 AM

رد: سأستقيل من وظيفتي واعمل مزارع
 
المشكلة هنا كل يوم يطلع لك قرار قرأت سوف يتم إيقاف زراعة الأعلاف سوف أضع الخبر في الأسفل
الاستثمار ممتاز اذا تستطيع ان تستثمر مثلا في مغاسل السيارات مغاسل الملابس او اي مشروع تدرسه قبل البدء فيه
واجلس في وظيفتك اقل شيء ظ¥ سنوات الى ان تضمن دخل ممتاز وبعد افتتاح ثلاث محلات استقيل اسأل الله لك التوفيق
كشف مدير تسجيل تراخيص الأعلاف بالهيئة العامة للغذاء والدواء، عبدالكريم الثويني، أن إنتاج الأعلاف المحلية سيشهد عِدَّة تحولات في المستقبل، أبرزها إيقاف زراعتها مَحَلِّيّاً وتحرير الأسعار بحلول عام 1440هـ، مُشِيرَاً إلى أن حجم سوق الأعلاف في السعودية يبلغ 15 مليون طن تَقْرِيبَاً.

وبشأن الأسعار الحالية والمستقبلية للأعلاف الخام، قال الثويني في عرض مرئي نظمته إدارة مهرجان الملك عبدالعزيز للإبل، بالتعاون مع الهيئة العامة للغذاء والدواء، بِعُنْوَان: “الأعلاف الحاضر والمستقبل”: “إن سعر كيس الشعير حَالِيَّاً يقدر بـ40 ريالاً، وبعد توقيف الزراعة مَحَلِّيّاً في المستقبل سيراوح سعر الكيس ما بين 36 – 58 ريالاً، بينما البرسيم تراوح سعره حَالِيَّاً ما بين 16 – 22 ريالاً، وبعد توقيف الزراعة محلياً، ستراوح الأسعار مستقبلاً ما بين 40 – 46 ريالاً”.

وأضَافَ: “المتداول في سوق الأعلاف بالمملكة ينقسم إلى شعير بمقدار 9 ملايين طن، وذرة صفراء يصل حجمها إلى 1.500 مليون طن، ويبلغ إنتاج البرسيم 3.5 مليون طن، وكُسب فول الصويا بمقدار 600 ألف طن، وتقدر الأعلاف الأخرى بـ85 ألف طن”، وَفْقَاً لـ “عكاظ”.

وفي ما يخص حجم صناعة الأعلاف في المملكة، أَوْضَحَ أن صناعة علف الدواجن تبلغ مليوني طن، ومركزات وعلف كامل للماشية تصل إلى مليوني طن، وعلف الخام بصورته الطبيعية نحو 11 مليون طن.

ونوه الثويني بأن سلامة الأعلاف لا تؤمن إلا بعدد من الإجراءات، تشمل الرقابة على الأعلاف المستوردة، وتسجيل المنشآت والمنتجات، والرقابة على المستودعات المركزية، ومصانع الأعلاف، ومحطات التعبئة، والأعلاف المزروعة بالداخل مِنْ قِبَلِ وزارة البيئة والمياه والزراعة، إضافة إلى سحب العينات وتحليلها.

يمك أدروبي 12-05-2017 04:41 AM

رد: سأستقيل من وظيفتي واعمل مزارع
 
وعليكم السلام عليكم ورحمه الله وبركاته ..


أخوي اولاً بخصوص عملك اتحمله مهما كانت القسوه لانه مصدر رزقكك والراتب فوق العشرة انا احلم فيها .. الله يرزقكك ..
طريقكك للتجارة باذن الله سهل مع الاجتهاد والمتابعه المستمره وانت على راس العمل .. إليك الطريقه ..

أجمل مبلغ لايقل عن 150 الف ريال وانت ع راس العمل

ابداء بتنظيم المزرعه وزراعة الخضروات مثل البطاطس ، الباميه ، الكوسه ، الخيار ، الطماطم نعناع ...... الخ من الخضروات ..

لان الخضروات كل شهر تنزل للحلقه وشوف كم يطلع لك ع حسب انتاجك ومساحه مزرعتك وكل م زاد الانتاج زاد المكسب ..

طبعاً تجيب فلاحيين يفضل من مصر الفلاححين لديهم الخبره ويريحونك في امور كثيرة بس اكرمهم ..

طبعا تتابع معهم وانت على راس العمل ببداية المشروع خذ لك اجازة وخلك على راسهم اذا خلصت الاجازة داوم وتابع كل ويكند او كل نهاية شهر تحصل ع فرصه .. الى ان تحس انك اسست نفسك صح واصبح لديك دخل قووي افضل من العمل ووسع مصادر رزقكك ولا تجعلها مصدر واحد فقط الزراعه


حط معها غنم او رب دجاج صدقني الرزق سهل بس اذا عرفت طريقة وتحملت المشقه بالتوفيق





اتمنى اني م طولت على ووصلت لك فكرتي

البارعي 15-05-2017 05:13 AM

رد: سأستقيل من وظيفتي واعمل مزارع
 
اقتباس:

المشاركة الأصلية كتبت بواسطة خربوش بربوش (المشاركة 9004660)
السلام عليكم ورحمة الله وبركاتـهـ

انا اعمل في شركة قطاع خاص رسمي وراتبي فوق العشرة ,, لاكن الزين مايكمل :k ,, الدوام بمنطقة نائية و 12 ساعه وبالشهر يالله اطلع اسبوع والباقي كد الحمير تكرمون ,, والمدراء هنود وافارقة والمتردية والنطيحة من ربعنا للأسف :mad: .


ووخدمتي 5 سنين عجاف عندهم راح عمري وانا يامداوم او طلعتي كلها نوم عشان اداوم ,, وظلم في كل شي مستعبديننا استعباد الله يجيركم :cry: ,, لذالك قلت اعمل بفكرة اقترحها علي احد الاخوان وهي مزرعة برسيم وشعير اعلاف وخضرة اجلكم الله ,,

مع العلم اني لدي مزرعة في حائل فيها خزان وبئر ومولد 35 كيلو والمزرعة بور , واقدر اجمع مبلغ 200الف قبل استقيل .

وافكر اني اخذ اجازة طويلة وازرعها واذا مشى حالي وجمعت مبلغ استقيل وأبدأ مشاريع وتجارة حرة ,, وقلت الاخوان شرواكم لزوم نستشيرهم قبل اجيب العيد واسوي حركة انترتيكر في واحد من المدراء :b ..

والسلام عليكم ورحمة الله ..

فكرتك كم مرت عليه كثيير ولكن جمع فلوسك وجيب لك مصري فلاح ياحبيبي وتعال ضبط المزرعة له وحط بها كاميرات مراقبة من بعيد يعني وانت في عملك ووريه الشغله بحيث اي ملاحظة بأتصال تعلمه اليين ماتشوف الخير من المزرعة وروح عند مديرك وقدم استقاله وسوي لك مثل الهندول اذا تعرفه ورجل على رجل وانت مريح والعامل راتبه من الخضار والحلال والدجاج والله ياخير فيها اعرف واحد اشتر له 20 راس من الخرفان وجاب لها فحل ماشاء الله واسترزق خير واشترى له دجاج وارانب وحط معها راعي وهو في مدينة والحلال في مدينة يطوفها كل اسبوعين الى شهر وراتبه مايتجاوز 6500 ريال لكن انت الخير معك ماشاء الله بأمكانك تجيب لك كم راس وفحل كويس ودجاج وعامل وابدأ مشروعك وخلي سنة تعدي على المشروع وشوف الخير

خمسه ريال 15-05-2017 10:33 AM

رد: سأستقيل من وظيفتي واعمل مزارع
 
يارجل راتبك فوق العشره وتبغى تستقيل قل الحمدلله وخلك في وضيفتك خريجين ماجستير امريكا ماهم محصلين وظايف .حوشلك مبلغ او خذ قرض بسيط وكمله من راتبك وافتحلك مشروع توجه للمطاعم سواء بوفيهات او وجبات سريعه

طالب جامعي-1 15-05-2017 02:08 PM

رد: سأستقيل من وظيفتي واعمل مزارع
 
في موضوع بالمنتدى تكلم عن تجربة له وكان مدخوله جيد .
لكن لابد يكون عندك علم بالمواسم ولابد يكون عندك علم بالسوق ولا بد انك تضع لك ركن خاص بالسوق يعرفونك فيه.
وعامل واحد مايكفيك تحتاج على الاقل 4 وهذي يبيلها ميزانية ، وبالاخص ان اول سنه بتكون صعبه لان مافيها دخل الا بالنهايه.

كنت اناقش واحد عنده مزرعه بالحساء عن التمر يدخله 60 او 90 الف بالسنة ، وهو مايبيع الا التمر.
لكن مدخول 90 الف لو تقسمها على 12 شهر يطلع لك 7500 . وهل هي تغطي المصاريف؟
ولكن هل كل ماتنوع وتزيد من خضارك يزيد ربحك؟ واذا بقى عندك خضار وش تسوي فيه؟
المسالة مو مستحيله لكن يبيلك تتحدى ، تحتاج انك تدرس التصريف مو بس ازرع واحصد.
لاجل كذا سيئة جدا انك تترك وظيفتك. يبيلك اقل شيء ثلاث سنين وانت على راس المشروع حق المزرعه ثم تطلع من الوظيفة وتتوسع بعدها.

خربوش بربوش 20-05-2017 12:52 AM

رد: سأستقيل من وظيفتي واعمل مزارع
 
جزاكم الله خير انا دخلت مزرعة ويسولف لي العامل انه يدخل من الخضرة 7500 ريال باليوووم !!! ماصدقت لين شفت بعيني ..

والشباب ميتين والعماله طايحين بخيرنا !

هاوي للبزنس 20-05-2017 02:53 AM

رد: سأستقيل من وظيفتي واعمل مزارع
 
شوف يالامير اشتغل بس لا تفكر تترك وظيفتك وانت ماضمنت لك دخل ثابت صح ان كلنا نبحث عن الحريه ولاكن طلب ثبات الدخل هو الاهم في الموضوع

هاوي للبزنس 20-05-2017 02:55 AM

رد: سأستقيل من وظيفتي واعمل مزارع
 
تقبل مروري


الساعة الآن 08:44 PM

Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة

استضافة، تصميم مواقع، برمجة تطبيقات، من توب لاين