بديت اتملل وش اسوي☹
مساء الخير
انا لي شهر بديت انسق ورد عرايس صناعي وعرضت كم نموذج انباع بس اثنين منها واسعاري للمعروضه من ميه الى ميتين وخمسين وصار يجيني طلبات كثير وفكرت قلت ببدا اصمم المشكله يتشرطون ولايبون يدفعون الورد الي يبونه صناعي فاخر قيمته غاليه ومن غير الاكسوار وقيمه الشحن وتوصيل يعني لي خساير وتجي الوحده تبخسني تتفق معي وكلشي واتفق مع تاجر الورد بنهايه تكنسل انه غالي مع العلم اعلى سعر 270 قسم بديت اتملل من البنات ذول في تصاميم توصل خمس ميه وسبع ميه ويشترونها هم مغمضين هل اصبر وابيع الي عندي حتى بديت اخفضها اكثر او اواصل 🙁 |
رد: بديت اتملل وش اسوي☹
ردد لاحول ولا قوة الا بالله
وادعي ربك ان الي يجي يشتري منك مايتملل و لا يتشرط توجهي لرب العالمين بدعاء ...راح ترتاح نفسيتك والله يرزقك من وسع فضله |
رد: بديت اتملل وش اسوي☹
هذي من مشاكل التجارة الالكترونية
مع اني كمشتري ارفض الدفع قبل الاستلام لكن دام السلعه اللي تبيعينها فيها تكاليف وديزاين وتعب اشترطي دفع نصف القيمة على الاقل سجلتي في معروف ؟؟ مع اني ماني فاهمه زين لكن اشعر انه مفيد للطرفين |
رد: بديت اتملل وش اسوي☹
الله يعين انا جربت التجاره الاكترونيه ولا نفعت معي بس انا انصحك تبدين بمحل لو كشك صغير وتسوين لمحلك متجر الاكتروني كذا شغلك بيمشي زي الوز والله يسعدك ويبارك لك |
رد: بديت اتملل وش اسوي☹
لا تمللين ، عادي هذولي الناس ، اللي صار معك صار معي وصار مع الف غيرك
ونفس الشيء والطريقة يحجزون بعدين يلغون ، ببساطة اشترطي عليهم المبلغ كامل او نصف المبلغ قبل ماتسوين اي شي هذا الشرط ينفعك وتعرفين جدية الناس من كذبهم |
رد: بديت اتملل وش اسوي☹
التجارة يبيلها صبر هذا اللي تداولناه وتاكدت منه.
تجارتك حلوه لكن المنطقة تفرض عليك اشياء؟ فلو اسالك في اي مدينة ساكنه راح يغير جوابك طريقة التصرف مع الناس. افضل شيء العربون قولي لهم العربون اقل شي 50، لكن تشتغل بدون عربون صعب جدا ، ممكن عملك يروح هباء منثورا. وعندي لك نصيحة : خل عندك اشكال ثابته ، بمعنى الطلب محصور عليهم تبي هذا الشكل بي 100 الثاني بي 200 الثالث بي 300 وهكذا. ويدفع الزبون عربون للتجهيز وادع لي :) |
رد: بديت اتملل وش اسوي☹
استمري لاتملين لازم في البداية تعب شوي ومعروف بعض الزباين متعبين ومن رايي كل زبون تتفقين معاه اطلبي نص السعر والسعر الثاني مع التسليم او حتى لو فيه صور لتصميم الورد وشافه الزبون عند الطلب اطلبي تحويل المبلغ كامل لان بصراحه اسعارك عاديه المفروض يتحول كامل المبلغ ولو الزبون طلب يعطيك دفعه اطلبي النص وقولي عشان اعتمد طلبك لازم تحويل وقتها لو فعلا جاد رح يحولك على طول وعليك بالصبر والمحاولة لازم ماتيأسين من اول عقبات
الله يوفقك |
رد: بديت اتملل وش اسوي☹
الله يعينك ويرزقك
|
رد: بديت اتملل وش اسوي☹
السلام عليكم ورحمة الله وبركاته
للأسف في كثار مثل ما ذكرتي وصراحة أنا أتفق مع اللي قالك يدفعون نصف المبلغ وهنا تعرفي الجدية منهم من ناحية الطلب وبالنسبة لأستمرارك من عدمه انصحكك بالأستمرار والتجارة تحتاج صبر لكي تنجحي بالتوفيق |
رد: بديت اتملل وش اسوي☹
اقتباس:
|
الساعة الآن 03:29 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين