|
هل فيه امل اعلق النجمه او اكون فرد ؟؟
السلام عليكم ورحمة الله اخواني انا متخرج علوم حاسب بشهر 8 عام 1435 يعني كملت 3 سنوات من تخرجي من الجامعه طبعا بالبدايه كنت رافض العسكريه تماما حتى لو يعطوني نقيب ماكنت ابغى الا وظيفه اداريه على المرتبه السابعه لكن زي منتم شايفين شح الوظائف الحكوميه وحتى الخاصه والاوضاع صارت اصعب وجلست 3 سنوات مهان في شركه راتب اقل من حقي بكثير واهانه من الاجانب وشعور بعدم الراحه وممكن اي لحضه اقدم استقاله او انفصل وبوضعي الحالي ماقدر اتزوج واسوي اي شي الان اصبحت افكر في العسكريه بجديه وصدقت مقوله ( مردها للعسكريه ) واكثر شي اتمناه هو كلية الملك فهد الامنيه وانتم عارفين ان من شروطهم ان مايكون مضى على التخرج سنه وانا متخرج من 3 سنوات هل ممكن يقبلوني او يكون فيه بصيص امل على قبولي بالكليه رغم ان جميع الشروط منطبقه باستثناء مدة التخرج والشي الثاني لي قريب رتبه عاليه في مكافحة المخدرات نصحني اقدم على دورة الافراد واتخرج رقيب وقال انا اضمن لك القبول والتعيين في مدينة جده الي انا ساكن فيها وبعيد عن الميدان احس صعبه ادرس جامعه علمي 4 سنوات وانتظر 3 سنوات وفي الاخير فرررد حتى لو رقيب اما غير كلية الملك فهد والمخدرات ما افكر فيها ابدا والشركه ابركلي منها مع احترامي لجميع القطاعات ابي نصائحكم يا اخوان حطو انفسكم مكاني الان رتبة رقيب في المخدرات مضمونه وبجده او اكمل تعلقي بامل اني انقبل في كلية الملك على رتبة ملازم !!! والشي الاخير متى تاريخ تقديم كلية الملك فهد لدوره 47 ؟ وتاريخ تسجيل مكافحة المخدرات للجامعين وماتحت ؟ |
رد: هل فيه امل اعلق النجمه او اكون فرد ؟؟
والرقيب احد يحصلها هذه الايام وانا اخوك لاتستهين فيها الراتب حول 11 الف مقارنة مع 7800 حقت المرتبة السابعة
شف طال عمرك مالك الا تقدم ماجستير تخلصها بسنتين وتخش على طول نقيب( يمكن ماتضمن القبول ايضا ) أو تنتظر الخدمة المدنية اذا مالك رغبة انك تكمل ماجستير أو تنتظر الوظيفة المدنية خش رقيب أو أي وظيفة مدنية بنظام عسكري زي اكاديمية نايف للأمن الوطني أيضا وكالة وزارة الداخلية للأحوال المدنية تعطيك وظيفة مدنية بنظام رتب عسكرية( تداوم بثوبك ) وهكذا والله يوفقك ياخوي |
رد: هل فيه امل اعلق النجمه او اكون فرد ؟؟
استخير والشي الي ترتحله سوية انا عن نفسي لو مكانك باروح العسكرية وانا مغمض العمر بيمشي يا صاحبي:Thumbs:
|
رد: هل فيه امل اعلق النجمه او اكون فرد ؟؟
اقتباس:
وهي ببالي الان لكن متردد مادري ليش وبعدين مافي ماجستير بلاش اتوقع يبيلها 70 الف او شي وماعندي حق الماجستير اذا كان المبلغ كبير مثل هذا عموما ربي يعطيك العافيه ماقصرت |
رد: هل فيه امل اعلق النجمه او اكون فرد ؟؟
معليش يحصل لك رقيب وترفض؟ شف لك حل تقدم على دورة الضباط الجامعيين الدفاع يقبلون اهم شيء ماتجاوزت 27 سنة
لذلك قدم على الدفاع والرقيب بالمكافحة والي يجيك روح له بتقعد ترفض وتتخير ترا مب انت لحالك جامعي نص السعودية جامعيين اعذرني على اسلوبي بس حرام تضيع عمرك عشانك تكابر |
رد: هل فيه امل اعلق النجمه او اكون فرد ؟؟
عليكم السلام
نصيحة لا تترك الرقيب انا مثلك جامعي ومقدم على الجيش رقيب ودورتي ان شاء الله بعد العيد وياله حصلتها وفرحان بعد ومثل قالوا الاخوان الراتب زين حوالي 10 او 11 ألف ويا كثر الجامعيين يدورنها وماهم محصلينها وبالتوفيق للجميع |
رد: هل فيه امل اعلق النجمه او اكون فرد ؟؟
قدم على كذا شي لانك ما تدري قي ايش تنقبل الان فاتحين القبول في وكالة الداخلية للاحوال المدنية وشخص من الاعضاء مسوي له موضوع خاص و في نقديم كلية الملك خالد العسكرية .. العسكرية الان افرادها لديهم كفاءات وهذا جيد وان شاء الله يفتحون لكم النقيب والرتب الاخرى للجامعيين
الحق على عمرك قدم .. |
رد: هل فيه امل اعلق النجمه او اكون فرد ؟؟
بكرة سيتم غلق التسجيل لكلية الملك خالد العسكرية
|
رد: هل فيه امل اعلق النجمه او اكون فرد ؟؟
اقتباس:
بس غبنه جامعي علمي وفي الاخير فرد واخوياي الي تخرجو معاي الحين ملازمين اوائل |
رد: هل فيه امل اعلق النجمه او اكون فرد ؟؟
شرط التخرج مافيه استثناء .
بالنسبة للماجستيرقبل ما تضعط على نفسك وتدبر مبلغ الدراسةلازم العمر ما يكون 29 سنه وقت بداية الدورة هل الشرط ينطبق عليك ؟ لازال فيه وضائف بس يمكن ماعرفت تسوق لنفسك , خريج علوم حاسب من اي جامعة ؟ ودوراتك في التخصص ؟ |
| الساعة الآن 09:16 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين