شركة بن لادن
السلام عليكم
مبارك عليكم الشهر وكل عام وانتم بخير ... عند كم استفسار عن شركة بن لادن راجو منكم التفاعل والمشاركة لو بالبسيط انا معي بكالوريوس ادارة اعمال + شهادة كامبردج ذلحين لو توظفة في شركة بن لادن كم يكون راتبي ؟ وكيف العمل في الشركة هل هو مريح ؟ وانا مقدم على اكثر من وظيفة حكومية لو جاني قبول اقدر اخلي طرفي من الشركة بسهوله او العقد يلزمني حتى انهي المده المتفق عليه ؟ انتظر ايجابتكم ودمتم ,,, |
رد: شركة بن لادن
غرييه محد عنده معلومة ؟؟
|
رد: شركة بن لادن
وعليكم السلام ورحمة الله وبركاته
أتذكر أخوي توظف فيها قبل 3 سنين بالجامعية واعطوه حول التسع آلاف .. مدري إذا صافي راتبه أو مع اوفر تايم رواتبهم للجامعيين زينة وطيبة .. بس نسمع أنه عقب ما طاحت رافعة الحرم وهم ما يصرفون رواتب للموظفين وكل يوم نشوف هاشتاق في تويتر .. مدري عن الأزمة ذي الأخيرة .. |
اقتباس:
جزاك الله خير ، وننتظر ردود وتجارب الاعضاء مع شركة بن لادن |
رد: شركة بن لادن
اقتباس:
شهر مبارك علينا وعليك أخي الكريم بالنسبة لشركة بن لادن رواتب الجامعيين فيها جداً ممتازة ولكن كما تفضل أحد الإخوان بعد حادثة الرافعة صار فيه تأخير في الرواتب وكنت أعمل بالشركة في ذاك الوقت ولكن مع تأخر راتبي ل 4 أشهر قدمت استقالتي ورحت لوظيفة ثانية براتب أقل بكثير والحمدلله .. والشركة الآن ماصرفت رواتب لزملائي اللي لازالوا يعملون فيها من شهر 01/2017 مانزل لهم شي. الله أعلم وش نهايتها .. أما بالنسبة للتعاقد مع أي شركة وتركها لوجود وظيفة حكومية فيوجد حالتين : 1- خلال فترة التجربة واللي هي 3 شهور ومع النظام الجديد تمدد ل3 شهور أخرى ، فلك الحق في ترك العمل خلال فترة التجربة ولايلزمك شيء. 2- بعد فترة التجربة إذا قدمت استقالة فأنت ملزم تجاه الشركة بشهرين إنذار تداومها أو تدفع رواتبها أو بالمفاهمة مع الشركة ممكن يعفونك منها ... أتمنى أكون أفدتك ، وفقك الله .. |
اقتباس:
الله يعطيك العافيه طيب الراتب تقريبا كم ؟؟ واجراءت فسخ العقد تحتاج وقت ؟؟ |
الساعة الآن 05:12 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين