حلول البطالة Unemployment Solutions - ♒♒ شــــــــمــــوع الغـــــــــــــرام ♒♒

اشعل شموع الغرام ومد يمناك
واقبل على بدع القوافي .. لايهمّك

افهق جديلك لَيَا غطى محياك
وسولف على عاشقٍ قلبه يضمّك

أسامرك وآتعجب في مزاياك
وآقول يا كبر حظ ابوك وامّك

سبحان من كمّلك بالزين واعطاك
في هيبتك خالقك يازين تَمِّك

اهمس دلع جعل كل الملا تفداك
ياللي جمال العذارى تحت كمّك

اسمي يازينه ليا جا من شفاياك
ودي مَ ينطق حروفه سِوى فمّك

انا تراني ضحيّه من ضحياك
لو ادري اني على بالك واهمّك

وقتي ظلامٍ عتيم بلا لقياك
وشوفك شروق الصبح ورده يشمّك

احبك واموت فيك واعشقك واهواك
حتى لو انّ وصلك سِمْ .. رضينا بِسِمّك