|
ابي نصيحتكم..
السلام عليكم ورحمة الله وبركاتة
انا خريجة من العام وماتوظفت وماعندي اي خبرة ابد المهم اني سويت مقابلة مع شركة ناشئة ولسى يأسسونها ويبوني اصمم لهم موقعهم وانظمتهم المهم انهم اختاروا مجموعة بنات لكن كتدريب مو توظيف رسمي وبعدها بيختارون وحدة منهم.. وفعلا بدينا نتعلم ع الاشياء اللي طالبينها منا ونرسل لواحد على اساس انه يدربنا .. المهم ان هالشخص قال اننا بنبدأ تصميم الموقع اسبوع الجاي وحنا لسى ماوقعنا عقد ولا شيء ولا عندنا اثبات ابد انهم بياخذونا يعني بس على كلامهم لنا بالتلفون.. هذا غير انهم قالوا ان المكافأة بتكون بسيطة ثمن مشوارك بس يعني مو شي كبير! وحاولوا يقنعونا نقبل بحجة ان التدريب مرة بيفيدنا وبيضيف لنا وكذا! الحين انا محتارة مادري اكمل معهم او لا.. لاني احس في استغلال مرة لنا وبالنهاية هو تدريب مايعتبر خبرة اصلا. وايضا افكر انه فرصة وانا قعدت بالبيت سنة تقريبا وماجاني شي وعلى الاقل اتسلى واضيف لي مهارات حتى لو ماانحسب لي.. انتم وش تشورون علي علما اني بقلبي مو مرتاحة ومابيه ابد لكن الظروف خلتني اقبل لاني مالقيت غيرة ودايما انرفض بسبب الخبرة اشكرلكم ردكم مقدما.. |
رد: ابي نصيحتكم..
بامكانك القبول كعمل تطوعي والاستفادة
ولكن مو منحقك مطالبتهم باي مكافئات او اي شي لان لايوجد عقد بينكم ويكفلك |
رد: ابي نصيحتكم..
طيب هو السؤال ليش مايوقعونا على عقد
هل يعقل نبدأ شغل قبل مانوقع عقود من اساس هم كانوا يبونا موظفات مو متدربات وبعدها قالوا تدريب بمكافأة والحين بنشتغل بدون مايوقعونا على عقد |
رد: ابي نصيحتكم..
رائي الشخصي >> اسحبي عليهم اول شي مافي عقد بينك وبينهم وش يثبت امكن يسحبون عليك حتى بالمكافاة ، وسجلي سيرتك الذاتية ببيت كوم وغيرها من مواقع التوظيف والله بيرزقك اما تدريب بيشغلك في وقتك اللي امكن لو الوقت هذا تاخذين في دورات وتطورين نفسك ابرك لك ودايم لاتقبلين بأي وظيفة الا بعقد رسمي ويفضل تسجيل بالتامينات عشان تضمنين حقك هذا رائي والامر بالاول والاخير راجعلك ....... بالتوفيق
|
رد: ابي نصيحتكم..
أستغلال 99 % انتي جاوبتي نفسك مافي شئ يثبت صحة كلامهم
_____________________ لو بترمجولهم ويب ابلكيشن لازم بينكم وبين الشركة عقد اتفاق على مواصفات البرنامج وسعر البرنامج ووقت التسليم ولغات البرمجة المستخدمة ونوع قاعدة البيانات ونوع تشفير الأكواد ونوع hash وبروتوكول https كل هذا يكون موجود بالعقد يكون قانوني 100% _____________________ أنا خريج علوم حاسب بمعدل 4.89 مرتبة شرف جلست عاطل بدون دوام لكن قدرت استغل وقتي بالمكسب كيف ؟؟؟؟ أول شئ جلست اسوي اعلانات برمجة ويب الموقع الواحد ب 7000 ريال بس 10 % من الشركات اللي كانت تطلب لأن أنا شغال لحالي وفرد مو تبع شركة ماحد كان يوثق فيني ثاني شئ غيرت النشاط صرت اسوي مشاريع تخرج المشروع ب 5000 بس هنا برضوا مشكلة لأن مشاريع التخرج مرة في السنة غيرت نشاطي وصرت اسوي صيانة جوالات وكمبيوترات اخر شئ شغال عليه لقيت طريقة تفك ايكلود الأيفونات وهذا كسبني ذهب الأيفون الواحد المحلات تفكة من 750 ريال الي 1300 انا أفك صرت افك الواحد ب 250 ريال يجيني في اليوم 5 أجهزة _____________________ إلي حاب أوصلة ان خريج علوم الحاسب لو مخة شغال ومفتح بيطلع فلوس أكثر من دخل الموظف سواء برامجة , دعم فني , تصميم , صيانة , أرشفة , أيكلود بس بشكل فردي مو تبع شركة أو محل |
رد: ابي نصيحتكم..
اقتباس:
مسجلة فيهم كلهم بس ماجاني ولا لقيت شي لحد الحين وانا احس مهما كان الشغل غير عن التطوير الفردي وعموما هم الحين قاعدين يقيمونا وبعدها بيخاترون الافضل يعني اصلا احتمال ماياخذوني بالنهاية والله يكتب مافيه خير شكرا لك على ردك |
رد: ابي نصيحتكم..
اقتباس:
صادق والله تخصصنا ممكن يغنينا عن الوطيفة لكن نحتاج للثقة بانفسنا قبل مانبدأ وهالشي مايجي الا من الوظيفة غالبا عن نفسي من زمان افكر اسوي مشاريع واتعلم لكن للحين ماسويت شي للاسف شكرا لك على ردك |
رد: ابي نصيحتكم..
محتاجة انك تمارسين تخصصك.. اطلبي منهم ع الاقل شهادة خبرة
واذ رفضو اي مقابله عمل اذكري انك اشتغلتي عندهم بالحالتين ماعندك شي تخسرينه ( كسبانه خبرة ووقتك ماضاع عالفاضي( والله يكتب لك الي فيه الخير |
اقتباس:
|
رد: ابي نصيحتكم..
النصيحة هي كالتالي :
المفروض كان ساليتهم من البداية عن العقد وش وضعه ؟ سواء تدريب منتهي بالتوظيف او توظيف دايركت ومن ناحية مرتاحة او لا ماعليك اهم شي شوفي هل الشركة قائمة ولها هيكل اداري متكامل شؤون موظفين وادارة ماليه واقسام وعمال وفيها سعوديين ؟؟؟ اذا كانت الاجابه نعم توكلي على الله واقدمي السبب : ان مكتب العمل مايرحم مرة فلبيني اشتكا على المؤسسة اللي انا شغال فيها وحضرت انا بنفسي لمكتب العمل كممثل المدعى عليه سالني محقق مكتب العمل عن العقد حق العامل قلت له ما عنده عقد قال عند عقد او ماعنده حقوق الناس ماتضيع بسبب عدم وجود عقد تطمني حتى لو ماوقعوك على عقد في فترة التدريب ولاكن الحذر كل الحذر الوظيفة بدون عقد تحت اي عذر |
| الساعة الآن 11:29 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين