تعالوا بستشيركم يا أهل الخبره !؟
السلام عليكم ورحمة الله وبركاته
الموضوع واضح من العنوان!! جاي في بالي مشروع محل عصائر ، طبعاً انا مالي في المشاريع ولا سبق لي فتح محل ابداً ،، والان عندي مبلغ افكر جدياً في فتح مشروع عصائر و اشوف انه غير مكلف واستطيع منه اجرب التجاره واكتشفها ، واشوف ان محل العصائر استطيع التحكم فيه يعني مو متعدد تقدر تركز في شغلك وتقدر تديره بشكل ممتاز خصوصاً المالك واحد للمشروع. هل تؤيدون الفكرة او اصرف النظر عنها ؟ اللي عنده تجربه في هذا المشروع يعطيني رأيه وانطباعه عن المشروع وابرز الصعوبات اللي واجهته ؟ وهل المشروع بهذه السهوله اللي أنا اشوفها ؟ ولكل من مر بهذا الموضوع واعطاني رايه دعوه بأن يرزقه الله من حيث لايحتسب |
رد: تعالوا بستشيركم يا أهل الخبره !؟
وعليكم السلام ورحمة الله وبركاته
رمضان مبارك عليك وعلينا وعلى جميع المسلمين انا مالي خبرة ناوي افتح محل في مجال ثاني لاكن شاركة حبيت ادعيلك الله يوفقك ويتفحا لك |
رد: تعالوا بستشيركم يا أهل الخبره !؟
ولك بالمثل اخوي فيصل وشكرا لمشاركتك
اتمنى ماحد يبخل علينا بخبرته ومشاركته |
رد: تعالوا بستشيركم يا أهل الخبره !؟
للرفع
|
رد: تعالوا بستشيركم يا أهل الخبره !؟
وعليكم السلام بعطيك من وجه نظري
مشروع العصيرات شي حلو وماشي فالسوق بسبب ان المشروبات الغازية والطاقه باتت في قريب العاجل على الانقطاع من الناس بسبب السسعر اليوم مسافر ومع الفطور شربت عصير برتقال باليمون يا شيخ رجعت واشتريت جركل كبير ومروق على العصير في الخط اعتقد ان المشروع بينجح في المناطق الحاره مثل جده الشرقيه الرياض الناس يبون يبردون على قلبهم من جو المدينه فاعتقد لو الموقع ممتاز و الاجار مناسب واداره ممتازه راح تحقق المبتغى وديكور هادي ومتناسق راح تكسب العالم بس مثل ما قلت ركز على الاجار والموقع وحبذا لو تضيف عندك ايس كريم مثل اي سكريم الشرقيه فرعه بالطايف ماشاء الله يالزحمه ما تخلص حتى الشياب صافين طابور طبعا الايس كريم في كيس --- شاورر واستشير واستخير ذي مشورتي والله يوفقك |
اقتباس:
لاكن رايك في العمالة الهندية خصوصاً الكيرلا اذا كانت عمالة محترمة مدربة هل تنجح في مثل هاذا المشروع؟ |
رد: تعالوا بستشيركم يا أهل الخبره !؟
تنجح وبقوه
فيه محل عصائر فالخرج وشغال حريقه عماله هنود كذلك عندهم سلطات فواكه وركن شاورما وبرقر أهم شي الموقع ثم الموقع ثم الموقع وتكون حريص كل الحرص على الفواكه النظيفه وتتابع حلالك والحسابات والفاوتير باستمرار وفالك التوفيق |
رد: تعالوا بستشيركم يا أهل الخبره !؟
بالنسبة للعمال ما ادري والله لاكن من وجه نظري جيب لك مصارية شفل حريقة ويفهمون على طول مو نفس الهنود لان الزباين راح يتعبون مع الهنود وبالاخير الناس اذواق موو لازم مصري اي جنسية عربية او هنود بشرط يتقنون اللغة العربية
نجاح المشروع معتمد على الموقع قيمة الاجار اداره المشروع عدم صرف الارباح لمده لاتقل عن 6 شهور ويكون احسن لو تمسك الاداره انت بنفسك صدقني الحين الناس صارت تثق بالسعودي سوا في المحاسبة او في تقديم خدمه للزبون ولاتنسى الدعاية والتخفيضات اول اسبوع راح يجونك من كل مكان وفقك الله وعقبال نجاح المشروع |
اقتباس:
وشكراً لك على مشاركتك ورايك |
اقتباس:
مادري عاد نظرتي لهم صحيحة او انا مبالغ فيها شوي شكراً اخوي تعبتك معي ،، والله يكتب لك الرزق من وين ماوجهت |
الساعة الآن 10:45 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين