إجراءات ما بعد المقابلة ؟!
السلام عليكم ورحمه وبركاته
. . ما هي إجراءات اللازمه بعد تجاوز المقابله من فحص طبي و واوراق وشهادات وغيرها يا ليت اللي عارف يفيدنا ولكم جزيل الشكر |
رد: إجراءات ما بعد المقابلة ؟!
فحص طبي بعدين تروح للخدمة يطابقون اوراقك وبياناتك وتعبي نماذج وبعدين تستلم اوراقك توجيهك بالمباشرة للجهة اللي انقبلت فيها , يخيرونك هم يرسلونها او انت تستلمها وتوديها لهم
والله يوفقك |
رد: إجراءات ما بعد المقابلة ؟!
بالترتيب 👇
اولا: تنتظر لين جهة عملك يرسلون خطاب اجتياز المقابلة للخدمة المدنية. وحاول تتواصل مع الخدمة المدنية عشان تستفسر لان يومهم بسنه . ثانيا: اذا تم اجتيازك للمقابلة تراجع الخدمة المدنية ويعطوك اوراق اسمها "مسوغات التعيين" تعبيها ثالثا: تستلم ورقة الفحص الطبي ويوجهوك على مستوصف معتمد عندهم . رابعا: تروح المستوصف اللي وجهوك عليه وتسوي فحص "دم و بول" الله يكرمك. خامسا: تنتظر نتيجة الفحص الطبي من المستوصف وغالبا تطلع النتيجة خلال يوم او اثنين . سادسا: بعد ما تستلم النتيجة تراجع الخدمة المدنية وتجيب معاك صورة شخصية ما يهم المقاس وخلاص تسلم الفحص الطبي واوراق توقعها. سابعا: خلاص الخدمة المدنية ترسل اوراقك للجهة وخذ منهم رقم الصادر ، وبعدها تجلس تنتظر لين يدقون عليك الجهة اللي تعينت فيها ويقولون لك باشر العمل وغالبا يكون بعد اسبوعين وحاول انت اللي تجري وراهم لانهم احتمال ينسوك 😪 |
اقتباس:
استفسار بسيط مع الفحص الطبي يعطوك ورقه للفحص ولا بدون ورقه ؟ وبخصوص الشهادات والخبرات ؟ |
اقتباس:
طيب اذا عندي خبرة اربع سنوات هل يزودون راتبي لاني سمعت كل اربع سنوات بمرتبه وسمعت برضو انو مايزودونك مرتبه لكن يزودنك درجات يعني بالدرجه الرابعه او الثالثه وهل لازم الخبرة بنفس مجال تخصصك |
اقتباس:
وبخصوص الشهادات والخبرات ما تفيدك في التعيين يعني تتوظف على نفس المرتبة والدرجة للشخص اخر بدون خبرة |
اقتباس:
انا لي خبرة 4 سنوات في نفس مجال تخصصي واتوظفت انا وواحد توه متخرج على نفس المرتبة والدرجة . |
اقتباس:
الصراحه ظلم المفروض راتبك يزيد |
الساعة الآن 10:55 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين