خدمة العملاء لم يعطيني رقم طلب المساعده المقطوعه
السلام عليكم
وكل عام وانتم بخير وعيد سعيد والعافيه لكم ولنا اخواني اتصلت اليوم بخصوص رقم طلب المساعده المقطوعه على مركز خدمة العملاء بوزارة العمل والتنميه الاجتماعيه 19911 تحويله ٣ تحديث البيانات وقالت لي الموضفه انه خاص وماتقدر تعطيني كذالك تحويله ٥ الخدمات الاكترونيه برضو ماعطتني قالت انه خاص كذالك تحويله ٦ الضمان الاجتماعي برضو قالت لي انه خاص وماتقدر تعطيني لازم عن طريق المكتب وقلت لها ان المكتب بعيد علي وقالت ماراح تاخذه الى عن طريق مكتب الضمان الي قدمت طلب المساعده المقطوعه عليه والان اخواني الي يعرف يساعدني هل في طريقه اخرى اقدر اطلع فيها رقم طلب المساعده المقطوعه غير هذه الطريقه وبدون مراجعتي للمكتب لانه بعيد علي حيل |
رد: خدمة العملاء لم يعطيني رقم طلب المساعده المقطوعه
يمكن زيادة امان عندهم عشان مو اي واحد يدق ويطلب معلومات يعطونه
والافضل انك تروح الكتب لانه مافي غير هذا الحل |
اقتباس:
وكل عام وانتي واحنا بخير |
رد: خدمة العملاء لم يعطيني رقم طلب المساعده المقطوعه
للأسف انهم زي قلتهم ولامنهم فائده اذا كان جهاز الحاسب عندهم ولا يفيدون احد للتصريف فقط قبل كم يوم اتصلت عليهم احدى الأخوات وأعطوها رقم الطلب
ولازياده امان ولاشئ والرقم اذا اعطوه لأي بني ادم مامنه خوف واصلا مايعطون الرقم الا برقم الهويه وحتى بامكانهم التأكد من المستفيد باجراء بعض الاسئله مثل الاسم كامل وتاريخ الميلاد لكن؟؟؟؟ الشكوى لله عليك وعلى الضمان |
اقتباس:
وبرضو اتصلت على رقمهم 0112915588 ولافي فايده يرن ولايردون |
رد: خدمة العملاء لم يعطيني رقم طلب المساعده المقطوعه
الرقم اللي نهايته 88 عطلان له 6 اشهر ماينفع لازم تروح للضمان
|
رد: خدمة العملاء لم يعطيني رقم طلب المساعده المقطوعه
اخوي لاتتعب نفسك حسبي الله فيهم
المكتب بعيد علي ورحت رفضت الموظفة تعطيني قعدت ساعة اشحذ ورحت لغيرها نفس الشي مااعطتني لا لي ولااختي الظاهر فيه تعليمات مايبغون الناس تعرف الوقت المتوقع وترجهم مايدرون نرجهم من حاجتنا لكن ماني مسامحتهم على المشوار اللي اتعنيت له وانا صايمة وخلتني اذل نفسي لهم رغم ان رقم الطلب من ابسط حقوقي |
رد: خدمة العملاء لم يعطيني رقم طلب المساعده المقطوعه
السلام عليكم وكل عام وانتم بخير
اتصلت على خدمة العملاء 19911 اليوم بخصوص الاستفسار عن المقطوعه وردت عليه الموظفه وطلبت منها رقم الطلب وقالت عطني اسمك ورقم هويتك ورقم جوالك واعطيتها البيانات وقالت لي راجع مكتب الضمان ... اللي يطرح التساول ليش طلبت بياناتي اذا ماتقدر تفيدني شي غريب هذا اللي حصل معي وحبيت افيدكم,,,,, |
رد: خدمة العملاء لم يعطيني رقم طلب المساعده المقطوعه
ممكن الجهاز وقف عن العمل عندها عاود الاتصال عليهم او انتظر ليوم الاحد وراجع الضمان لكن الرقم هذا عديم الجدوى ولافائده تذكر منه وعلى مدار السنوات الماضيه لم اسمع وأن قدم فائده للمستفيدين اللهم الا حاله واحده تم تزويدها برقم الطلب وهو فقط لتصريف الناس
|
رد: خدمة العملاء لم يعطيني رقم طلب المساعده المقطوعه
طيب الي مايقدرو يروح ابوي كبير وقدم بس الموظف الله يسامحه ماعطاها رقم طلب
|
الساعة الآن 12:02 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين