حساب المواطن - الله يوفق من يساعدني
السلام عليكم ورحمه الله وبركاته
انا ابوي وامي متوفين من 10 سنوات وانا عمري 35 سنه وساكن مع اخوي اكبر مني في شقه ايجار .. المهم اخوي سجل في حساب المواطن واضافني معه وطلبو من اخوي صك اعاله او صك ولايه ..؟؟ وانتم عارفين ان استخراج صك ولايه يكون على المريض او اصغر من 18 .. اما صك الاعاله فيطلبون اثنين شهود واثنين مزكين .؟؟؟ وش الحل يا اخوان والله اني احترت لاني سجلت مستقل وبعدين كلمت موظفي خدمه العملاء في حساب المواطن وقالي خل اخوك يضيفك ولما اضافني طلبو مني صك ولايه او صك اعاله مع العلم ان عمري 35 واعزب ولم يسبق لي اني تزوجت ابداء .؟؟ ابي حل لاهل الخبره والله يوفقكم ويجزاكم الف خيررر |
رد: حساب المواطن الله يوفق من يساعدني
108 مشاهدات ولا احد فيه خير يرد او يقول كلمه ..
فعلا الطيبين واهل النوايا الزينة راحو ولا بقي الا ... .. على العموم تم حل المشكله بفضل الله ثم موظف خدمة العملاء تحياتي |
رد: حساب المواطن الله يوفق من يساعدني
مرحبا يامستوى ثالث
والله يااخي مستحيل احد يجيب وماعنده خلفيه عن الاجابه الصحيحه وحساب المواطن هذا برنامج جديد كماتعرف فلاتلوم الناس بعدم الاجابه تقول الطيبين واهل النوايا الزينه راحو لاماراحوا موجودين وشوف قسم الضمان ماشاء الله الكل يتسابق على الاجابه لكن شئ مااحد يفهم فيه لااحد يجيب ليه لأن الكلمه مسئوليه امام الله ثم امام الناس وكنت ناوي اجيبك واقولك اتصل عليهم لأنه حتى انا لااعرف الاجابه وياليت تكتب هنا الحل حتى الناس يستفيدون وتكسب اجرهم خاصه لمن هم مثل حالتك لك تقديري واحترامي |
رد: حساب المواطن الله يوفق من يساعدني
أكيد لو في أحد عارف أليه النظام صدقني بيرد .. وعني والله لو أملك معلومه لفيدك بس للأسف ماكو شي ربي يوفقك
|
الساعة الآن 12:05 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين