الدبلوم التربوي
 

السلام عليكم

كيف حالكم جميعا ؟

اول شي انا خريجه حديثه ونقاطي ف جداره 62 مجتازه قياس بس مو تربوي وتخصصي انجليزي ، فيه امل اتوظف معلمه؟

وعندي سؤال ثاني بعد، انا من محافظه ماعندنا دبلوم تربوي وناويه ان شاء الله ادرس تربوي في الرياض بس ابسأل وش افضل اي جامعه ؟ وكم مدته ؟ وكم سعره؟ وله معدل ولا لا وينجمع مع اللي قبل ولا كيف؟

ووش طريقة دراسة التربوي؟

ووش شروط التربوي ؟؟ فيه اختبار مخصص له ولا؟

تكفون ردوا ع اسألتي كلها
ادري طولت عليكم بس والله متقروشه ومو عارفه شي ، وشكرا لكم
الله يسعد ويوفق ويحقق له مايتمناه اللي بيرد علي ❤❤❤

رد: الدبلوم التربوي
 

من ناحية اتوظف بدون دبلووم نسبة قليل اذا ماهي معدومه لاني هالتخصص فيه ناس معه دبلوم بس ترسب بااختبار قياس

اما الدبلوم انا خلصته هالسنة دراسة سنة بمبلغ 10000 ترمين مواد عادية ادرة مدرسية وحاسب وتربية اسلامية القياس ومن هالمواد.

المعدل بالدبلوم ماله اي قيمة اهم شي الشهادة فقط لايزيد بنقاط ولا اي شي .

شرووطه نزلت قبل شهر موجود منها القدرات 65 فاعلى .

اتمنى لي ولكم التوفيق

رد: الدبلوم التربوي
 

العام 1437 اقل نقاط ترشيح للبنات انقليزي 74.44
تقدري ترفعي نقاطك باعادة اختبار الكفايات , مدة الدبلوم ترمين (سنة) من شروطه اجتياز اختبار القدرات للجامعين وبعد كذا تدخلي مفاضلة على الدبلوم 50% 50%على المعدل والقدرات تختلف النسب حسب كل جامعة , اسعارهم تختلف اشبه بالمتاجرة تبدا 5 الالف وبالتوفيق

رد: الدبلوم التربوي
 

انا تخصصي اداره عامه كيف اختبر قياس ؟؟ والله عجزت وانا اسأل ما احر عطاني علم
وانا بعد ودي اخذ دبلوم تربوي بس محتاره مرره و القدره الماليه ما تساعد عشان كذا ودي اعرف هو بيفيديني او لا بس ما ادري وين اسأل

رد: الدبلوم التربوي
 

من موقع قياس تسجلي بياناتك في الموقع اذا، مسجله تحوليها الى متخرجه ويطلع الاختبار في قائمة الاختبارات المتاحه لتسجيل والله اعلم... ونسال الله التوفيق