التامينات وحافز
 

السلام عليكم
انا سبق رحت مركز طاقات ابحث عن عمل وليت مارحت من زين وظايفهم عاد ماناسبني لاوظايفهم ولادوراتهم وسحبت عليهم بعدها توظفت بدون تامينات اتصلت علي الموظفه مره ومن غبائي احسب بفتك منهم اذا قلت اني توظفت وقلت لهم صارو يتصلون علي وازعجوني مره ليه مافي تامينات مره نبي نتواصل مع الاداره ونسالهم هي تحتاج دورات وانا اقدر اخليك مساعده المديره ب3 شهور ومن هالكلام وازعجوني باتصالاتهم
ب2 ذو القعده بكمل 6 شهور متخرجه ودي اقدم على حافز بس اخاف يسوون لي مشكله وازيد الطين بله اخاف يقولون رجعي الفلوس اللي اندفعت لكم او مثلا ماينزلونه لي لكن يزعجوني باتصالاتهم بس مافي اي اثبات عند موظفه طاقات اني موظفه
تتوقعون لو قدمت ينزلون لي حافز لان ودي اروح البنك افتح لي حساب عشان اذا جيت اقدم على طول ادخل الايبان
احس متحسفه ازعجوني على الفاضي ولااستفدت منهم شي وحرام يحرموني من حافز وهو عادي لو نزل لي دام مافي تامينات

رد: التامينات وحافز
 

يا بنت الناس الله يعينك
سئلتي في كذا موضوع و جاوبناك اكثر من مرة
اذا ما تسجلتي بالتأمينات ولا وقعتي عقد مع مكان عملك الجديد
تقدري تقدمي على حافز
بالنسبة لطاقات قلنا لك اكثر من مرة هم جهة توظيف لا اقل ولا اكثر
تقدري تنسيهم ولا تردي عليهم و تقدري تقفلي الباب بالرد انك خلاص ما تبين اتصالاتهم
وانك ما عاد تبين عمل منهم او من غيرهم
طالما انك ما وقعتي عقد معاهم و على فكرة بتسجيلك بحافز راح يكون في ربط مع
طاقات
يعني خلال تسجيلك في حافز راح يدورون لك على عمل يناسبك بمجرد ما يحصلون لك عمل
راح يقفلوا عليك حافز لأنه مافي جديه منك بالحصول على عمل
من رأيي انك تقعدي بعملك
و تهتمي بصلاتك اهم شيء
و تنسي حافز
و اذا بتسئلي كيف حافز مربوطة بطاقات
بقول لك حافز تدفع لك و تخلي طاقات تدور لك على عمل


المشكلة لك اقل من شهرين و تعبتي من العمل و بديتي تتململي منه


نصيحتي لك بالزواج راح ترتاحي نفسيا وبدنيا

رد: التامينات وحافز
 

لا يا أختنا الفاضلة حذاري من فعلك، غير أنك راح ترجعين المبلغ المدفوع لك إلا أن فعلك هذا يعد من قبيل التزوير وفيها عقاب وممكن تكون هناك ملاحقة قانونية
إضاافة إلى أن حافز وضع للباحثين عن العمل وأنت تعملين فحرام تأخذين شيء لا تستحقينه وقد تأخذي حصة لغيرك من المستحقات