|
تعبت من مشروعي وحلم حياتي صار كابوس
السلام عليكم
مرحبا جيتكم ي حلول البطاله وانا كنت متابعه لهالقسم من زمان لين ربي اكرمني وفتحت مشروعي بقرض ريادة الان مقفله ال ٣ سنوات وداخله الرابعه مشروعي لحد الان يسدد نفسه وقايم بنفسه مافي ربح لكنه متعب جدا جدا ومعه قسط التسليف ٣٠٠٠ صار الجيب على طول فاضي بس الحمدلله انه فيه دخل اسدد الاقساط الفايدة تجي اذا انتهيت من القرض بعد ٥ سنين الله يفرجها انا الان اكتب لكم ووصلت لدرجه عاليه من الاحباط والاكتئاب لان مشروعي خياطه يعتمد ع العماله ومع التعقيد في الاستقدام غير مشاكل هالمشروع والتعامل مع النفسيات كل يوم طفشششت ونفذ صبري وماعاد اتحمل احس في اي لحظة بتجيني سكته قلبيه من كثر مو جالس الموضوع بقلبي انصحوني سمعتو احد نفس تجربتي هل اعرض المشروع للبيع واللي يجيبه اسدد التسليف فتترة لين اتوظف واسدد الباقي علي فوق ٢٠٠ الف او اغير النشاط او اواصل كيف استمد قوة من جديد كيف اتحمل اللي جاي تورطت بالقرض وماني قادرة اتخارج وافكاري متشتته ووصلت لدرجه مو عارفه ايش اسوي غير اني حزينه على طول ماسمعتو اي اعفاءات جايه لتسليف وتشمل قروض المشاريع او لا |
رد: تعبت من مشروعي وحلم حياتي صار كابوس
وش خدمات المشروع وكم مساحة المحل وكم مدة العقد
|
رد: تعبت من مشروعي وحلم حياتي صار كابوس
اشرحي اكثر عن المشروع
يمكن نلقى حل لك سواء نصيحة او شراكة او إدارة اللي فهمته انك محبطة من الدخل والاجراءات الحكومية هذا شي أكيد كنت تعرفينه قبل لاتدخلين المشروع |
رد: تعبت من مشروعي وحلم حياتي صار كابوس
فهمتوني غلط انا فانحه شقه مشغل خياطة فساتين سهره
وعندي عامله فلبينيه وانا بعد اقص واخيط لاني خريجه خياطة انا طفشت من المشروع وقت الضغط مالقى احد يساعدني والان موقفين الاستقدام غير انه السنه الاخيرة مافي ربح يادوب يسدد الراتب والايجار وقسط التسليف والكهرب كنت احلم من مشروعي هذا يرزني يعزني اجيب سواق يفتح لي الباب لكن هذا ماحصل وكل ما اتذكر اني لازم استمر ٥ سنين على هالحال تجيني قمته واكتئاب فضيع اخاف اتهور عشان كذا شاورتكم الان موسم واخذت فساتين واستقبلت فوق طاقتي واشتغل مع الخياطة ليل نهار واحس بضغط كبير علي وكل ماتذكر ربح هالضغط بيروح للايجار يصيبني احباط وكاني رهنت احلى ايام عمري وعز شبابي لبنك التسليف اسدده شهريا ٣٠٠٠ |
رد: تعبت من مشروعي وحلم حياتي صار كابوس
السلام عليكم ورحمة الله وبركاته ,,
في البداية اختي انتي جالسة تكسبين خبرة في التعامل وفي الادارة وتحمل الضغوط والرسول اللهم صل وسلم عليه يقول التجارة فيه تسع اعشار الرزق في الوقت الحالي 80% من المشاريع سوقها مره ضعيف وكثير منها شركات كبيرة جالسة تخسر يوم بعد يوم . وانتي ماشاء الله عليك اذا بالوقت الصعب جالسة تجبيبن التكاليف فهذا بحد ذاته انجاز لك وباذن الله مع الطقرة القادمة تتحسن السيولة ويزداد ربحك . اما فيما يخص مشكلتك هل هي متعلقة بالضغط وماعندك القدرة على التحمل او ضعف الاقبال فبالتالي لايمكن تسديد الفواتير اذا الخيار الاول فما عليك الا استقدام عاملة حتى لو مو فلبينة استقدامها مجاني في بعض الدول اما اذا من ضعف الاقبال تحتاجين شريك معك يسندك في حال ضعفك وتسندينها في حال ضعفها بالاضافة الى العلاقات لانه هي مصدر دخلك بعد الله , اعرف وحدة تشتغل بالمجال هذا وماشاء الله تدخل ارباح ممتازة بفضل الله ثم بفضل علاقاتها واستمرارها مع الناس اول باول واذا من الشقة الان نزلت الايجارات بشكل كبير ابحثي عن اقل تحصلين ايضا الان في ضغط على العمالة كبير خصوصا السايبة مثل المشاغل اللي يشتغلون فيها باكستانية وغيرها بعدها الناس بتلفت لك اكثر واكثر ايضا مايمنع تحطين اشياء اضافية مثلا قسم الميك اب وترسلين الفلبينية للبيوت هذا اللي قدرت اساعدك فيه واذا عندك استفسار ماراح يقصرون الاعضاء |
رد: تعبت من مشروعي وحلم حياتي صار كابوس
صباح الامل ..
هناك دوما امل للحياه لا تقطعيه بنفسك مهما حصل ومشروعك مستمر والحمدلله وناجح لكن مشكلته الضغط النفسي الاقساط الموظفين اللي تطلعيه كله يروح لجيب غيرك .. جميل انك بدات وانطلقت ولم تظل جالسه كغيرك فهذي نقطه تحسب لك فلا تفقديها حسب ما ارى ابحث عن عاملات من محلات التجميل او جمعيه ثقيف كالطائف لدنيا عندهم دورات خياطه واكيد عندهم موظفات يبحثون عن العمل وتعامل معهم بالقطعه باليوم حسب ماترى انت وترى الفايده ثم انت اذهب الى مراكز التجميل وسوقي لنفسك بان يفتحوا لك قسم عندهم بالخياطه وتعطيهم عموله 5% اغريهم باسلوبك والعموله توسع لذاتك مواقع التواصل اعرض اعمالك .. ادخل ف منافصات خاصه بالجامعات .. بتقول العماله اخبرتك هنا يتوفر لديك ابحثي بالداخل قبل الخارج سهليها .. ولاتنسسسسي دعاء اخر الليل والوالدين بالتوفيق اختي |
اقتباس:
اخاف اجلس ٥ سنين اشتغل مجاناااا وضغط نفسي وبدني فضيع |
اقتباس:
مشاكلهم كثيره جدا وتمشكلو مع بعض صدعو راسي غير ان الشغل كله يروح لرواتب جربت التسويق والبضايع بالجمله وخيطت مجموعات كلها مامشت معاي سبحان الله الا خياطة فساتين الحريم بالطلب فسفرتهم وخليت وحدة نفس النتيجه الشغل يروح للالتزامات مع اخف شوي لانه مافي مشاكل عاملات احس المشروع كبير علي مره ابغى احد يساندني ويداوم بدالي اوقات المسؤوليه كلها فوق راسي واحس ماعاد لي قدرة ابد لدرجه بعد شهر الايجار افكر ادفغه لتسليف واقفل معقوله القى شريك يشيل عني ومو متاكده يطلع ربح له |
اقتباس:
بالاضافه جربي تصممي فستان لك خاص باسمك وابداعك واخلقي له اسم كماركه وجربي تنزل لاشهر محلات بمنطقتك تكلميه انك مبتداه وكذا وابي اعرض فستان حتي لو تعطيه نسبه من الربح بالاضافه لاتسديها بوجهك واكثري من الاستغفار |
رد: تعبت من مشروعي وحلم حياتي صار كابوس
هل قدّمتي على صندوق هدف ؟ دعم المنشآت الصغيرة؟ عشان تقدري توظفي عندك سعودية تمسك الإدارة وإلا الاستقبال و إلا رسائل الواتس براتب شهري 3000ريال مدة سنتين وإنتي تفرغي للخياطة واشرفي عليها وتأكدي من شغلها طالما عندك طلبات و شغلك ماشي ولله الحمد إنتي محتاجة وحدة معاك عشان تركزين بس لكن لو دخلتي شريك حالياً احتمال تدخلي في مشاكل زيادة إنتي في غنى عنها هاذي وجهة نظري وزيادة على كذا تقدرين تعلنين مابين معارفك إنك تقدمين دروس عملي في الخياطة برسوم رمزية جداً بحدود 200إلى300ريال تجي البنت تدخل عندك وتتعلم منك الصنعة عياناً بياناً وممكن تحب الشغلة وتمسك معاك الشغل وتوظيفها بدعم من الموارد وهكذا .. لاتخلي الضغط يضعف أحلامك و إلا تاخذي بسببه قرارات تضرك مشروعك الحمدلله ماشي بس فكري في طريقة مناسبة تحلي فيها الضغط عليك بس ويارب ييسر أمورك ويفتح لك أبواب الرزق |
رد: تعبت من مشروعي وحلم حياتي صار كابوس
الله ييسرها لك
|
رد: تعبت من مشروعي وحلم حياتي صار كابوس
اقتباس:
وظفت وحده بنفاس وفصلتها بعدين راحت تاخذ حقوقها من التامينات ماعطوها غير 300 ريال عن كل شهر وانا كنت ادفع لها عن كل شهر تامين فوق 860 الان الوضع مره مايساعد اوظف وحده لانه تقرييبا لي سنه مافي اي ربح او زياده حتى سيوله مامعي الحمدلله شهر بهشر انا مضغوطه لاني اشتغل مجانا ماقدر اخذ 500 ريال اخر الشهر والله |
رد: تعبت من مشروعي وحلم حياتي صار كابوس
الله يوفقك ويفتح عليك
سوي حساب لك بالانستقرام والسناب وحاولي تحطي فيه بعض من اعمالك |
رد: تعبت من مشروعي وحلم حياتي صار كابوس
انا اشوف المناسب جيبي عاملة غير جنسية اللي عندك وخلي كل وحده بغرفه
وابدعي بالتصاميم وشاركي بالبازارات واعرضي شغلك بالانستقرام وشوفي المواسم وروحي للمدارس واعرضي عليهم خدمات- تصميم فساتين وشعبيات للحفلات تصميم عبايات تخرج خياطة مراييل بالجملة للمدارس وخياطة ملابس العاملات اول شي نفذي مجموعه وجيبي مصوره تصورها لك وتضيط لك البوم واعرضيها عليهم وسوي عروض مثلا اللي تخيط فستانين الثالث بنص القيمة وهكذا حاولي تطورين |
رد: تعبت من مشروعي وحلم حياتي صار كابوس
بسم الله الرحمن الرحيم
(الاستشارة بالعادة غير مجانية :)) أولاً غيري النشاط اللي تشتغلين فيه عندك خيارين :- الخيار الاول: تبيعين المشروع وتفتحين مشروع اخر الخيار الثاني: تغيرين اتجاه خياطتك بالكامل ، مثلا لو تفصلين فساتين غيري فصلي بجامات وفي حال مانجحت فصلي شنط وهكذا. ثانياً بعد القيام بالخطوة الاولى ومتابعتك للمشروع واستقرار ربحه وظفي عاملة إدارية متميزة ثالثا اسالي هالسؤال ماذا بعد ذلك رابعاً نصيحة لاتركزين عالفشل وركزي عالنجاح والخيال والطموح كويس لكن احلام اليقضة مميتة!! داخل المشروع اولاً وفري الكمية ، اهم عناصر قيمك بالسوق الكمية ثم الكمية ثم الكمية وبما في ذلك الجودة ثانياً حددي مين الفئة المستهدفة ثالثاً ابني لك علاقات صحيح المعرفة مهمة في كل تجارة لكن المهم تعرف كيف تكون تاجر.. |
رد: تعبت من مشروعي وحلم حياتي صار كابوس
انت باي مدينة عزيزتي
|
رد: تعبت من مشروعي وحلم حياتي صار كابوس
جزاكم الله خير قررت ابيع المشروع اذا جاب لي فوق 100 الف لاني تعبت من الادارة ومقابله الزبايين واسدد التسليف وافتح مشروع من البيت طبخ او اكمل بيع منتجات خياطة
|
رد: تعبت من مشروعي وحلم حياتي صار كابوس
نصيحة لك لاتبيعيه المشروع كويس بس يبي لك صبر
ارسلي ايميلك للتواصل؟؟ |
رد: تعبت من مشروعي وحلم حياتي صار كابوس
الصراحه انا مالي بهذي الاشياء لكن قرأت مشروعك وفكرتك على احد قريباتي لها بمجال الخياطه وعندها افكار وحلول غريبه . المشروع ناجح ولاتفرطين فيه والصعوبات لا بد منها هذا حساب الانستقرام اذا تحبي تتواصلي من خلاله وتفيدك بافكار عسى الله ينفع بها babyhome1234 |
رد: تعبت من مشروعي وحلم حياتي صار كابوس
اصبري وحاولي تبدعين اكثر واكثر وصبر جميل وبتضبط الامور ان شاء اللله
و سوي دعايه للمحل الله يوفقك لكل خير |
رد: تعبت من مشروعي وحلم حياتي صار كابوس
مشكورين وجزاكم الله خيررر
صبرا جميلا وبالله المستعان |
رد: تعبت من مشروعي وحلم حياتي صار كابوس
بصراحه يا أختي الكريمة المشكلة مو من المشروع
المشكلة منك أنتي منتي قادرة تطورين مشروعك ولا انتي قادره تديرينه مضبوط كل اللي تحتاجينه تعطين نفسك وقت تفكرين فيه وتاخذين ورقه وقلم وتسجلين وش المشاكل اللي تعانين منها وطرق حلول وتبدين فيها وحده وحده اذا المشروع يسدد نفسه بنفسه فهذا يعتبر مشروع ناجح والمشكله ليست من المشروع بل منك تحتاجين فترة نقاهه وتبدين بروح جديده والله يوفقك وأبحثي عن حلول تطوير لمشروعك وزيادة دخل والله يوفقك ويفرج همك وييسر أمرك |
رد: تعبت من مشروعي وحلم حياتي صار كابوس
معك حق ياعبدالله
|
رد: تعبت من مشروعي وحلم حياتي صار كابوس
الله يعينك ادارة المشاريع مو شي سهل ابد وفعلا الارباح ماتجي بسهولة ومو بس انتي تعانين اتوقع كل المشاريع
التجارة ممتعة لكن تحتاج صبر ويقولك من صبر ظفر طالما يجونك زباين وتجيك طلبات ماشاء الله قولي الحمدلله هذا دليل ان شغلك ناجح وماشي فاستمري تخيلي لو ماتجيك طلبات ؟ اما الاحباط انك تشتغلين وتتعبين وبالاخير تدفعين اللي دخلتيه هنا وهنا وهنا ومايصفى لك شي فكري فيها بإيجابية ترى اللي تدفعينه للايجار هذا بالاصل تدفعينه لنفسك لو ماعندك محل يعتبر ماعندك مشروع اللي تدفعينه للعاملة او الموظفة تدفعينه لنفسك لانها تشتغل لك ولحسابك حتى اقساط البنك,القرض كان نعمه وتعبتي عشان تحصلين عليه ولولا الله ثم هو ماكان فتحتي مشروع وتعلمتي واستفدتي وحققتي حلم كان عندك تحلمين فيه غيرك يتمنى وماقدر وقيسي عليها باقي الامور استجمعي طاقتك وتذكري اول ايامك لما قدمتي على القرض كيف كان الحماس والامتنان والسعادة لما قبلوك ولما كنتي تجهزين محلك اقرأي كثير بتطوير الذات والتنميه وفيه كتب كثيرة عن عقلية الفقير والمليونير وتابعي حسابات ايجابية بتويتر وانستقرام وسناب لاتخلين اليأس يدخل قلبك او تفكرين بسلبية وتصيرين تشوفين النعمة نقمة وتكثرين من ندب الحظ ترى طريقة التفكير هي كل شي , حياتك تكون حسب طريقة تفكيرك اذا تفكيرك سلبي ومحبط وتحسين بالحرمان والقلة بتشوفين وتتعاملين مع كل شي بحياتك بهذه الطريقة .حياتك بتكون كذا سلبية واحباط وحرمان وقلة واذا تفكيرك ايجابي وتحسين بالوفره وتستشعرين النعم فحياتك بتكون كذا حتى التعب والشغل هذا يعتبر نعمه احمدي الله عليها تعب الشغل هو التعب اللي يجيب السعادة , التعيس هو اللي ينام وياكل مايشتغل ولايتحرك اعطي نفسك اجازة لنفسك عليك حق لو يوم بالاسبوع ...لو بس شغل شغل شغل تطفشين لازم تجديد الطاقة بعد الحالة النفسية شوفي الحلول الفعليه هل دفعتي زكاة المحل ؟ هل شفتي محل ثاني ايجارة اقل؟ هل فكرتي بنظام العمولة مع الخياطات ؟ هل فكرتي بتسعير خدماتك ؟ مجدي غير مجدي ؟ اذا فيه ضغط حاولي تخلي العميلة تأجل موعد الاستلام مقابل تخفضي لها سعر يعني اللي تبغى فستانها خلال اسبوع او اقل احسبي عليها سعر زيادة عشان تحسين انك اخذتي حق تعبك والضغط واللي تبغاه خلال 3 اسابيع مثلا سعرها اقل ادفعي من راتبك او من اللي يصفى لك لو عشره ريال تصدقي بها , الصدقة تزيد البركة ادعي قبل كل عمل بتشتغلينه اللهم بارك لي في جهدي ووقتي ورزقي شوفي لو تتشاركي مع خياطة او اكثر من خياطة ترتاحين من الرواتب ويكون لها عمولة لو 50% من كل فستان تخيطه فكرة الشراكة والعمل بالعمولة جدا رائعه ومحفزة اكثر من الراتب تخلي الوحدة تشتغل وتحرص على الشغل كأنه شغلها وتصير تبغى تشتغل اكثر عشان تكسب اكثر وانتي يكون عندك احد تعتمدي عليه بالمقابل خارج موضوعنا:: مواقع التواصل لانها تظهر جانب الرفاهيه فقط من حياة الناس وتظهرها كأنها الحياه المثالية والكاملة , صار الواحد لما يتابعهم يحس بحسره يشوف نفسه انه يكرف ويتعب وماوصل للي وصلوله الناس . كيف ناس بسهوله يحققون اعلى الدرجات ان كان نجاح شهره رفاهيه ثراء وناس تشقى ولاتوصل شفت كثير ناس بسبب متابعتهم لهذه الحسابات تأزمت نفسيتهم وحسوا بالتعب حتى النعم اللي عندهم ماصاروا يشوفونها وهذا غلط ركزوا على حياتكم والنعم اللي عندكم لانها قد تكون حلم يصعب تحقيقه عند غيركم ولاتراقبوا اللي اعلى منكم الا لو كنتو قادرين تتحكمون بأنفسكم مشاعركم وتعتبرونها تحفيز لكم لاتحبيط |
رد: تعبت من مشروعي وحلم حياتي صار كابوس
كثرت حكي لكن ان شاء الله انه يفيد ولو شوي لك ياصاحبة الموضوع او اي احد يمر بنفس الازمة
وصحيح اخر شي دائما كافئي نفسك وقدريها لانك انجزتي انجاز كبير وافتخري بنفسك وبنجاحك لاتشوفين وضعك الان فشل شوفيه نجاح انتي اسستي مشروعك الخاص شغلتيه بنفسك كسبتي رزقك من تعب يدك وعرق جبينك استمريتي 3 سنوات تذكري فيه كثير مااستمر حتى سنة وحدة تذكري زباين كثير انبسطوا من شغلك و شكروك واعمال كثير خيطيتها وطلعت راااائعه تعلمتي حاجات طورتك وغيرتك للافضل من خلال شغلك بالمشروع وغيرها وغيرها الكثير تذكري ايجابيات كثييير حلوة صارت معاك ولك لتحفيز نفسك |
رد: تعبت من مشروعي وحلم حياتي صار كابوس
اقتباس:
حياك الله اخت رييم انتي كنتي معي من بداياتي جزاك الله خير كل كلامك جربته نقلت لشه نص اجار محلي السابق تعاملت مع الخياطات مشاكل كثير تحتاج الزبونه فك بالكامل وترفض الخياطة وتطيح فوق راسي افضل شي تشتغل عندك بالمحل وتشوف الفستان ع الزبونه الاداره جداد متعبه والتنسيق والاعلانات بكل مكان ووو افكر الحل الاخير اجيب مغربيه او سوريا خياطة اداره قويه وخياطه افضل من شرق اسيا |
رد: تعبت من مشروعي وحلم حياتي صار كابوس
الله يسهل امرك يارب
بس ما انصح تقبلي المحل اصبري شوي تتغير الاوضاع |
رد: تعبت من مشروعي وحلم حياتي صار كابوس
الله يوفقك ويسخر لك يا رب ويفتح عليك 💗، التجارة تحتاج صبر 💗.
|
رد: تعبت من مشروعي وحلم حياتي صار كابوس
بسم الله ما شاء الله
اختي العزيزة انا لا اتكلم معك من فراغ انا بديت برضوة نفس فكرتك بدين من باب رزق نشاط مواد بناء ووصلت لمرحله الضغط والبكاء وصلت لمرحلة اني اهرب من المحل عشان المناديب كان عندي حول 40 مندوب يمرون علي بشكل اسبوعي واهرب منهم على اني جبت في المحل 3 اكفاء خبرتهم لا تقل عن 12 سنه في المجال نفسه وواجهت موضوع مكتب العمل القرار الاول قبل 3 سنوات او اكثر بالزام العماله بنقل كفالتهم وغير كذا تقفل الشارع اللي انا فاتح عليه حول 8 شهور واحترق بيتي وبعد الضغط هذا كله جلست مع نفسي وقررت عدم الهروب و إعادة الصياغة كامله من طقطق حتى السلام عليكم وهذا القرار مني انا مو من حلول البطاله مو من غيرك على ان اكبر عائق لي كانت وظيفتي وغير كذا اكتسبت العلاقات الكثيرة مع جميع الجنسيات الان لدي 7 مشاريع مختلفه من كوفي شوب و منجرة و محل مواد بناء و مركز مساج و تجهيز كوش افراح و صيانة دبابت وعندي حول 10 عمال حرفيين في المقاولات و مشغل شقه رجال للخياطة النسائيه انا مستعد لمساعدتك حتى لو كنتي تبغي تستقبلي الزبائن وانا اساعدك في الخياطه تواصلي معي على الخاص طرح سريع اعتذر عن عدم ترتيبي للموضوع اذكرو الله |
رد: تعبت من مشروعي وحلم حياتي صار كابوس
بسم الله الرحمن الرحيم
كان الله في عونك ، عزيزتي لايخلو نجاح من العقبات دعي عنك الإحباط واليأس رأيي ان إكمالك في المشروع نفسه بيكون صعب جداً خاصة إذا نجاحك يعتمد على استقدام عمالة واستقدامها يعتمد على .. وهلم جراً غير إن هالشي بيزيد مصاريفك الصراحه اقترح انك تنسين هالمشروع نهائيا وتبدلينه بمشروع يمكن لك إنجازه لوحدك او بمعونة اهلك وصديقاتك طبعا لهم رواتب او نسبة منك صعب لكن اسهل من عملك الحالي لذا : لديك شقة وعاملة و انتي متفرغه حولي المشروع لحضانة أطفال ولتبدأ بالمعارف والجيران تستقبلينهم بنفسك وتشرفين على العناية بهم وحبذا لو تستعينين بقريباتك او صديقاتك العاطلات اذا كثر العدد فالأول كوني سمعه ثم اطلبي منهم يزكونك لمعارفهم الموظفات وانتي وشطارتك وهالفكرة ممكن تأخذ منك ستة شهور او سنة ثم تعينين عليها شخص آخر وتصبحين مشرفة ومستثمره ويكون عندك وقت ودخل لإكمال المشروع الأول إن رغبتي طبعا الأول استخيري وابحثي في الموضوع ، او ابحثي عن طريقة لتأجير الشقة أو اركان منها لمزينات شعر او مشغل آخر وهكذا أتمنى لك التوفيق ودعواتك لي بالوظيفة . |
رد: تعبت من مشروعي وحلم حياتي صار كابوس
ماشاء الله التفاعل والحلول من كل مكان
الخلاصة مادام ان امحل يصرف على نفسه فهو ناجح ولابد من الاستمرار اختي الكريمة المحل يحتاج تطوير والتطوير يأتي بالتفكير بعمق وبهدوء والبحث اكثر خاصة في مجال الدعاية والتسويق وبناء العلاقات وعمل منتجات جديدة مثل مريول المدرسة او البجامات ..... الخ بشرط دراسة تفاصيل التفاصيل في مجال التكلفة والتسويق ارجو للجميع دوام التوفيق |
رد: تعبت من مشروعي وحلم حياتي صار كابوس
اقتباس:
صراحه قصتك مره حمستني لاني الان نفس شعور الضغط اللي كنت فييه وربي فتحها عليك يارب ربي يفتحها علي لاني حسيت وضعي وحالي هو هو حتواصل معاك على الخاص قريب ان شاء الله جزاك الله خير على ردك |
رد: تعبت من مشروعي وحلم حياتي صار كابوس
اقتباس:
مشكور على ردك |
رد: تعبت من مشروعي وحلم حياتي صار كابوس
اقتباس:
فعلا الخلاصه محتاجه تطوير والتطوير يبغى راس مال اقل شي 5 الالاف انا كل شهرين اجرب بالف والفين لكني ماعندي تسوييق وتجلس بضاعتي عندي وابيع بالبطء |
رد: تعبت من مشروعي وحلم حياتي صار كابوس
اخ اقتصادي ارجو التواصل معي للضرورة حاولت ارسلك خاص ماقدرت لان عدد المشاركات لايسمح فضلًا لاامرًا ارجو التواصل معك عبر الايميل :uv-555@hotmail.com
|
]uv-555@hotmail.com[]
|
| الساعة الآن 03:06 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين