للاســـــــــــف انتم راعين كلام وبس
 

اولا مرحبا بكم يا شباب
استغرب كثير فلسفلة البعض او الاغلبية عندما نفتح موضع فانا فتحت موضوع عن مشروع وتفجت ان اتصل علي ناس كثيرين وقالو اوكي يالله نسوي مشروع وبعدين جحدوني ماشفت وجيهم يا شباب اللي مو جاد راجا لا يدخل القسم المشاريع يعني تصورو اتصل علي عشرة اشخاص كلهم قالو اوكي ويوم جائ وقت المشروع فرقعو يعني نحاشو
؟! طيب ممكن تجاوبين ليش الحركات ذي وشكرا

طيب هدي أعصابك :)

المشكلة في رأيي هي حب الروتين وقلة الرغبة في المجازفة وخوض تجارب تكسر

الروتين المعتاد .. وبالنسبة للي يكلموك .. إذا كان كلموك استفسار وأخذ وعطى فمن

حقهم إنهم ما يكملوا إذا ما اقتنعوا أو تحمسوا للمشروع .. أما لو وعدوا وأعطوا

كلمة إنهم جاهزين ولما جا الجد فرقعوا ( على قولك ) .. فالمفروض اللي يشوف

نفسه مو قد الموضوع لا يوعد ويعطي كلمة .. لأن وعد الحر دين .. والواحد مسؤول

عن كلمته .. وبعد الفلسفة الطويلة هذي .. أتمنى لك التوفيق والنجاح بدون شركاء :)

هههههههههههههههه

ان شاءالله هديت اعصابك

واتمنى لك التوفيق والنجاح والرزق المبارك

اي والله انك صادق!

اتذكر في رمضان قالوا هنا بنسوي جمعيه وانا تحمست بقوه مع صاحبة الموضوع رغم اني ادخل النت واتوجه لهذا المنتدى وانا مره تعبانه بس عشان احسسهم اني متواصله معاهم
ولأن (صاحبة الفكره) من كلامها انها محتاجه وهذي فكرتها تسوي جمعيه
وبعد ما اجتمعنا كنسلت الجمعيه وربي حسيت بقمة البياخه وانا على قولتك اللي ما عنده عزيمه واصرار لا يقرب هالقسم رجاءا

أنا من الناس إلي كلمتك تلفون وأنا جاد والله ...
بس أنت إلي قلت ما ينفع لأننا بعيدين عن عن بعض كنت بقول لك ما عندي مشكلة أجيك كل نهاية إسبوع بس شفتك مرة ما تبي بسبب بعد المسافة بيننا ...
وعلى فكرة لو احتجت أن تكون شراكتي براس المال بس وتقل نسبتي من الأرباح عن 50% ما عندي مشكلة بس أطلع على المشروع إطلاع تام ...

فكرة الجمعية فكرة ممتازة وكم فكت أزمة ناس ...
أنا ما شفت موضوع الجمعية لكن ما عندي مانع اشترك بس تكون موثقة جيدا .

صباح الخير
المشكله في غالبيتنا لاشاف فكرة مشروع وعجبه الكلام المنسق والفكرة فورا يقول ايوا حلو تمام ابغى اشارك وانا معاك وماعليك وهات رقمك واتصالات ويوم يجي وقت الجد ونجي على أرض الواقع ونحسبها بورقه وقلم ودخل ومصاريف ومستقطعات وووالخ.. هنا اغلب اللي تحمسوو ينسحبوو واحد ورى التاني الين مايبقى ولااحد الا ماندر.. فمشكلتنا العجله بالاجابه او ابداء الرأي..موغلط اني ابدي رايي حسب مااشوف بس الغلط اني اعبر عنه باسلوب غلط كأن يقول احدهم بشارك وتوكل على الله وهو أساسا ماعرف عن المشروع الا سطحيات من صاحب الفكرة..
ولاتاخذ بخاطرك خيوو هذي هي الحياه لازم كذا فيها الزين والشين والحماس والاحباط والتردد.. :)
فاشرب ليمون مع نعناع وروق ولاتنظر للخلف ولاتهتم بمن وعدك وعشمك وتركك ربك كريم..
تقبل تحياتي..
أخوك\أحمد عبدالله

:) فعلا اخوي الجديه مطلوبه

بس برضو اتمنى انك ماتعمم في حكمك

المنتدى مليان ناس جادين وان شاء الله ان الاغلبيه جادين:)

بالتوفيق ان شاء الله

واي خدمه يالغالي ان شاء الله ماراح نقصر معك .. كلنا اخوان

:d بس لا تأخرت في الرد لاتسوي موضوع تشهيري ... امزح

في الحقيقة ان الشراكة وخصوصا من اناس ليسو اقارب ممكن يكون فيها مشاكل كثير فاي واحد حتى لو كان مغفل مايقبل انه يتعامل مع واحد ما يعرف سيرته الذاتية وخصوصا في هذا الزمن الذي لا اقول انعدم فيه الخير بل قل بكثير عن السابق الشراكة المالية حتى ولو كانت بين الإخوان تسبب مشاكل واكبر دليل شوف التجار الأكابر هذا وهم عندهم ملا يين وسادين جوعهم مهم محتاجين حتى القصور لذا انصح ومن هذا المكان ان يقلل الشخص قدر الإمكان من الشراكة والإعتماد على النفس والأب والإخوة والأقارب فالأقارب ، هذه وجهة نظر ممكن ان تكون صائبة وممكن ان تكون خاطئة والسلام ختام .

للاسف .. دائما تكوين علاقات شراكة تجارية .. من خلال الانترنت بين الناس

نادراً ما تكون ناجحة .. و اغلبها يتسم .. بالبرود و عدم الجدية

افضل حل لك .. تبداء لوحدك .. حتى لو طول مشوارك حتى تبداء بمشروعك

افضل من شراكة من بدايتها .. غير واضحة و غير جادة .. و تفتقر الى اهم مميزات الشراكة و هي الرغبة للوصل مهما كانت الصعوبات ..

عيد ترتيب فكرتك .. و دراستك لها و حاول تفهم اسباب رفضهم للمشروع فلربما كان فيه خلل غائب عن ذهنك .. و اشتغل على تصليحه

وابداء لوحدك .. او بمساعدة من اقاربك .. فقط ... بعيداً عن شراكة الانترنت افضل لك