حلول البطالة Unemployment Solutions - علشان نشرب قهوة زيـنـه وتكـيّـف

البن (القهوة العربية) الموجود في السوق غير ناضج ، والدليل أن القهوة مثل الماء الحار بلا طعم ولا رائحة وتسبب مغص في البطن ، التجّار لايحرصون على نضج البن ، مادام أننا نشتري منهم مستعدين يبيعوننا أي شي .

أحد الأصدقاء عنده خادمة اثيوبية وفي اجازتها طلب منها انها تجيب معها شوية بن من اثيوبيا يكون ناضج 100% وجاب لي منه وسويت قهوة أول ما بدأت تغلى على النار طلعت لها ريحة تكيّف ، ريحتها بس تقهوي ، ويوم شربت منها طعمها يجنن ،، جاتني فكرة ليش مانتعاون جميعاً ونطالب وزارة التجارة أنهم يلزمون المستوردين بعدم بيع إلا البن اللي ناضج 100% ويهددون المستوردين بغرامات مشددة إذا خالفوا ذلك ، وعلشان تهم وزارة التجارة بالموضوع لازم تجيها شكاوي كثيرة من المستهلكين ، هذه صفحة وزارة التجارة في تويتر saudimci@ أنا تواصلت مع الوزارة وقدمت شكوى ويتبقى دوركم أنتم ، آمل التعاون من الجميع

ملاحظة/ أرجو نشر الموضوع في (المنتديات ، تويتر ، فيس بوك ، واتساب)