أستفسار بخصوص التسجيل في جدارة
 

السلام عليكم
انا خريجة هالسنه الله يكتبها سنة خير علينا وعليكم
ابغى استفسر بخصوص التسجيل في جدارة ماعندي اي خبرة فيه
الحين فتحت حساب بجدارة وكل شيء تمام ودققو بمعلوماتي طيب وبعدين ؟
ايش المطلوب مني ؟

شكراً مقدماً:w

رد: أستفسار بخصوص التسجيل في جدارة
 

مادري وش تخصصك بالضبط بس بجاوبك بفرضية أنك تبين وظائف عامة، المطلوب تتابعين مواعيد التقديم على الوظائف العامة بموقع جدارة (مرتين بالسنة) والتقديم الجاي ب26-12للرجال و4-1للنساء
بهالتاريخ تدخلين بتلاقين رابط للوظائف قدمي عليها كلها وبيختارون اللي نقاطه أعلى من بينكم...
كل سنة تمر عليها نقطتين (حد أقصى 20نقطة بعشر سنوات) والباقي 80% على معدلك بالجامعة.

أحنا الرجال 40% معدل و40%قدرات و20%أقدمية تخرج
أنتو البنات 80% معدل و20% أقدمية تخرج ويمكن تتغير بأي وقت لازم تبحثين وتقرأين ألين تفهمين كل شي بالتفصيل الله يعينك.

رد: أستفسار بخصوص التسجيل في جدارة
 

الله يسعدك ماقصرت
انا تخصصي تربية أسرية
فهمت انو يوم تفتح الوظائف اقدم
بس تقسيم درجات انو 80 معدل تقصد معدل الجامعه لوحدو ولا شامل القدرات
وين موقع القدرات عند البنات ؟

بس بعد انا اقصد انو بجدارة خلاص فتحت ملف وكل شيء غيرو؟
يحتاج اروح مكان اقدم اوراق اعدل شيء ولا كذا وضعي بالسليم !

شكراً لك ماقصرت والله:w

رد: أستفسار بخصوص التسجيل في جدارة
 

اختي الفاضلة انتي سجلتي في موقع جداره وانتهيتي من كل شيء ومثل ماقلتي دققوا معلوماتك( الي فهمته هنا انو جتك رسالة على الايميل تم تدقيق المعلومات)
الأوراق مايطلبونها منك الأن !
بشرح لك بالتفصيل ،
في جدول سنوي تنزله الخدمة المدنية عن تواريخ التقديمات للوظائف الصحية، التعليمية ، الهندسية ، الوظائف العامة ..الخ
اول خطوة روحي لموقع الخدمة المدنية وشوفي الجدول هذا عشان تعرفين أوقات التقديم ، او اكتبي بقوقل " الجدولة الزمنية لوظائف الخدمة المدنية 1438/1439
يطلع لك جدول فيه مواعيد التقديمات
اذا جاء موعد التقديم تدخلين جداره وتختارين الوظائف وتجدين رغبات الأماكن ، بعد نهاية التقديم ينزلون الاسماء ، اذا اسمك طلع معهم تجي مرحلة التدقيق ( تدقيق الوثائق ) تروحين لمكتب الخدمة المدنية وتسلمينهم صور ويطالبون الأصل
وبعدها تجي المرحلة الثالثة وهي مرحلة النتائج !
الان الي عليك تسوينه
1- أطلعي على جدول التقديمات
2- تابعي حساب الخدمة المدنية على تويتر وحساب حمد المنيف ( المتحدث الرسمي لوزارة الخدمة المدنية) ينزلون تفاصيل اول بأول
3- توكلي على الله وادعي لك ولعموم شباب المسلمين بالرزق !
بالتوفيق واذا عندك اسئله ثانية تفضلي

رد: أستفسار بخصوص التسجيل في جدارة
 

بما انك متخرجه هذه السنه

مابغا احطمك بس ليلك طويل جدا جدا جدا

حتى لو معدلك عالي اقدمية التخرج عندك 0

معليش ان حطمتك بس هذه الحقيقه

لأنه 80% النقاط على معدلك + 20% اقدمية تخرج

وطبعآ غالبا ياخذو اللي متخرجين من 9 سنوات و 10 خصوصا البنات لان ماعندهم اختبار يرفع نقاطهم

وبرسلك رابط المرشحات وتشوفي بنفسك

رد: أستفسار بخصوص التسجيل في جدارة
 

وهذا رابط للمرشحات النساء لعام 37
افتحي الرابط وتتأكدي من كلامي


https://www.mcs.gov.sa/InformationCe...14370828_6.pdf

رد: أستفسار بخصوص التسجيل في جدارة
 

نصيحتي لك لو معدلك عالي انسي الخدمة المدنية الان وركزي على الوظايف اللي من خارج الخدمه المدنية

مثلا الاحوال المدنية + الجامعات لانهم ياخذون بالمعدل غالبا

:d

رد: أستفسار بخصوص التسجيل في جدارة
 

الله يسعدك ماقصرت
اي الحمدلله معدلي كويس بس اسمنو سجلت ههه

رد: أستفسار بخصوص التسجيل في جدارة
 

ماشاء الله كفيت ووفيت اخوي جاوبت بشكل مفصل و بااحتواء كامل

الله يعطيك الف عافيه اعتقد كذا خلاص لقيت اجوبتي شكراً لك :w

رد: أستفسار بخصوص التسجيل في جدارة
 

الله يسعدك بس ماني مستعجلة ابداً على الوظيفة توي هالسنه خريجه مثل ماقلت
بس ابي اشوف هل انا ماشيه على نفس الخطوات وبشكل صحيح
وماقصرت والله الله يعطيك الف عافيه :w