متى يردون علي ؟ ( مقابله بالبنك)
 

مساء الخير
عملت مقابله بالبنك قبل يومين
ابي اعرف كم انتظر عشان يردون ؟
وهل اذا كانت المقابله سريعه معناها اني مرفوضه😑؟
هل صحيح ان اللي يقبلونها مبدئيا يعطونها اوراق تعبيها بعد المقابله !

رد: متى يردون علي ؟ ( مقابله بالبنك)
 

متى سويتي المقابله ؟ و باي بنك

انا بعد سويت و بالراجحي

رد: متى يردون علي ؟ ( مقابله بالبنك)
 

البنك في العاده يطول القبول ماهو فوري، تسوي مقابله أولى اذ عديتها تسوي ثانيه اذ عديتها يرسلون الموافقه عليك للموارد البشرية ، و يكلمك قسم hr يقولك تعال وقع الأوفر ، تروح هناك يوريك الأوفر ويقولك وقعه وخلص الإجراءات وجيب مطابقه الشهادات والاوراق وعاده يبيلك اسبوع وأكثر لان فيها فحص وادله بعد و بعض البنوك تطلب ادله حتى على المداراء، هذا تلخيص بسيط لاجراءات القبول في البنوك ،

السلام عليكم..كيف اوصل سيرتي للبنوك من غير الموقع😓لو فيه ايميل او اي وسيله اوصلها؟
فيه فروع جديده عندنا بالمحافظه ،،معي بكالوريس حاسب ودورة مهارات خدمة عملاء ولغتي كويسه ..طموحي اشتغل ببنك لكن انا بقريه وودي اشتغل بمحافظات قريبه لي،،قبل اتصلوا علي لكن رفضوني يوم عرفوا انو مو بنفس المحافظه💔اتمنى اللي عنده خبره بالتقديم بالراجحي يخبرنا الله يجزاكم خير جميع

رد: متى يردون علي ؟ ( مقابله بالبنك)
 

روحي لهم

رد: متى يردون علي ؟ ( مقابله بالبنك)
 

اختى لازم كل اسبوع تروحين للفرع اللي سويتي فيه المقابلة او ادارة الموارد البشرية علشان تشوفين اذا انقبلتي او لا لأنه ممكن مايقبلونك ولا تدرين.. وكذلك ممكن يقبلونك بدون مايعلمونك..بس لحظة مايحتاجونك او يكون فيه شاغر ينادونك.. يعني تكونين في قائمة الانتظار..فا يستحسن انك تكونين حريصة وتبينين حرصك لهم وتكونين دائما على تواصل معهم علشان تعرفين اذا انتي انقبلتي او لا.. والله يرزقك الوظيفة وكل عاطل..آمين يارب العالمين

رد: متى يردون علي ؟ ( مقابله بالبنك)
 

مستحيل يعطونك بعد المقابلة علطول اوراق تعبينها..الهدف من المقابلة انهم يشوفون شخصيتك..واسلوبك وكذلك تصرفك كيف يكون من العملاء فا من المستحيل علطول يعطونك اوراق تعبينها لازم يتشاورون الموضوع مو سهل بالنسبة لهم انهم يوافقون او يرفضون لأن فيه ناس ثانية قابلوا معاهم..يعني بعد مايخلصون من مقابلة جميع المتقدمين يبدؤن بالتنقيح والاختيار لأن هذي مسؤولية ماهي سهلة.. وبعدين يكلمونك اذا وافقوا عليك علشان اجراءات التوظيف وبالتوفيق

بالتوفيق لكم يارب يرزقكم من نعيمه@