هذه قصة حقيقة ابغى ردودكم عليها............
 

:cry: :cry: :cry: ودي احس انى ماغلطت على احد لانى قلبى طيب وصافية النيه واسامح اللي غلطوا علي المشكله انى دافعت على ابوي واخرتها جاءت شتمتني ودفتني مع ذلك احس انى غلطت وحسيت بذنب وقلت لومادفعت ماصار كذا احس انا اللى غلطت ياناس ودى اصير قويه ولا اقول انى انا غلطانه انا اللى اخطيت ابغى الحل منكم..........هل انا غلطانه ام هى اللى غلطت وابغى حلول لازيادت ثقه بنفسي وانى ماخطيت ضررروري جدااااااااااا وجزاكم الله خيرااااااااااااا...................

مافهمت شي

مين اللي دفتك ؟؟
وليش دافعتي عن ابوكي ؟؟
ليه هو ما تكلم ؟
اييش السالفه من الاول وبالتفصيل ؟؟؟؟؟؟؟؟

القصه هى زوجة اخي تسوي مشاكل كثيره مع انه الاهل كلهم طيبين معها بس مشاكلها كثيرة ومره تطولت لسانهاعلى ابوي وانا دافعت عن ابوي طبعا بلسانى تهاوشت معها وبعدين حرشت على اخوي وانقلب علينا وبعدين ابوي طرد اخوي والا خت برضوا تسوي مشاكل ومره هى عصبت فقمت انا بتهديتها وقامت قالت لى انى انا اللى سبب فى مشاكل ودفتنى وقالت كلمه وهى حقيره فحسيت بالذنب واناابغىالمشورة وبعدين انا افكر بكلامها مع انها غلطت علي كفايه قالت انى انا حقيرة انا موضوع مره ملازمنى ومع ذلك لمى اشوفها اسلم عليها وقلبي مايحقد عليها ودي احد يريحني اناضعيفه والا طيبه زيادة والا ربي خلانىاسامح الناس

خلي اخوكي يغير عتبت الباب

اولن فكري بجد وحطي نفسك في محلها ..
وبكل ضميير .. وذمه منكي .. فكري لو ان معاها حق ولو بنسبه بسيطه ..
وابدي بحسن الضن بها
كييف ؟؟ انا اقول لك
فكري .. احتمال تكون معصبه من شي .. او نفسيتها تعبانه بذاك الوقت .. او تتوحم بذيك الفترة ..
او عندها ضغط من مسؤوليه الاطفال والكبار والكل كان يحملها فوق طاقتها ..
ممكن يكون ردك عليها ودفاعك عن ابوكي باسلوب انفعالي وانتي ما لاحظتي انك تغلطين عليها لشخصها .. كان من الافضل تتركين الكبار يتفاهمون مع بعض ويحلون مشاكلهم معى بعض وابوكي اقدر على انه يرد حقه بنفسه ..بعدين تجين لها بوقت ثاني وهي هاديه وتقولين لها والله انا ماخذه على خاطري منك وباسلوب لطيف وفيه عتب هادي بطريقه تحرجينها .. ذكريها بكم كنتو مترقبين وفرحانين لمى اخترتوها لاخوكي كزوجه وما كان العشم فيها انكم تتعاملون بها الاسلوب منها .. ذكريها بالصبر وانك معا اخوكي واهله واللي بيحزنها او بيزعلها هي او اخوكي اكييد راح يزعلك ..
والله كثيير كلام بقولك ..
بس الاهم انك ما تنسين انك وياها واخوك واهلك شي واااااحد مهما طال الزمن او قصر
والمشاكل لا بد بها في كل بيت

شكرا الاخت ريانه كلامك مرة حلو

عفوا قووت القلوب ..
والله يصلح اللي بينكم يا رب ..
والله ترى الدنيا ما تسوى انها تروح الايام من عمرنا بمشاكل
واحلى شي في علاقات الانسان هي الصلح بعد زعل .. ترجع العلاقه اقوى من قبل واحلى
بس بشرينا اذا انحلت المشكله ..

هلا اخت قوت

بصراحه ياختي هذا يدل على ان عندك ضعف في الشخصيه

بالنسبه لي مستحيل اسكت او اسامح شخص تطاول على ابوي وامي مهما كان ومن كان ولاي سبب كان

بحق نفسي انا حره والصلح خير والعفو جميل لكن اهلي سكوتي عن حقهم والسماح بالتطاول عليهم من العقوق
وزوجة اخوك راعية مشاكل الافضل انك تهملينها تماما لانها من النوع اللي مايحترم احد
ولاينفع معها عتب ولا كلام

الافضل انك تتعاملين كان الله ماخلقها بالدنيا والغي كل شي جهتها اريح

وانتي ماغلطتي وبطلي جلد الذات اللي تتعاملين به مع نفسك وعزيها وحبيها

وقالو التكبر على المتكبر تواضع

ماعليك منها اهمليها افضل

بسم الله الرحمن الرحيم

الأخت قوت القلوب

مشاكل زوجة الأخ تكون في بعض الأحيان مقلقه

وخصوصا اذا كانت الزوجه متسلطه وطماعه وتريد ان تسيطر على كل شيء

فمثل هذي المرأه وزوجها

يجب أن يكون لهم سكنا خارج منزلكم

فهي ترى انكم تشاركونها في زوجها

وهي من النوع الحقود,,او الأناني

فحاولي أن تتجنبيها,, وتتجنبي التعامل معها

وحاولي بطريقة أخرى أن تفهمي نقاط ضعفها

لكي تستطيعي أن تدخلي الى أفكارها وتفهمي طريقة التعامل معها

ولو ترسلي أيا من اخواتك او اقاربك لمن لديهم طريقه سلسه للتعامل مع الناس

==============

اما من ناحية دفاعك عن والدك

فهو من باب حبك لوالدك ولاترضين له الإهانه من اي شخص

وتسلطها على والدك يدل على انها امرأه غير محترمه او انها ترى ان الأب يأخذ شيئا من حب ابنه له,,,

وهنا تحس أنه شريكها في حب زوجها ,,,,

الحلول

1- أن يخرج هو وزوجته الى منزل آخر
2- الإبتعاد عن كل مايثيرها من غيره وحسد
3- أن يكون التعامل معها بطريقه واعيه بعيدا عن استخدام الأساليب المتسلطه

اذا كانت انسانه غير سويه (فحاولي أن تجدي الحلول في توعيتها وأن تعرفيها على فتيات يستطعن ان يؤثرن عليها ,,ويجب ان تفهمي من هن صديقاتها ,,فمن خلال افكار صديقاتها او من تصاحبهم ستكتشفين ماهي افكارها وطموحها ..وعند ذالك تستطيعين ان تجدي مايساعدك لتغيير تصرفاتها ),,,

بالحكمه والموعظه الحسنه

بالهدوء واستخدام العقل والتفكير

بالوصول الى نقاط ضعفها تستطيعي ان تدخلي الى احساسها

حاولي ان تكتمي غيظك وتفي عنها
قال تعالى
(والكاظمين الغيظ والعافين عن الناس)

وحاولي ان تتمالكي نفسك لحظة الغضب


تمنياتي لكي بحياه سعيده

والله يبعد عنك كل شر

=========

اخوووك
الوووووووووف