حلول البطالة Unemployment Solutions - من أجمل قصيده لسعد بن جدلان رحمه الله

ألايالله ياللي تحت هيبة سلطنتك أسلمت
لك المسلم يسبح لك بحمدك ولك الاسلامي
أ

حمدك وأشكرك وأثنى عليك بما علي انعمت
وزدني وفابر العشير ووصل الارحامي

ولجك الفجر ياليل الذهول اللي علي اظلمت

بعرضك واقع الماضي بعيني عرض الافلامي

ولهتك يالنديم اللي على صافي وفاك اضرمت
بصفحة الذكريات العام من ورا العامي

بعد تقرير مشوار التجارب نجحك واجزمت
بان السيف سيفي والعصا والمحزم احزامي

عطتني عزلة أخلاصي معك نسيان من نادمت
كتبتك وانطوت صفحي عليك وجفت اقلامي

أباهي لا أبالي واتبيسط كل ماقدمت
وأشب النار قدام العرب واشيد أخيامي

نهاري حر شمسه يستخي منها لسان الشمت
وليلي ترقب نجومه ملامة كل من لامي

على ضو الكلام اللي كشف عنا ستار الصمت
وعرفت إن به وجيه باليمن ووجيه بالشامي

أحسب إنك تيمم باتجاهي وين مايممت
أثر لا أنته ورايه بالطريق ولا أنت قدامي

وكثر ماحن صدري للونيس وكثر مادرهمت
فجع صدري حنيني وأتعب الأقدام درهامي

عيون الصد وعيون التجافي حول مهما أكرمت
تشوف المجتهد كسلان والبناي هدامي

مصيبة لاتردت قيمتك في عين من قيمت
يشوف بالسهل وأنته تشوفه بالسما السامي

مادام إن جابني شام لجنابك وأنت عني شمت
كثر خيرك وأنا مانيب لاجايع ولا ضامي

أشوف إنه علي واجب: إليا مريتكم سلمت
مرور كرام تربطها الكرامه عند الأكرامي

علي شان الخفوق اللي علي عرشه قعدت وقمت
وحجب عنك الدجا لين أشرقت لك بيض الأيامي

ختــام السالفه ياطيب العشره كرمت ودمت
هذا حقك علي وحق هقواتي علي أوهامي

مصير الوقت يشرح لك ظرفه لاغفلت ونمت
يصحيك الزمان اللي يصحي كل من نامي

وتعرفني لا منها ضاعت أوهامي بمن وهمت
وعرفت الفرق في حب الخشوم وحب الأقدامي

[/COLOR][/FONT][/CENTER][/B][/B]