صيانة جوالات وتركيب برامج .. فيدوني يا اهل الخبره
 

السلام عليكم انا طالب جامعي ومغترب فالرياض وطرا ع بالي إني احجز طاوله في محل واشتغل في تركيب البرامج وملحقاتها واتعلم الصيانه من اليوتيوب ، واساساً حصلت واحد يعلمني صيانة الجوالات مثل تركيب الشاشه والبطاريه والاشياء اللي عليها طلب في محلات الجوالات .. السؤال : هل العمل في محلات الجوالات مجدي ؟ وفعلاً يجيب لي دخل ولا يا دوب مصروف يومي ؟


لأن الصراحه سألة واحد يشتغل في محلات جوالات من ناحية المكسب قال لي مثله مثل كريم ، لو تشتغل في كريم احسن < ☹


يا اخوان ابغى احد خبره ينصحني ويرشدني في هالموضوع من ناحية العمل في صيانة الجوالات وتركيب البرامج .. من ناحية المكسب المادي كم النسبه المتوقعه فالشهر الواحد ، وعطوني بعض النصايح اللي ممكن تفيدني



الهدف من إني احجز طاوله واشتغل ، ابي اساعد ابوي وامي واشيل عنهم الحمل ، وضغوطات الحياه


مقترحاتكم الله يسعدك .. واذا فيه احد عنده محل جوالات يبيني اشتغل معه يكلمني خاص

رد: صيانة جوالات وتركيب برامج .. فيدوني يا اهل الخبره
 

انا عملت في سوق المرسلات
بيع جولات .و برمجه بدون صيانة ...
لكن خرجت من السوق
السبب . إيجار طاولة غالي .
أسعر طاوله من 2500 وفوق
اخذا مني جهد كبير +موصلات +رصيد جوال +إشتراك نت .
لاكن لاأنصح العمل في سوق جولات
انت طالب جامعي يأخذا منك وقت طووويل .
عشان تجيب قيمة طاولة +ربح .. يجب الحضور مبكر من ساعة 4 إلى 11 او 12 .
كثير منهم دخل سوق وخرج منه ..

الأفضل لك عمل دوام جزئي راتب مضمون ساعات أقل ..إذا كان عندك إختبار تستطيع العذر ...

رد: صيانة جوالات وتركيب برامج .. فيدوني يا اهل الخبره
 

عبدالله الله يسعدك على هالرد .. الغريب ان فيه ناس تمدح السوق بشكل مبالغ


فيدونا يا اهل الخبره .. ابغى اسمع اكثر من رائي
لا تكتمون العلم اللي بينفعني وينفع غيري .. وفقكم الله 😍🌹