|
محتاره بالوظايف ياليت تساعدوني الله يسعدكم
السلام عليكم ورحمة الله وبركاته
يسعد مساكم اخواني واخواتي انا في حيره والله يكتب الخيره أبي استشارتكم لي بخصوص التقديم على الوظيفه ،، انا مره العام الماضي قدمت على المفاضله ولا عندي ذيك الخلفيه بالمسميات وكذا أنا في الشرقيه وللأسف ما ظهر لي غير وظيفه وحده في منطقتي اللي هي مراقب تجاري مع وزارة التجاره والاستثمار وبعدها الأقرب الأحساء ظهر لي مأمور عهده مع وزارة العمل والتنميه الاجتماعيه .. الأقرب بعدها هي الرياض ومحتاره هل اقدم عليها والا لا في حال تم القبول إن شاءالله هل تسوى والا لأنه الوظايف على المرتبه السادسه وما ادري من ناحية المصاريف لو بسكن في سكن والمشاوير وكذا راح تاكل علي الراتب هل اقدر اجازف بالتقديم والا ؟؟ الشئ الثاني الوظايف اللي ظهرت لي في الرياض كذا مسمى تتبع كذا وزاره ولا عندي لها خلفيه ووش الأفضل وراح اذكرها ياليت اللي عارف عنها يفيدني مأمور عهده ( وزارة العمل والتنميه الاجتماعيه ) مساعد إداري ( وزارة العمل والتنميه الاجتماعيه ) محاسب مساعد ( وزارة العمل والتنميه الاجتماعيه ) باحث تنظيم مساعد ( وزارة الشؤون البلديه والقرويه ) مراقب شؤون الموظفين ( وزارة الشؤون البلديه والقرويه ) باحث ميزانيه مساعد ( وزارة البيئه والمياه والزراعه ) باحث مشتريات مساعد ( وزارة البيئه والمياه والزراعه ) مراقب تجاري ( وزارة التجاره والاستثمار ) باحث تدريب وابتعاث مساعد ( وزارة الشؤون البلديه والقرويه ) محاسب مساعد ( وزارة التجاره والاستثمار ) باحث تخطيط مساعد ( وزارة الاقتصاد والتخطيط ) آخر مفاضله كانت عندي النقاط 72.16 ولا عندي خلفيه كيف حسبة النقاط .. ياااااااليت تفيدوني الله يسعدكم وتشيرون علي ؟؟؟ |
رد: محتاره بالوظايف ياليت تساعدوني الله يسعدكم
اختي قدمي على جميع الوظائف الأقرب لك فالأقرب ! التوظيف الأن كل مره يتعقد ويصعب أكثر وأكثر ! بالتوفيق لك
|
رد: محتاره بالوظايف ياليت تساعدوني الله يسعدكم
مامور عهده فيه بدل 20% وقدمي على جميع الوظائف الاقرب لكي
|
رد: محتاره بالوظايف ياليت تساعدوني الله يسعدكم
خخخ شكلك عبالك الوظايف والقبول زي الرز والحياة عسل
ماعندك تجربه لسى بفساد جداره والموجودين بالخدمه المدنيه من قديم الأزل بكالوريوس امتياز ماستر ممتار وجيد جدا كلهم يقدمون مع كل تسجيل في جميع الوظايف الي تطلعلهم وبالاخير زيرووووووو قبول من سنين وسنين , هالكلام عالرجال والبنات |
رد: محتاره بالوظايف ياليت تساعدوني الله يسعدكم
بالنسبة للرياض والمصاريف هذي سهله لانك مارح تسكني لوحدك بتبحثي عن قروب بنات وتسكني معهم كذا تقل عليكم المصاريف
الله يكتب لك التوفيق والارزاق الحمدلله بيد رب العالمين |
رد: محتاره بالوظايف ياليت تساعدوني الله يسعدكم
الله يهديك انا نقاطي ٧٥ وللحين ماجاني ترشيح ومقدم علي جميع الوظايف اللي طالعه لي حتي اللي بتبوك وش بعدها عني م خليتها وانت تفكر اذا قبلوك قدم علي اي شئ يطلع لك والله يوفقك ويوفقنا ويرزقنا
|
| الساعة الآن 04:56 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين