|
مشروعي المستهلك
سلام عليكم اخباركم
من زمان ماكتبت موضوع وكذا بعد عدة خسارات بمشاريع وصرف اموال واجارات فكرت بمشروع مستهلك قوووه بس فكرت فيه وابغى رايكم قبل ابداء فيه انا الله يسلمكم بمدينة تقدرورن تقولون صغيرونه بعض الشي المهم ان هالمدينه مافيها ذاك الزود من البنات الي مسويه حساب تتجول وتصور لنا المولات والاسواق واخر التنزيلات والعروض وفكرت اني اقتنص الفرصه بما اني راعية هجوله بكل مكان واكتشف محلات واسواق واواني اشكال جديده وبضائع وخرابيشش حريم واطيح دايما على شي جديد من كثر ماافتششش بكل مكان وكثير من الاقارب والصديقات والاهل يستفيدون مني بااكتشاف الاماكن والاشياء هذي ففكرت اسوي لي سناب جولات وكذا ويصير لي متابعات واستفيد اسوي اعلانات ومكاسب شرايكم تشوفونه ناجح او بس راح يكون تعب عالفاضي لان الحين اشوف اصحاب الاعلانات كثر التراب افيدوني الله يسعدكم ففكرت |
رد: مشروعي المستهلك
وعليكم السلام
نصيحة لاتفتحي حساب في سناب اعتقد هذا خطوة من خطوات الشيطان ليجرك لما هو ابعد من ذالك المشكلة مو فيما ذكرتيه المشكلة في التطورات اللي راح تصير بعد كذا راح يغرك الشيطان بالمال والمتابعين ويجرك شوي شوي بظهور بنفسك بدل تصوير الاشياء ومن ثم كشف الوجه والتزين والتبرج راح تغتري بدنيا والمال والمتابعين وتنسي نفسك يصير مايهمك لا قيم ولا دين مثل اللي قاعدين نشوفهم لا تقولي مستحيل انتي تصيري كذا لان بني ادم ضعيف لولا رحمة الله لا هلكنا جميعآ انا اتمنى لكي الخير لذالك احذرك من المضي في هذا الطريق لانه محاطة بالمخاطر الا وهو ترك تعاليم الدين والقيم وشاهدنا بعض الفتيات من المشاهير كيف كانت بدايتهم بريئة وكيف صارو الحين هداهم الله احذرك ثم احزرك ونصيحة خليكي قنوعة لا تفكري في كسب المال الكثير هذي نهايتها مو طيبة اكتفي بمشروع يدخل لكي ولو قوت يومك وقولي الحمدلله غيرك مو لا قي ياكل خليكي قنوعة بتعيشي مرتاحة شاهدنا كثير ناس اغنية مع كثر الفلوس اللي عندهم ماشبعو مازالو يبحثو عن المال بشراهة هذا يدل ان القناعة كنز لا يفنى الاكتفى بالقليل ورضى يسمى قناعة وهذا فيه راحة عظيمة لنفس لو كلامي ما عجبك اعتذر وسامحيني فقط اردة ان انصحك الله يوفقك |
اقتباس:
لكن انا هذا شغلي من اول اروح واشتري اغراض البيت واساعد امي واقضي لها مثل مايقولون رجالة البيت يعني متفتحه من صغري والحمدلله لازلت ملتزمه بحجابي وقناعتي والله يهدينا ويثبتنا بس حبيت افيد واستفيد بفكرتي لاني اصور للاهل والاقارب والاصدقاء شبه يوميا كل شي اروح له وافيدهم بالجديد وحبيت استفيد من خبرتي |
رد: مشروعي المستهلك
اقتباس:
السلام عليكم ورحمة الله وبركاته ممكن مداخلة بسيطة .. الشخص أياً كان ذكر أو أنثى يطمح لما يفيده ويكون غير مخالف لشرع الله .. أنتي ومن خلال كلامك تبحثين عن باب رزق ينفعك ... بالمقابل هذا ليس بابا مناسبا للرزق ،، بل هو باب شهرة فقط . سيّري على مواضيعي إن أحببتي ذلك فلعلك تجدين بين أسطرها شيء يفيدك . |
رد: مشروعي المستهلك
أرى أن فكرتك جميييله جداً
وأبدئي فيها الله يوفقك بس لازم تنتبيهين من شغلات الشباب والمعاكسات |
رد: مشروعي المستهلك
يا اختي انا اتمنى لكي الخير بس هذا الطريق اللي بتفكري فيه ما يبشر بخير لانه محاط جدآ بالفتن والاغراءت راح يخسر الانسان دينه ومبادئه
اش فايدة الفلوس والشهرة اذا تجرد المسلم والمسلمة من تعليم دينه ويصبح مسلم بلإسم فقط والاسلام منه براء ونحن في زمن الفتن والقابض على دينه كقابض على الجمر لاتقولي انتي واثقة من نفسك الانسان ضعيف ولنا في قصة ادم عليه السلام عبرة ادم ابونا عليه السلام خلقه الله بيده وانعم عليه وادخله الجنة ومع ذالك عصاه ربه اذ استطاع الشيطان ان يغويه برغم انه في الجنة والله سبحانه حذره من الشيطان وقاله انه عدوآ لهم وراح يخرجكم من الجنة ومع ذالك الشيطان استطاع ان يغويهم وتاملي في هذي الاية بماذا اغواهم الشيطان (قال يا ادم هل ادلك على شجرة الخلد وملك لا يبلى) اي اغواهم بنعيم وملك اكثر ماهم فيه شوفتي كيف الانسان ضعيف وطماع وممكن ينغوي بمذيد من النعم كما قال تعالى (وانه لحب الخير لشديد ) فالحذر اولى من الثقة بنفس لان الشيطان قد ياتيك من هذا الباب باب الثقة بالنفس حتى يقعك في فخه ويتمكن منك يقولك يا فلانة انتي ملتزمة بحجابك وتعرفي الصح والغلط ومستحيل تنحرفي ومن ذا الكلام حتى يتمكن من جرك للفتن الثقة الزايدة بالنفس ايضآ مصيبة تضيع الانسان لانه يشوف نفسه ملاك لايمكن يخطى او احد يقدر يضحك عليه وهذا غلط لان مافي احد معصوم من الغلط كل بني ادم خطئ الا بعض الرسل واخر معصوم كما قراءة في احدى الكتب هو نبينا محمد عليه السلام وبعد موته رفع الله العصمة من البشر اي مافي احد معصوم عن الوقوع في الخطيئة او الفتن لذالك على الانسان ان يكون حذرآ ويحطاط بدل الثقة العمياء في النفس اللي تضيع الانسان وتجلب له المهالك ابحثي عن مشروع حقيقي عمل تكسبي منه وانا من وجهة نظري اشوف موضوع الاعلانات والشهرة تفاهة ومحاطة بالفتن اكثر ماهو مفيد اغلب المشاهير لايقدمون شيئآ مفيدة سواء التفاهة قل من يقدم شيئ مفيد هذا واتمنى انك تعيدي النظر في هذا المشروع موفقة خير |
اقتباس:
انا حتى اسمي ماراح احطه فقط فائده لي ولهم |
رد: مشروعي المستهلك
القسم صاير نايم
|
رد: مشروعي المستهلك
اكيد جربي لسببين
الاول مافيه خساره كبيره الثاني انتي اصلا بنفسك تروحين المحلات والاماكن هذي فمايمنع انك تصورين تقدرين تستفيدين اشياء كثيره احدها مثل ماذكرتي هي الاعلانات فيه اشياء ثانيه مع الوقت حتى المحلات نفسها بتقولك اعلني لي او صوري محلي واعطيك فلوس او نسبه فيه اشياء كثيره اقري في النت وتعلمي مثلا من الان تتفاهمين مع المحلات الكبيره وتقولين اجيب لكم زباين عن طريقي واخذ نسبه ويسمونها affiliate marketing المهم جربي وان شاء الله تتيسر امورك |
رد: مشروعي المستهلك
بالانستقرام وحده اسمها اونيلا
مشهورة طلقها زوجها وولدها جاه مرض كله من الشهرة جتها عين الله اعلم بس هالشغلات مافيها خير بالمرة صحيح فيها فلوس بس الذنوب الصوت يطلع لناس وشكلك طالعه كل شوي من البيت وتفرفرين من محل لمحل مو زينه بحقك يقوولون من ترك شي لوجه الله عوضه الله خير منه ان شاء الله يعوضك الله بفكرة مشروع فيها خير لك ولاتفطن عليك الناس لاتزعلين علي انا احب لك الخير مو مثل اخونا الي قالك أرى أن فكرتك جميييله جداً وأبدئي فيها الله يوفقك بس لازم تنتبيهين من شغلات الشباب والمعاكسات يعلم انها شغلة سيئة ويقولك ابدئي فيها انتبهي من الشباب الله يوفقك ويرزقك من واسع فضله امين |
| الساعة الآن 02:44 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين