حلول البطالة Unemployment Solutions - ادخلو ابغى منكم المساعده

حلول البطالة Unemployment Solutions (https://www.btalah.com/index.php)

- حافز إستفسارات ونقاشات (https://www.btalah.com/f64.html)

- - ادخلو ابغى منكم المساعده (https://www.btalah.com/t698320.html)

ادخلو ابغى منكم المساعده

السلام عليكم ورحمه الله وبركاته اول مره اكتب لي موضوع بمنتدى ويشرفني انظم معكم. يالربع حافز نزلي اول دفعه على حسابي 2000 ريال لكن طلع حسابي بالبنك الاهلي مقفل تقريبا له ثلاثه شهور او شهرين قالي الموظف افتح حساب جديد وش الحل لكن اخاف افتح حساب جديد وتروح عليه الدفعه الاولى تقعد تنزل على حسابي المقفل مع العلم بطاقتي الاحوال ضايعه ومنتهيه ويبغالي وقت على ماتطلع لكن قد نزلت الدفعه الثانيه طيب ذحين لو فتحت حساب جديد بتروح الدفعتين فيدوني يالربع رحم الله والديكم

رد: ادخلو ابغى منكم المساعده

اقتباس:

المشاركة الأصلية كتبت بواسطة eyad515 (المشاركة 9062676)

وعليكم السلام ورحمة الله وبركاته
حياك الله ويشرفنا وجودك معنا

ليه ماتنشط نفس الحساب افضل
تسوي له تنشيط

اهم شي تطلع البطاقه قبل وتودي صوره للبنك من البطاقه الجديده
وتخليه يسوي لك تنشيط لحسابك عشان تسحب الدفعه الاولى والثانيه لانزلت تكون امورك تمام
إذا ماقبل قولهم يعطونك الدفعه الاولى اللي نزلت
وفتح حساب جديد

بطاقة الهويه تقريباً 10 ايام وتستلمها

اقتباس:

المشاركة الأصلية كتبت بواسطة KSA-7 (المشاركة 9062725)

الله يعطيك العافيه ماقصرت مايقبلون صوره الاحوال الا الاصل

رد: ادخلو ابغى منكم المساعده

وعليكم السلام
حاول تراجع البنك تنشط الحساب وتفاهم معاهم انك تسحب مبلغ كاش من نفس البنك
خذ معاك صورةه من الهوية وان شاء الله يسر امرك .

رد: ادخلو ابغى منكم المساعده

اقتباس:

المشاركة الأصلية كتبت بواسطة eyad515 (المشاركة 9062826)

الله يعطيك العافيه ماقصرت مايقبلون صوره الاحوال الا الاصل

الله يعافيك
شيء طبيعي لازم الاصل اجل كيف تعطيهم صوره من الهويه الجديده
انت لاطلعتها خذ البطاقه معك وهم يأخذون صورة
وينشطون حسابك افضل .. لاتفتح جديد

اقتباس:

المشاركة الأصلية كتبت بواسطة KSA-7 (المشاركة 9063004)

عشان بطاقه الاحوال الاصل ضايعه اخذت معي صوره ابحتري لين تظهر البدل فاقد واروح لهم مشكور على مرورك😁

اقتباس:

المشاركة الأصلية كتبت بواسطة KSA-7 (المشاركة 9063004)

جزاك الله خير اخوي ماقصرت تعبتك معي عاد تحملني شوي لكن اليوم راجعت البنك قلي الموظف دام حسابك تقفل اكيد حافز مانزلك لان الحساب تقفل نهائي من السستم لازم تفتح حساب جديد وش الحل لان راسي ضرب ههههههه اخاف افتح حساب وتروح علي الدفعتين

رد: ادخلو ابغى منكم المساعده

اقتباس:

المشاركة الأصلية كتبت بواسطة eyad515 (المشاركة 9068391)

امين وياك يارب
تأخرت كثير وكل تاخير مشكله
إذا يطلعون لك البطاقه بنفس اليوم حلو تطلعها وتغير الايبان
اي بنك اهم شي تطلع بنفس اليوم

او تنسحب من حافز لين تخلص وتحط الايبان الجديد بس تأكد قبل لاتنسحب
متى تقدر تقدم من جديد بعد 3 شهور او اكثر .. اتصل عليهم وشوف وسألهم عن الدفعتين