|
شوفو مشكلتي واتمني الحل بليييز؟
مساء الخير للجميع ودي اطرح مشكلتي عليكم وياليت القى النصيحه او اي شي يساعدني انا موظفه مؤقته يعني لو تجيني احسن منها ماجلست فيها بقولكم مشكلتي انا بمكان عملي انا وحده ثانيه طبعا هي تتاخر الصباح تجي وتطلع بدري يعني انا اجي ثمان بالضبط هي تجي ثمان ونص هي تطلع 11,45 وانا اطلع 12 بالضبط علي حسب مواصلاتي المهم مره تاخرت بس تقولي ليش تتاخرين انا سكت ماقلت لها انتي كل يوم تتاخرين اصلا وتطلعين قبلي يعني تقدرون تقولون حنا الاثنين ماسكين الاداره يعني محد علي احد مع العلم انا اعلا مرتبه منها واعلا راتب المهم يوم من الايام داومت ثمان ونص وطلعت تسعه ونص ولا كلفت علي عمرها تقول وين بتطلع وقبل نهايه الدوام تتصل وتطلب اوامر وهي تكذب تبي تشوفني انا موجوده او لا واانا والله توني طلعت قلت الحق علي دائره حكوميه قبل لاتسكر قالت ليش ماتصلتي علي وتستاذنين وهي اصلا بالنفس اليوم دوامت ساعه وطلعت بدون ماتستاذن وفي يوم تاخرت انا علي الدوام تقريبا ساعتين عندي موعد وجيت تقولي ليش تتاخرين وليش ماتستاذني وانا كالعاده مارديت عليها واقولها انه هي علي كيفها متى مابغت تجي تجي ومتى ماتبي تتاخر تتاخر طبعا هي اقدم مني وانا جديد مادري اكلم المديره او لا واشوف الحق مع مين الكل يقول هي قديمه وبيصفون معها وانا لا طبعاومادري وش اسوي كرهت الدوام مع اني مجبوره فيها اقلها تفك ازمه عندي لين القى وظيفه واتمني وانتم ادعولي اني القى وظيفه زينه قبل لاتزن عليهم ويفصلوني ويستغنون عني مشكلتي حتى لو انا علي صح والثاني علي خطا اسكت مااخذ حقي حتى لو اللي قدامي غلطان وتصدقون وانا مع نفسي اقول ليش اقول للاداره مابي احرج البنت بسوالفها معهم يعني حنيت علي مشاعر البنت اكثر من مصلحتي واتمني تعطوني الحللول اللي تناسبني |
صدقيني ماتسويي كذاا / الا اكيد وراها أحد
احسن شي طنشي وامشي عدل يحتار عدوك فيك فكري بس بالخبرة ومستقبلك وترى هي كذا الحياة صعبة ولازم نتحمل ونضحى شوية عشان نوصل لأعلى المراتب وصدقيني سواء بهذي الوظيفة والا غيرها / راح تلقي احد يطفشك ويوقف بوجهك بدون سبب / بس الغيرة والحسد والحقد لازم نصبر الله يوووفقك ويصرف شرها عنك |
الساكت عن الحق شيطان اخرص
ولاتكون شخصيتك مرررررره سلبيه |
والله مادري وش اسوي قبل انبسط اذا بغيت اروح الدوام هالحين والله اكره اروح ولا احب اشوفها او اسولف معها مع العلم ماهي مسؤالتي هي انا وياها واحد
احيانا اقول انا مااصلح اوظف لاني اكون حيل طيبه مع الكل واسكت علي ظلم احد علي ادري انه ضعف وسلبيه مني بس مادري وش اسوي من انخلقت علي الدنيا وذا اسلوبي |
الله يعين
|
حاولي تحلين الموضوع بينك وبينها ودي واذا مانفع كلمي المديره وبعدين المشاكل حلا هدني واصبري تر الصبر زين الله يرزقك ويسر امرك وبالتوفيق |
طاب يوم الجميع بكل خير وطاب يومك أختي المتمشكله كل عمل يجمع الكثير من الايجابيات ويقابلها السلبيات ومشكلتك من نوعية المشاكل اليوميه التي تواجه الكثير من الموظفين التنفيذين ومن واقع الخبره يمكن حل مشكلتك بالنقاط التاليه : 1- توزيع العمل والاختصاصات لكل موظفه منكما ومن قبل الاداره أو مدير الاداره. 2- موقفك الذي يجب ان تتأخذيه هو تحجيم المشكله بحيث يجب ان تعرف انها ليست المسئوله عنك أو عن عملك حتى لا تستسيغ مزاولة التأمر عليك كمديرة. 3- أعداد تقرير اسبوعي يجب ان تعديه انت بنفسك عن جميع الاعمال التي قمت بها مرفوع الى مديرة الاداره مباشره وعلى ان يكون تقرير بمهنية جيده تشمل على موضوع العمل المنجز وتاريخه. مع ودي أخوك Mihs |
جزاكم الف خير كل من رد علي الموضوع والله يسهل امري يارب
|
الله يسهل امرك جريحه
واخوي ماش اعطاك امور اللي تفيدك في عملك وتساعد من رفع الكبت عنك واهم شيء تعملين تقرير اسبوعي عن عملك وانجازاتك خلال الاسبوع علشان تحت اي سؤال من المسؤوله تقريرك راح يساعدك وصدقيني من باب تجربه الضغوطات اللي تعيشينها تفيدك كخبره بالاضافه الى خبرة عملك لذلك اصبري لحد مايفرجها ربك اتمنى من الله ان يعين الجميع |
| الساعة الآن 12:31 PM |
Powered by vBulletin Version 3.8.9
Copyright ©2000 - 2026, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين