مشروع جباتي وكرك
 

السلام عليكم

فيه مطعم شباتي او جباتي على قولهم قريب مني
و كم مره امره و آخذ منه فطور لذيذ جداً ما شاء الله
و كل ما مريتهم احصل اقل شي 2 او 3 زبائن ..

فــ قلت في بالي ليش ما افتح محل مثله في المنطقه اللي انا اصلاً منها
و هالمنطقه ما فيها ولا محل يسوي جباتي وكرك ..
تتوقعون ينجح ؟
اتمنى اي احد عنده معلومه عن هالمشروع لا يبخل علينا

رد: مشروع جباتي وكرك
 

فووووووووووووووووووووق

رد: مشروع جباتي وكرك
 

وعليكم السلام ورحمه الله
انا كان عندي محل جباتي و وكرك والزبائن كثير بس المشكله سعر الجباتي ب3 و4 والكرك كذلك وهذي بحد ذاتها ما وفت معي لان الايجار والرواتب والمصاريف والكهرباء ..الخ
يصفي اخر الشهر مبلغ بسيط ولذلك بعت المحل

رد: مشروع جباتي وكرك
 

السلام عليكم ورحمة الله وبركاته
الله يرزقك الخيرة لا تنسى تستخير
كثير مننا يقلل من شأن صلاة الاستخارة وهي اسهل وأصح طريقة للقرار الي تحتار فيه سواءاَ تجارة او غيره
بالنسبة للكرك والجباتي انا مثلك من محبينه والفكرة براسي من زمان
وتجربة الاخ الوافي سبب الفشل ربما الموقع او المحل ايجاره غالي ولو نزل السعر شوي يمكن يزيد الطلب بدل ما اطلب حبة اطلب حبتين وثلاث لانها خبزة وملعقة جبنة ليش 4 ريال!!
انا مرات اشوفها غالية ولا اشتري الا اذا ضربتني الخرمة
الشي الثاني لا تفتح في مبني الافضل كشك سيارات مثل الكوفي يميزه سرعة الطلب وسهولة الوصول وانخفاظ الايجار
واذا جزمت لازم تجتهد بموضوع العمال الي عندهم خبرة وتنوع بشغلك جباتي وجبن بيض وتجدد ولو تضيف لقيمات
وتسمي محلك جباتي ولقيمات لان لكل نوع زباين ومحبين خصوصا اللقيمات ما تكلفك شي وتحط اضافات ( عسل دبس نستلة شيرة حبة بركة سمسم)
ولا تنسى الديكور ولبس العمالة لازم يكون ستايلهم يجذب
لاننا في زمان يحكمنا المظهر والبشاشة
وأخيرا استخير وابحث عن موقع عليه كثافة مرورية او طريق دوامات وكليات واستخير واقدم
~ اسف على الإطالة.

رد: مشروع جباتي وكرك
 

الف شكر والله يعوضك
طيب لو إيجار المحل بـ 16 الف في السنه, هل تشوف من خبرتك إنه يغطي ؟

رد: مشروع جباتي وكرك
 

اتعبني غلاك

الله يجزاك خير ويرزقك من واسع فضله
شكراً على الإضافه

رد: مشروع جباتي وكرك
 

وش صار ياغالي نويت ولا لا

واجار محلك رخيص للامانه يعني يمديها توفي معك لو فرضا يوميا بتبيع 100 سندوتش من 3 ريال بتطلعلك 3000 ريال يعني الشهر مبيعاتك بتكون بين 20 الف الى 30 الف يمديك تغطي رواتب وجار وغيره ويصفى لك القليل حولي 5 الاف

شي جيد واحيانا يزيد الدخل واحياناً يقل عندك