اخواني حبايبي عند مشروع بس ابي ارايك واقتراحتكم
 

مرحبا بالجميع صبايا وشباب
افكر في مشروع بس واللة متردد
اخاف ان اخسر ابي رايكم ياليت
افكر في مشروع مدرسة اهلية للبنات وبعدين افكر في المدرسين لو اجيبهم طبعا من بنات البلد مستحيل اجيب من براء بس اخاف انصدم لان راتب المعلمة لاازم يكون 3000 ريال اقل شي طيب لو سويت المدرسة وكل شي وجبت مدرسات سعوديات طيب انا ما اظمن الطالبات الي راح يسجلوا عندي في المدرسة وش رايكم اغامر او اغير عن المشروع هذا وشكرااا للجميع وانا من اشد المعجبين بالمنتدى

اخي الكريم

اولاً راتب السعوديات مايوصل 3000 والله انت كريم بزود

ياحليلنا اشتغلنا ب1300 وكرفونا ياحسره ولازادونا ولاريال الا عقب احتجاجات عطونا 50 ريال على كل سنه

يعني لو بتفتح مدرسه بيكون الراتب مبدئياً 1500 او 1700 ريال

وعلى كل سنه زياده 100 ريال .. وحاليا فيه موارد بشريه اذا انت تدفع 1500 هم يدفعون للمعلمه 1500 وبكذا تكون 3000 ريال النص بالنص بينك وبينهم

واللي بتمسك المدرسه (المساعده ) هي اللي بيكون راتبها من 2500 لـ 3000

الشيء الثاني بيكون هناك دعايه للمدرسه في كل زاوية شارع وبكل جريده

وبيكون هناك شي اسمه خصم يعني اذا اخوات ثنتين تسوي خصم 15% على كامل المبلغ

الشيء الثالث لازم تفتح في حي مافيه مدارس تنافسك وقتها اهل الحي بيسجلون بناتهم عندك ولازم تكون على شارع مب وسط الحواري مايدلونها

بس اذا فكرت تفتح المدرسه لاتنسى توظفني بمدرستك تراني كل تو قاعده اعصر افكاري علشان ازودك بها

بالتوفيق ان شاء الله

الفكرة حلو .. ومثل ماقالت الأخت لازم تختار مكان مناسب منشان تضمن تسجيل أكبر عدد .. وعقبها تسوي اعلانات عن المدرسة ولاتحط ببالك إنو بيسجل ناس كثير من أولها .. يعني حبة حبة ويزيدون المسجلات .. والرواتب لاتخاف ماتزيد عن 2500 أو 2000 ونعمة إن جت بعد ..

واستخير قبل هذا كله .. والله بييسر لك ..

وموفق

توكل على الله