استفسار مهم
السلام عليكم
مساء الخير انا طالب في كلية اعداد المدربين تخصص هندسة كهربائية ابغى اشتغل في شركة على نفس تخصصي فالرياض والسبب عشان اكون فاهم وملم اكثر بمجالي ، حتى لو بدون راتب اهم شي استفيد عملياً اقترحوا علي يا اخوان .. وتحياتي لكم |
رد: استفسار مهم
ماشاء الله الف مبروك اخوي مفلح اذكر كنت تقدم والان الحمد الله صرت طالب
اولا انصحك اذا انت من النوع ما تذاكر اول بأول لا تشتغل فتره مسائية لان نسبتك واختباراتك اهم وثانيا لو همتك عاليه عندك شركة ABB قوية بالكهرباء وعندهم تدريب بعد ولكن انت فرغ نفسك الاترام الاوله لرفع النسبة وبعدين صدقني تجيك الشركات تعرض تبي طلاب او انت في التدريب التعاوني تقدر وخاصه عندكم كل صيف اتوقع بتدريب في الشركات ؟ |
رد: استفسار مهم
يا مرحبا بالكوكب الحزين
ايه ابشرك اللحين انا في السمستر الثاني والله بيني وبينك ما اذاكر اول بأول وصراحه من امس افكر مع نفسي اذا بدخل بشركه بيكون ضغط علي , ف قلت اخليها وقت الأجازه الصيفيه يكون أفضل لي |
رد: استفسار مهم
ماشاء الله ممتاز اجل الهمه الهمه تذكر لما كنت تسألأ الان الحمدلله صرت طالب شد حيلك وتذكر كم واحد يتمنى يكون مكانك وقريبا ان شاء الله اشوفك في المنتدى مع زياده حرف الميم م/ مفلح :Thumbs:
|
رد: استفسار مهم
بإذن الله اكون قد المهمه وأقدم افضل ما عندي .. الله يسعدك سعاده ابديه يا شيخ والله يسمع منك ع هالكلام اللي يفتح النفس ويطيب الخاطر
|
رد: استفسار مهم
الله يسلمك أخوي وياك يارب
|
الساعة الآن 09:58 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين