حلول البطالة Unemployment Solutions - عطفا على موضوعي السابق ( ظلمت في عدد التأشيرات )

السلام عليكم ورحمة الله
اسعد الله أوقاتكم بكل خير

سبق وطرحت موضوع بعنوان ( ظلمت في عدد التأشيرات ) وعطفا ع هالموضوع عندي نقاط مهمه ابي استشيركم فيها وتنوروني بخبرتكم وراح أوضحها في نقاط مفصله حتى الموضوع يكون سلس وواضح .

طبعا الثلاث تاشيرات نزلت لي قبل كم يوم وهي
كبير طهاه + صانع حلويات + مقدم طعام
العدد 1 لكل مهنه

في اعلان اخر راح تنزل تاشيراته قبل رمضان باذن الله لانه الان مضى عليه 20 يوم من بعد مهلة ال 45 يوم اي دخل في دوامة اللجان
مسميات المهن هي
(مساعد طباخ عدد 2
عامل عادي عدد 3
عامل نظافه عدد 2 ( للأسف المسمى عمال نظافة مداخن )

هذا شرح للنقاط اللي بطرحها الان وابي نصيحتكم وش أسوي .

اولا / هل اسحب التأشيرات اللي نازله لي الان وأبدا استقدم بها وإلا انتظر لين ينزل لي العدد اللي بطلب التأشيرات الثاني ثم ارفعها كلها مع بعض بحيث يكون وصول العمال في وقت واحد أو متقارب لأن لو استقدمت بالثلاث التأشيرات الاولى صعب أني افتتح المطعم ب3 عمال .

ثانيا / هل تنصحوني باستئجار عماله كنظام أجير حتى أمشي أموري . وهل فيه فرق بين العماله المهنيه والعاديه وإلا كلهم واحد وهل في شركات أسعارهم معقوله .

ثالثا / عندي المساحة 120 متر ف المطعم ونظام المطعم مطاعم مع الخدمه يعني خدمة طاولات وبحكم ان السيوله ماراح تغطي معي كثير لو بستاجر مثلا 5 عمال على الثلاثه الاساسيين لان ال 5 لابد على كل واحد منهم تأمين 8000 آلاف ريال هذا من غير ايجار كل واحد فراح يكلفني الوضع شوي هذا في حالة لو استعجلت وفتحت قبل رمضان لان رمضان موسم لأكن فكرت انتظر لبعد رمضان لحد مايوصلون العمال الاساسيين نقول مثلا 6 عمال وراح استأجر عليهم 2 راح يكون الوضع اخف علي شوي ( أتمنى رأيكم في هالنقطة )

التقطه الاخيره / بعض المهن مثل ( عامل عادي - عامل كونتر - مقدم طعام )
لو خليتهم اثناء العمل الفعلي مساعدين للطباخين مثلا هل هذي في مخالفة من وزارة العمل وإلا الوضع عادي .

الله لايحرمكم الأجر يعلم الله مااضع موضوعي هنا الا لقلة الخبره بحكم انه اول ومشروع وثانيا لثقتي بالأعضاء وأنهم ماراح يدلوني الا على ماهو في مصلحتي فاسأل الله ان يحقق مبتغى كل شخص فيكم وسامحوني ع الاطاله .