|
رايكم بمشروع راس مال 100 الف تكفون
بسم الله الرحمن الرحيم
انا بطرح عليكم موضوع واعتبروني اخ لكم وانصحوني .. انا تخرجت قبل 10 شهور تقريبا َ من الجامعة تخصص هندسة ولحد الأن مالقيت وظيفه .. وانا عندي تقريبا َ 100الف راس مال ومن وقت ما انا ادرس ابي افتح لي مشروع وقلت هذي افضل وقت بما اني فاضي حاليا ومتفرغ ولا لقيت وظيفه وناوي افتح مطعم بفكرة جديدة شوي يعني سندوتشات وكذا لكن كنت متحمس ولما شفت اغلب مواضيع اخواني بالمنتداء ترددت صراحه كلامهم مخيف وكأن اغلب الناس مشاريعم تخسر حاليا َ وانا صراحه ماوراي ولا قدامي غير ذا الفلوس لاوظيفه ولا دخل ثاني ولا شيء يعني صرت متردد ادخل بمشروع واخسر واجلس بدون شيء وبنفس الوقت خايف اجلس كذا وعمري يروح وما استفدت من الفلوس هذي اللي معي .. اعتبروني اخ وانصحوني وشكرا ً لكم جميغا مقدما ً |
رد: رايكم بمشروع راس مال 100 الف تكفون
الله يوفقك
|
رد: رايكم بمشروع راس مال 100 الف تكفون
100 الف لاتكفي لمطعم ممكن بوفيه
قبل ماتقدم وتتوهق احسبها صح انا فتحت مطعم صغير جداً كلفني حوالي 300 وللأسف خسرت فيه |
رد: رايكم بمشروع راس مال 100 الف تكفون
شوف هذا المكان في الرياض يؤجر مكاتب بالساعة و اليوم و الشهر في الرياض
http://www.beehive.com.sa/ عبارة عن مساحة عمل للي حابين يشتغلون بيزنس وترى هذا اللي أغلب المتخرجين حديثاً يسوونه إذا أنت مهندس ليش ماتجرب تشتغل مهندس بمكتب صغير ويصير عندك عملاء و تكسب من نفس تخصصك و بدون مخاطر لأن كل المشاريع الآن يشترطون عليهم إن التصميم يكون من مكتب هندسي معتمد تقدر تبدأ من هناك و تجرّب قدراتك وحتى ممكن تشوف هناك وتسأل ويفيدونك بالتوفيق |
رد: رايكم بمشروع راس مال 100 الف تكفون
الله يوفقك نصيحتي لك لاتشتغل بالمية الف اشتغل بخمسين الف ريال بداية لك
افتح محل فطاير صغير او محل زينة سيارات او جوالات لكن قبل تبدا احسب التكاليف والارباح والافضل ابدا بنص المبلغ لاتضيع المبلغ كله ثم تخسر وتندم |
رد: رايكم بمشروع راس مال 100 الف تكفون
اهلا بك اخوي
انا مهندس كهربائي واليكترونيات تفضل راجع مشروعي هنا الدخل الشهري لو كل واحد مننا جلب مية الف 23 الف ريال شهريا صافي ربح ... نتقاسمها انا وانت ولو حبيت نتوسع توسعنا مع بعض مشروع تنقيب واستخراج (حل لوغاريتمات) للعملات الالكترونية..مشروع مربح جدا جدا (استخراج وليس شراء).. للطموحين بالنسبة للمطاعم ... جنسية العمالة تفرق الدولة تقص ظهر اهل المطاعم .... صحيح لو نجح المطعم يمكن يدخل لك ذهب بس الفشل نسبته كبيرة ... سندويشات عادية بدون recipe مميز ... نسبة نجاحه ضئيلة الا لو عندك فكرة مميزة مستعد اساعدك بالرخص مجانا وربي يرزقك ويرزقني |
رد: رايكم بمشروع راس مال 100 الف تكفون
نصيحة قبل ما تبداء
كيف راح تستفيد من الايثروم لما تنقب عليه أغلب العملات الرقمية تبييض أموال فقليل الي راح يعتمدها. دام تخصصكم يكمل بعضه اشتركوا في مشروع على أرض الواقع. اضعف الايمان تطلعون للصين تشوفون منتج وانتم خبرة في المواصفات وتجيبونه حتى لو تغيرون في بعض مواصفاته بحكم علمكم. وإذا حابين فكرة منتج تواصلوا معي إن عجبتكم على بركة الله. |
رد: رايكم بمشروع راس مال 100 الف تكفون
أخوي زياد،
حاولت اتواصل معاك في الموضوع الرئيسي لكن لقيته مغلق. ممكن وسيلة ثانية للتواصل. |
رد: رايكم بمشروع راس مال 100 الف تكفون
شوف اخوي اولا اسال الله لك التوفيق
اول شي لاتستعجل اجلس مع نفسك وشوف وش اقرب شي انت مرتاحه له وتحس انك مقتنع فيه بحيث مايكلفك اكثر من السيوله اللي معك ابدا فيه اما بالنسبة للمطاعم شي معروف ان دخلها عالي بس شغلها متعب من وقت ماتحط اول مسمار (اقصد التاسيس) لين تفتح يكون قد عفت الدنيا انا الان شغال ع مطعم متوسط وافتتاحه قريب الى الان خسرت مايقارب 330000 الف يعني ممكن لحد يوم الافتتاح اكون قفلت على 450 الف فالموضوع مكلف لاكن نصيحة خلك في جو المطاعم بس المطاعم الصغيره او البوفيهات ان صح التعبير ع الاقل تفتح المحل وباقي في جيبك مبلغ تحسبا لاي طارئ لاقدر الله . والله يوفقك |
رد: رايكم بمشروع راس مال 100 الف تكفون
عطني نصف المبلغ
واعطيك فكرة تدخل عليك ملايين المجال بتقنية مو مطعم ومغسلة ووالخ |
| الساعة الآن 12:09 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين