|
اقساط الجامعه لمستفيد الضمان (اللي عنده علم لايبخل علينا)
السلام عليكم ورحمة الله
انا واختي ندرس جامعه انتساب مدفوع ( عن بعد ) ماقدرنا ندفع اقساط ترمين ولذلك اغلقوا حساباتنا الين نسدد والوالد ماعنده امكانيه يدفعلنا او يدفع لوحده ويترك الثانيه لانه هو اصلا متقاعد ومستفيد من الضمان هل صحيح اللي فالضمان لهم معامله غير من حيث الدفع بمعنى الضمان يدفع عنهم او ينسق مع الجامعه لو او خايفات يطوى قيدنا زي الجامعه اللي قبل طوت القيد بسبب التاخير وهذي اخر فرصه لنا لانه نظام الانتساب الغووه وبطلوا يسجلوا دفعات جدد اللي عنده علم يعلمنا محتاسات وجزاكم الله خير مقدما |
[QUOTE=Toleta;9085899]السلام عليكم ورحمة الله
انا واختي ندرس جامعه انتساب مدفوع ( عن بعد ) ماقدرنا ندفع اقساط ترمين ولذلك اغلقوا حساباتنا الين نسدد والوالد ماعنده امكانيه يدفعلنا او يدفع لوحده ويترك الثانيه لانه هو اصلا متقاعد ومستفيد من الضمان هل صحيح اللي فالضمان لهم معامله غير من حيث الدفع بمعنى الضمان يدفع عنهم او ينسق مع الجامعه لو او خايفات يطوى قيدنا زي الجامعه اللي قبل طوت القيد بسبب التاخير وهذي اخر فرصه لنا لانه نظام الانتساب الغووه وبطلوا يسجلوا دفعات جدد اللي عنده علم يعلمنا محتاسات وجزاكم الله خير مقدما[/QUOTE الله يوفقكم انتي واختك ان شاء الله ، بالنسبه للجامعات انا شخصيا ادرس بجامعة فيصل عن بعد ويشملني اعفاء الضمان من الجامعه نفسها في قسم بالخدمات الطلابيه اسمه اعفاء المشمولين بالضمان من حطيت اول مستوى بياناتي والى الان بالمستوى الخامس الجامعه تسقط عني الاقساط ، حبيت ابلغك باللي متأكده انا منه باقي الجامعات ماعنظي خبر فديتك |
رد: اقساط الجامعه لمستفيد الضمان (اللي عنده علم لايبخل علينا)
جزاك الله خير الجزاء
وبارك الله فيك انا واختي بعد بفيصل بس شلون نقدم الطلب ؟ كني طمعت شوي طيب المبالغ اللي دفعناه مانسترجعها :) ليتك تشرحين لي وش احتاج من اوراق او صور او او وكثر الله من امثالك |
رد: اقساط الجامعه لمستفيد الضمان (اللي عنده علم لايبخل علينا)
الله يجزينا ويجزيكم كل خير يارب ولا يهمك ياقلبي بعطيك الخطوات بالضبط
بداية ادخلي على الخدمات الطلابيه ثانيا خدمات الشؤون الماليه بعدها بتلاقي خانه مكتوب مستحقي الضمان الاجتماعي ( تو شيكتها بهاللحظه الايقونه مفتوحه الحقي عليها قبل تقفل ) بعد ماتدخلين بيطلب منك بياناتك / الجامعه راح تراسل الضمان وتتأكد من انك مشموله وبعدها بتم سداد الرسوم عنك بالكامل بالنسبه للي دفعتيه قبل طبعا بيتم ارجاعه لك لو انتي كنتي مشموله بذيك الفتره بس الشغله تاخذ وقت يعني لا تعتمدين عليها كثير ممكن تاخذ سنه او اكثر انا مكافئه التفوق حقتي ما حولوها لي الا بعد سنه وشوي / المعدل لازم ما ينزل عن معدل معين والله اني ناسيه بالضبط كم هذا لو الخدمات الطلابيه عندك فاتحه معك بس لو كانت مقفله وما يمديك تدخلين على الايقونه حقت الضمان لازم اولا تروحين مكتب الضمان وتاخذين ورقه لك ولاختك انكم من المشمولين في الضمان الاجتماعي ثانيا تراسلين رئيس قسم الخدمات الطلابيه الدكتور احمد الشعيبي على ايميله وترسلين له ملف بي دي اف للورقه اللي اخذتيها وهو بيحل موضوعك amshuaibi@kfu.edu.sa هذا ايميله والمراسله تكون من بريد الجامعه الخاص فيك اسفه ع الاطاله بس ياريت اكون افدتك 💖🌹 |
رد: اقساط الجامعه لمستفيد الضمان (اللي عنده علم لايبخل علينا)
السلام عليكم
وصباح الخيرر اختي انا درست عن بعد في جامعة الامام وكان الضمان متكفل بجميع المصاريف حتى تخرجت (تخرجت الصيف الي فات) ايضا خواتي يدرسون انتساب منتظم في جامعة الطائف والضمان يتكفل بمصاريف الدراسه. في الجامعه الي انتي منتسبه لها فيه خانة الاعفاء من الرسوم تدخلي عليها وتكملي الاوراق المطلوبه وتقدمي الطلب وقت الاعفاء ويقبلونك ويصير دايركت تسجلي بالمواد وكذا. الله يوفقك |
اقتباس:
|
رد: اقساط الجامعه لمستفيد الضمان (اللي عنده علم لايبخل علينا)
ميش خالد وضخمة الفجر الله يسعدكن ويوفقكن ويبارك لكن كثر ماريحتن قلوبنا
ربي يسخر لكن ولايحرمكن الأجر |
رد: اقساط الجامعه لمستفيد الضمان (اللي عنده علم لايبخل علينا)
طيب انا مساعده سنتين وزوجتي تدرس في جامعه فيصل هل في طريقه عشان يعفونها
|
| الساعة الآن 01:17 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين