المقابلة الشخصية الحرس الملكي ):
 

السلام عليكم ورحمة الله وبركاته

عساكم بخير . . بعد مرور سنتين على تسجيلي في الحرس الملكي اليوم جاء قبولي ولله الحمد للمقابلة الشخصية ولكن للأسف الشديد المقابلة بالرياض وانا بجدة وللأسف ما عندي قدرة مالية في الوقت الحالي وجيت بحجز موعد مافي الا اليوم وبكره السؤال يا اخوان لو راحت علي المقابلة الحين لازم ارجع اسجل من جديد ولا اقدر اسوي موعد بعد نزول الرواتب ؟ الله كريم فيس حزين ):

رد: المقابلة الشخصية الحرس الملكي ):
 

اخوي تسلف ياخي أو الوالد

ترا فرصه وراح تفوتك

رد: المقابلة الشخصية الحرس الملكي ):
 

الحمدلله لقيت موعد ب تاريخ 11 بعد الراتب بيوم بس وش الإجراءات والأوراق المطلوبة وكيف المقابلة الشخصية افيدوني الله يسعدكم

رد: المقابلة الشخصية الحرس الملكي ):
 

بالنسبـه للإوراق بعد ما طبعت انت ورقة الموعد مكتوب لك طلبات الاوراق و واضحه

اما للمقابله ، اول شي يصفونكم ثم يقولون رتبو الاوراق على حسب طلبهم
ثم يقيسون الورزن والطول عند الباب بحيث اذا ما جاز لهم الباب جمبك
ثم بعد ما تجتاز الوزن والطول يقول لك رح للمكان الفلاني ثم ينادونكم مجموعات
يحطونكم عند كونترات ب أرقام ثم يصورك صوره شخصيه ثم بعد ما تخلص يقولون رح للمكان الفلاني
ثم ينادونكم مره ثانيه مجموعات يدخلونكم للمقابله واحد واحد
يسألك العقيد ( وش اسمك ، ابوك وين يشتغل ) اسأله بسيطه
ثم بعد ذا كله يقول لك رح للمكان الفلاني . يجيبون لك إستمارة الالتحاق و موعد المستشفى وخطاب للأحوال
ثم تبدأ عاد انت بالاجراءات تعبئية الاستماره

وصلى الله وبارك على نبينا محمد

..........

👍👍👍

الله يعطيك العافية كفيت ووفيت لكن اليوم جيت ب اطبع الموعد قال لي الرجاء اختيار موعد الطباعة وش المقصود بالكلام هذا ؟

رد: المقابلة الشخصية الحرس الملكي ):
 

يا اخوان ياليت أحد يفيدنا الموعد مو راضي ينطبع وش السواة ؟