|
ماهي مناقشة العرض الوظيفي؟
السلام عليكم كيف حالكم ان شاء الله طيبين عندي سؤال وياليت احد يجاوبني بالتفصيل وش معنى مناقشة العرض الوظيفي؟ مثلا واحد ارسل ال cv وتحدد له موعد للمقابلة الشخصية واجتازها بعدين تجيه رسالة موعد ثاني لمناقشة العرض الوظيفي؟ وش يصير؟ وش الهدف منه؟ اتمنى احد يذكر لي التفاصيل والنصائح وشكرا لكم مقدما |
رد: ماهي مناقشة العرض الوظيفي؟
وعليكم السلام ورحمـة الله وبركـاته
أعتقد يعطونك العرض الوظيفي مثلاَ / مسمى الوظيفة ، موقعك ، راتبك ، كم يوم إجازة في السنة ، تاريخ المباشرة |
رد: ماهي مناقشة العرض الوظيفي؟
الله يعطيك العافية
معليش سؤال ثاني لو تكرمت هل يكون فيه مقابلة اخرى؟ وهل يكون توقيع العقد فيها؟ لانه ما احد طلب مني اجيب اوراق او شيء فقط تعال وبس وكانها مقابلة شخصية خصوصا انه عرفت ان فيه موظفين اداريين جايين من مناطق ثانية لاجل هذا اللقاء لهذا توترت |
رد: ماهي مناقشة العرض الوظيفي؟
مناقشة العرض الوظيفي غالبا يكون الهدف منها استقطابك للوظيفة بأقل تكلفة على الشركة
فحاول تخرج من هذه المناقشه بأفضل فائدة من ناحية الراتب والبدلات |
رد: ماهي مناقشة العرض الوظيفي؟
أتوقع مقابلة ثانية عشان توقيع العقد وتجيب الأوراق الي راح يطلبوها
أتوكل على ربك روح وخليها جلسة حوار عادي |
رد: ماهي مناقشة العرض الوظيفي؟
شكرا اخواني الكرام
الان عدت من المقابلة بالفعل مثل ما قال اخونا ادارة منشئات لكنها لم تكن استقطاب بل كانت تعريف بالوظيفة والمنصب والمسمى الوظيفي وتوضيح الاجازات وساعات العمل"48ساعة عمل في الاسبوع" والتأمين الخ من ميزات الوظيفة وتوقيع العقد المبدئي لم يطلبوا اوراق قالوا غدا تأتيك رسالة بها طلبات ونرسلك على مستشفى تسوي الكشف الطبي بمعنى آخر لم يكن يفاوض بل يملي هذا العرض الذي لدي هل انت موافق ام لا؟ هل انت على رأس العمل؟ هل انت متزوج؟ توافق على العرض؟؟ اذا على بركة الله وقع هنا.. والعمل كذا وكذا وانت سيكون عملك كذا وكذا وستباشر في المكان الفلاني ولك تأمين من فئة كذا ومن شركة كذا ووووالخ من امور الوظيفة شكرا لكم من القلب جميعاً وبالتوفيق للجميع "ان شاء الله انجح بالفحص الطبي عيني اليسار ساعات تخربها وتغبش" |
رد: ماهي مناقشة العرض الوظيفي؟
الله يكتب لك ولنا التوفيق وللجميع يا رب
كل جزر يقوي النظر:Thumbs: |
رد: ماهي مناقشة العرض الوظيفي؟
الله يسعدك على هذه الدعوة
بكرا الكشف ههههه واحد قال لي بس سميات ودم واذا مسوي عملية او لا ويقول انت راح تباشر بعد عشر ايام من تاريخ الفحص يعني تدقيق مافيه لانه لو يدققون كانت النتيجة تطول شوي والله يكتب الي فيه الخير ان شاء الله تساهيل |
رد: ماهي مناقشة العرض الوظيفي؟
يعطونك العرض الوظيفي عشان توقيع العقد
|
| الساعة الآن 06:43 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين