قررت اقدم استقالتي
 

السلام عليكم
تتذكرون قصتي من البدايه ومن توظفت ومن طحت بالمنتدى اللي فيه الكثير من الفائده
انا من اشتغلت بهالنادي وانا مو مرتاحه وفي موضوع كتبته هنا ان المديره مهددتنا بالفصل بسبب وحده سرقت اغراض وان مارجعت الاغراض بفصلكم كلكم بدون استثناء وان معكم مهله لرمضان
ماراح انتظر وبقدم خطاب الاستقاله بكره ولاعلي من اهلي ولاراح اشاور احد خلاص ماتهمني الفلوس ومن زين راتبهم بشتري راحتي الصحيه والنفسيه
انا ماعندي عقد وانا من 10 شعبان 6 مايو عندهم ولاحتى تسجيل في التامينات
اشتغل 8 ساعات براتب 3500
سجلت بدبلوم في الامام يبدا برمضان وبتفرغ له سجلت انا واختي
وبتفرغ الله يعنينا للصيام والعباده ابغى اجلس مع اهلي ابي اشوف تلفزيون اطلع السوق اروح اللي ابيه واخذ الشهاده وابحث عن شي ثاني لاارتحت من الشغل
وينزل لي حافز الفين عشان مو في التامينات وحساب المواطن 382 وامي تعطيني وحتى ابوي لاتركت الوظيفه بيعطيني
بقدم الاستقاله بكره واشوف متى يقولون اطلعي بس انا مو خايفه ينكرون مستحقاتي
بيكون لي راتب الى اخر يوم سواء كان بكره او لو قالو اقعدي شوي
مع اجازه سنويه انا ماخذت الا 6 ايام وانا لي 21 يوم
يعني 15 يوم
راتبي يحسبونه لاجو يحسبون الاجازه السنويه انه 3000 لان 500 بدل مواصلات
فتكون يوميتي 100 ضرب 15 بيصرفون لي 1500
في اللي قال اخاف مايعطونك المستحقات ماتوقع توصل بهم لهالدرجه لان اشوف موظفات استقالو وموظفات فصلوهم يعطونهم كل المستحقات
الحين اكتب خطاب استقاله واعطيهم بكره واصلا مو شرط يقولون امهلينا للن مب من حقهم ومافي عقد
بس حقوقي او اخذ راتب ابريل واسحب بعدين اقول انا ماعاد اقدر اكمل وهم يعطوني مستحقات الاجازه السنويه

رد: قررت اقدم استقالتي
 

انا مو مع الاستقالة رتبي جدولك بين دراستك برمضان وشغلك وموضوع السرقة يبي ينحل ان شاء الله

والتسوق واهلك مو سبب مقنع لترك عملك

لكن الله يكتب لك الخير