رد: اصبت بنوع من الاحباط قبل افتتاح مشروع مطعمي
 

بحكم خبرتي في نفس مجالك انتا امام خيارين
الخيار الاول: ايجاد شريك ممول او قرض ب150000 الف ريال .
الخيار الثاني : تقبيل المحل فورا والاحتفاظ بالمبلغ المتبفي لديك والمبلغ الخاص بالتقبيل.

بالنسبة للوقت الحالي لا احد يقولك خلي قلبك قوي ولا تستسلم ومن الكلام الفاضي دا, تكمن القوة اول شي في المال بعدها مباشرة قوتك الشخصية بعدم الاستسلام.
اذا لم يتوفر المال الان نصيحة لك وبشدة خلي المبلغ الي معاك للمشروع القادم ولا تستلم ابدا في التجارة, الاوضاع في الفترة القادمة للاسوء خيارك ان تحتفط بالمبلغ المالي الان او لاشيء لاحقا.

اذا لم تقتنع او تناسبك نصيحتي هذا قرارك الخاص وضع في الحسبان
تكلفة رسوم العامل الجديد اول مايوصل السعودية من جوازات ورسوم العمل وتامين وكشوفات وفاتورة مجمعة تتراوح على اقل تقدير 8000 ريال للعامل الواحد هذا فقط خلال 2018.
مهما كنت جاهز بالمعدات صدقني راح تحتاج معدات اضافية على اقل تقدير 5000 ريال
المواد الخام الي تحتاجها خلال اول شهر اقل تقدير 5000ريال.

اول 3 شهور راح تدفع مبالغ خيالية ومافي شي راجعلك.

اتمنى لك التوفيق

رد: اصبت بنوع من الاحباط قبل افتتاح مشروع مطعمي
 

توكل على الله وكمل المشروع انجزت 99% منه والباقي يجي مع الايام
والنسبة لعملين تقدر توظف سعوديين صدقني اسهل واوفر وبيسوقون لك أكثر
والمبلغ اللي باقي بييسره ربك
بالتوفيق لك والله ييسر أمورك...

رد: اصبت بنوع من الاحباط قبل افتتاح مشروع مطعمي
 

حياك الله اخوي muatazida بالعكس نصيحتك ع العين والراس انا مادخلت هنا وطرحت موضوع مثل هذا الا يهمني اصحاب الرأي من ذوي الخبرة اللي سبقوني في التجارة وفي هذا المجال بالتحديد اما بالنسبة لما سبق وطرحته فبخصوص تقبيل المحل انا فكرة فيه الفترة الاخيره بكثره ولكن كل ماافكر فيه موضوع التقبيل احس اني بظلم نفسي كثير لاني تعبت في المحل كثير وغير كذا خسرت فيه مايقارب 186000 من ديكورات ومستلزمات وخلافه فالمشكلة مااحد راح يتقبله بالمبلغ اللي خسرت فيه وحتى لو جاني فيه 100 الف تقبيل خساره كبيرة علي اما بالنسبة للعمال ففعلا راح يكلفو بس الجدد اللي انا جايبهم 3 نزلت تاشيراتهم قبل يومين وفعلا راح يكلفو تقريبا 25 الف والباقين باخذهم نقل كفالة واما فيما يخص موضوع الشراكه فالامل في احد الاضدقاء بعرض عليه واشوف ان وافق كان بها وانا ماوافق مامعي حل اتسلف من 30 الى 40 لان باقي المبلغ عندي مع اني مااحب السلف ابدا مهما كان ولكن احس اني امام تحدي لان الكل عرف اني عندي مشروع والكل ينتظر افتتاح مشروعي هذا فما ودي اكون محل اضعف واتهاون مع ان العايق لي مبلغ ليس بالكبير واما موضوع التجارة فانا اخذت عهد عع نفسي اني لن اتراجع عنه مهما كلفني الامر سواء توفقت في مشروعي هذا او غيره .
والحمد لله ع كل حال

رد: اصبت بنوع من الاحباط قبل افتتاح مشروع مطعمي
 

بالتوفيق

رد: اصبت بنوع من الاحباط قبل افتتاح مشروع مطعمي
 

الله يجزاك خير اخوي m7sn على الطاقة الايجابية اللي اعطيتني اياها وبالنسبة للسعوديين بالعكس اتمنى اوظفهم انا ماعندي مشكله بهالمبدأ بس مااقدر اعطي رواتب اكثر من 2000 ريال والاغلب منهم مايبغى راتبه يقل عن 4000 وبالنسبة لي كمشروع مبتدئي مااقدر اعطي رواتب بهالمبلغ وماادري الى الان كم الحد الادنى لرواتب السعوديين لكن لو حصلت سعوديين بيشتغلو براتب 2000 ودوام 12 ساعه وظفت 4 منها ارتاح من هم الرسوم واكسب اجر فيهم .