انا بين خيارين في نهاية مشروعي (ارجو المشورة)
 

السلام عليكم ورحمة الله وبركاته

الموضوع باختصار وبدون مقدمات :

انا احتاج سيولة ماديه والمشروع انجزت منه الشي الكثير تبقى بعض الديكورات البسيطة واستقدام العماله مع رسومهم
اللي يكفيني 100 الف ريال لحين الافتتاح وبصراحة انا احترت وانهارت نفسيتي ولي شهرين ماقدرت اكمل شغلي في المطعم لان معنوياتي تحطمت ولاادري وش اسوي حاس نفسي مربوط الايدي حتى المطعم ماعد اقدرت افتح بابه وادخله

الان انا بين خيارين
الاول / يااني اقبل المطعم وانتهي من هذا الهم مع العلم اني خاسر فيه مايقارب 165 الف

الثاني / حصلت بيعة سيارة ب 85الف وربحهم 115 الف يعني الاجمالي 200 الف والقسط 2000

بالاضافة الي القروض اللي على راتبي مع البيعه اللي ب 85 لو اخذتها راح يبقى من الراتب 2300 ريال طبعا انا عزوبي

بصراحة ماعد عرفت وش اسوي وصلت لدرجة اني في ابسط الامور ماني قادر اتخذ قرار وللمعلومية دورت شريك مالقيت كلن يخاف .

وش نصيحتكم لي لاني والله وقبل يومين نزلت موضوع عن العماله وجيت حسبتها طلع يحتاج لي مبلغ لايقل عن 50000 الف للعماله فقط عند استقدامهم دلوني يااخوان الله يجزاكم الجنة واعتذر لو كررت بعض الكلام في مواضيع لي سايقة ولكن الهم ومايعمل واسال الله العلي العظيم ان يفرج همي وهمكم .

:(:(:m

رد: انا بين خيارين في نهاية مشروعي (ارجو المشورة)
 

رد: انا بين خيارين في نهاية مشروعي (ارجو المشورة)
 

الله يرضى عليك لا تفكر بموضوع السيارة

سلامااااااااااات 85000 وربحهم 115000

لو قسطهم 1000 ريال ما توصل كذا الارباح

هناك جهات تدعم المشاريع الصغيرة

هل توجهت لهم ؟

رد: انا بين خيارين في نهاية مشروعي (ارجو المشورة)
 

أبععععععععععععععععععععد عن دمار نفسك أبتعد عن دين السيارات

رد: انا بين خيارين في نهاية مشروعي (ارجو المشورة)
 

الله يجزاك اخوي شجرة الارز على مرورك وردك اللي عطاني دافع معنوي وبصيص من الامل هذا اللي انا جالس احاول اسويه اني مااستسلم لاكن تعبت من كثر التفكير وتعرف الواحد لمن يكون لحاله محد واقف جنبه واول مشروع له في حياته والمشروع مطعم يعني مو اي مشروع راح يتعب وهذا اللي حاصل معي الان اما بالنسبة للعمالة فكلامك صحيح لاكن يمكن لقلة الخبرة وايضا ماحصلت التوجيه الصحيح خلتني ابدا في اشياء اخرى قبل العمالة لاكن الحمد لله ع كل حال اللي حصل حصل وبصراحة اللي خلاني اتعقد واتوتر اكثر اني ابغى افتح بعد الحج مباشرة فحسيت اني جالس اضغط ع نفسي بشكل غير طبيعي مع العلم ان الايجار لم يحسب علي اللى الان وفيه اتفاق انه لن يحسب الا بعد التشغيل ب 4 اشهر .

تحياتي لك الله يجزاك الجنه

رد: انا بين خيارين في نهاية مشروعي (ارجو المشورة)
 

صادق اخوي فضل هذا اللي حاصل والله بغيت اتهور واخذ حتى دورت كفيل وحصلت بعد عناء ولكن قبل اقدم اقدم عليها استخرت الله وماارتحت فلعلها خيره ولكن وصلت لدرجة اني ابغى ادبر مبلغ حتى لو مايبقى من راتبي الا1000 ريال ولكن هديت من الوضع شوي لاني بصراحة تخوفت لان ال1000 او ال1500 ماراج تسوي شي لو تبقى من راتبي والحمد لله على كل حال .

وبالنسبة للجهات اللي تدعم المشاريع بصراحة تواصلت مع بنك الرائده لتمويل لتمويل المشاريع وقالو نعطي بس من اشتراطاتهم لابد يكون المشروع قائم بحيث يكون فيه ايرادات مالية لانهم يعتمدون ع حساب الموسسة اما غيرهم ماعد تواصلت لاكن اذا تخبر لي شركات معينه افيدني فيها لاهنت مشكورا .

وبيض الله وجهك على كل حال

رد: انا بين خيارين في نهاية مشروعي (ارجو المشورة)
 

صادق

لكن الحاجة وانا اخوك تحدك

والحمد لله على كل حال

تقدر تشغل المطعم بأقل التكاليف
إذا حبيت تجعله تشاركي

مدة سنه بعدها من المبلغ إلى جمعته تشغله كامل لك

رد: انا بين خيارين في نهاية مشروعي (ارجو المشورة)
 

لاتستلم وغيرك ماقدر يفتح مشروع ويثبت انه رجل عصامي ومكافح والله وانا اخوك حاس بشعورك ابوي فتح مطعم وانا المسؤول عنه انا الكل بالكل هموم مايعلمها الا الله لكن عدت وتبي تعدي الباقيات لكن لاتستسلم وانا العمال جبتهم من المطاعم الثانية ماهم ع كفالتي واتفق معه ومع كفيله بشرط انه اول نقل له كفاله مانقل قبل ع شخص ثاني وانه يشتغل عندي شهر واذا ما اعجبني شعله امسكه الباب واذا اعجبني وصار شغيل ونشيط انا نقلته كفالتي ونقل الكفاله النص بالنص بينك وبين العامل يعني ممكن يطلع لك حول 1300الى 1500 للعامل الواحد ,,,,,,,,,بالتوفيييييق وعقبال مانشوفك مليونير :rolleyes:

رد: انا بين خيارين في نهاية مشروعي (ارجو المشورة)
 

الله يوفقك ياسلطان
والله مااخفيك اليأس والاستسلام يسيطر علي من فترة لفترة لدرجة اني افكر اقبل المطعم وفي لحظة اتراجع كله امل بالله سبحانه انه كل شي يزين ويعدي على قولتك لكن اللهيصبرنا ويعديها على خير