توظيف السعوديين في مطعم جديد ؟
السلام عليكم ورحمة الله وبركاته
اولا اعتذر ان حصل مني تكرار لبعض المواضيع من دون قصد لان اغلب المواضيع اللي طرحتها تتمحور حول موضوع واحد بحكم انه اول مشروع تجاري لي ومثلكم عارف قلة الخبرة مع الهم بالاضافة الى تزاحم الافكار وصعوبة اتخاذ القرار في بعض الاحيان تجعل الشخص يلجاْ لهذ الموقع اللي له علينا فضل بعد الله سبحانه بأعضائه وتوجيهاتهم السديدة لنا كمبتدئين . الموضوع ومافيه انه ناقصني عماله للمطعم واللي نزل لي فقط 3 تاشيرات ( طباخ و صانع حلويات و مقدم طعام ) والى الان ماجبتهم لان ماودي اجيبهم ويجلسون شهرين او اكثر وانا لسه مافتحت وتوني قبل اسبوع رفعت بطلب تاشيرات جديده بعد الانتهاء من فترة اعلان 45 يوم ومثلكم عارف تاخذ وقت طويل في الباحث واللجنة الفرعية وعاد انت وحظك لاني اعرف احد الزملاء جلست طلب التاشيرات تبعه 5 اشهر بس كان من ضمنها اجازة رمضان وعيد الفطر وبصراحة انا خايف تتاخر ومليت من الانتظار تصدقون لي سنة وسبعة شهور من وقت جهزت المحل والا الان مافتحت ولكن الايجار غير محسوب لحين البدء . وش رايكم وايش تشيروني فيه هل اجيب الطباخين واوظف عليهم 3او4 سعوديين مقدمين طعام وابدأ اشتغل وارتاح من ذا الهم (لكن السعوديين رواتبهم لاتقل عن 3000) للواحد وانا معتمد ع الله ثم دخل المطعم في الرواتب خايف مااوفيهم حقهم وغير كذا المطعم جديد يعني يمكن يبغى عمال محترفين ومتعلمين مع الزبائن . والا انتظر لين يجون العمال الجدد (بس خايف اتاخر كثير ) ... اعطوني رايكم واللي تقولونه بمشي عليه والله كريم :( |
رد: توظيف السعوديين في مطعم جديد ؟
عليكم السلام ورحمة الله
الآن أغلب المطاعم والمشاريع تقفل بحكم ارتفاع قيمة الاقامة تابع الصحف اليومية عسى ان تجد عمالة وجاهزة لنقل الكفالة الله يوفقك ويعوض عليك |
اقتباس:
جالس ابحث مالقيت الا جنسيات بنقلاديش وهنود وانا ابغى عماله أسيويه نيبال او فلبين ومالقيت وان لقيت حصلت أسعارهم عاليه وان جئت استأجر عماله بنظام أجير فعندي مشكلتين الاوله النطاق اخضر صغير مايقبل نظام أجير حسب ماسالت وسمعت ومبلغ ايجار الواحد لايقل عن 2750 ريال يعني الفرق بينه وبين راتب السعودي 300 ريال . والله ماعد عرفت وش أسوي وصلت لدرجه ماعد اقدر أفكر الحمد لله ع كل حال . لاهنت يالغالي |
رد: توظيف السعوديين في مطعم جديد ؟
الله يكون بعونك
استاذي اطرح موضوع في قسم الوظائف عن حاجتك لموظفين عرب وذوي خبرة وان شاء الله تجد مبتغاك |
رد: توظيف السعوديين في مطعم جديد ؟
مشكور اخوي فضل ع تجاوبك
وفقك الله بعمل اعلان ف طاقات والله يكتب مافيه الخير |
رد: توظيف السعوديين في مطعم جديد ؟
اقتباس:
1/ كم تكلفة المقيم سنويا وكم تكلفة المواطن سنويا المقيم أ ـ الزامي تذكرتي سفر سنويا ( التذاكر من 2000 ريال وطالة رحلتين يعني 4000 او اكثر ب ـ تجديد الإقامة و مكتب العمل .... ـــــــــــــــــ يعني توضيفك للمواطن افضل بي كثير لك ولي وطنك ــــــــــــــــــ وجهت نضري شغل سعودين وكن انت الأول وضع راتب شهري وكذالك ضع نسبة عند تحقيق الهدف مثال يومي دخل 2000 ريال في الشهر دخل 60 الف ريال لكل موضف زيازة شهرية 5% من الراتب الشهري |
رد: توظيف السعوديين في مطعم جديد ؟
اقتباس:
كلامك عين العقل وانا معك في الصغيره قبل الكبيرة بس تدري وش اللي مخليني متردد او متخوف من توظيف السعوديين شي واحد فقط (اني مااوفي برواتبهم) لانه ماعندي سيولة مخصصة للرواتب سواء اجنبي او سعودي يعني اذا الله كتب وفتحت راح افتتح واعتمادي في الرواتب على دخل المطعم فقط هذا قصدي يعني ماعندي مثلا مبلغ 50 الف ع جنب اضخها للرواتب اول 3 شهور فهذا الشي اللي ملخبطني |
رد: توظيف السعوديين في مطعم جديد ؟
اقتباس:
وليس بسمك الشخصي ــــــــــــ تقديم على البنك الاجتماعي بنك التسليف سابقا ادخال شريك بي نسبة تتقف معه عليها نتمنى لك التوفيق ((( فيه سعودين موضفين ويبون شغل بي 4 ساعات مثل طلاب الجامعات وفيه حل اخر سهر وخطر وهو راتب (( بي اليوم )) 100 ريال يوميا 8 ساعات ونتمنى لك التوفيق |
رد: توظيف السعوديين في مطعم جديد ؟
بنك التنمية يقرضون اصحاب المشاريع
|
رد: توظيف السعوديين في مطعم جديد ؟
اخي انتا ماشاءالله عليك قطعت 50% من الطريق باقيلك 50 % نصيحتي لك لا تتاخر لو انك نويت :
جاتك 3 تاشيرات هاذي بداية اتوكل على الله العدد كل ما كان اقل راح يكون افضل لك من ناحية التكلفة الحكومية عندك خطتين: الخطة الاولى استقدم 3 واهم اهم شي لازم تتاكد انهم ذوي خبرة ولا مشروعك راح يطيح. ابدأ فقط من فترة بعد المغرب الى الساعة 12 بالليل او حتى نفاذ الكمية وفترة الظهر راح تكون الطبخ و6 ايام في الاسبوع . خلال هذه الفترة راح تتكتسب خبرة في الاتي اجراءات البلدية , تقسيم الاعمال على العمال , عمل جدول خاص للعمال حط في بالك راح يحتاجو 1 يوم اجازة كما هو في العقد ,اتفاقيات الموردين للبضاعة( مورد البلاستيك والالمنيوم,مورد اللحم والدجاج ,البهارات والصوصات, الغاز, الخضار, البارد..) , استماع الى اراء الزبائن خلال فترة التجربة لتحسينها فورا, تكميل نواقص المعدات. بعد ما تكتسب خبرة في هذا المجال راح تحتاج الى توسيع واضافة عمال راح تعرف انتا محتاج ايش بالزبط والافتتاح فترة الغدا والعشا وبعد ذلك تشتغل 7 ايام الاسبوع . الخطة الثانية : اذا رغبت في البداية بشكل فوري تعامل مع شركات التاجير وانصحك ب سماسكو شركة احترافية عن تجربة اقل سعر راتب شهري العمالة النيبالية 2500 ريال شهريا طبعا المهنة عامل مطعم الدفعة الاولى راح تكون 7000 ريال شامل كل شي حتى التوصيل الى باب المطعم وبعد الانتهاء من فترة العقد ال الدفعة الاولى مستردة . بالنسبة لتوظيف السعودين خطوة ممتازة لكن كاافتتاح مشروع جديد الوقت غير مناسب لانك لست قي حاجتهم الان وليس لديهم خبرة في مجال الطبخ الاسيوي, اصبر حتى توقف على رجلك وابدا بتوظيف الكاشير اولا وبعدين فكر في الاحتياجات الاخرى. اهم اهم شي تسجيل جميع الوصفات ومقاديرها عندك لانو في اي وقت الطباخ شاف نفسو او يقلك ما ابغى اشتغل تقدر تستغني وتجيب واحد بديل بنفس جودة الطبخ او حتى تدريب العامل لو كان لديه خبرة في الطبخ . انا انصحك بالخطة الثانية لانو لو ماعجبك العامل وليس لديه نفس الخبرة الي انتا محتاجها تبدلو فورا وجميع اوراقو الحكومية تكون جاهزه وتفك نفسك بحمل انتا في غنى عنها. فكر فكر قبل اتخاذا اي خطوة الف مرة حط بالك التحدي الاول الفلوس. انا عندي نفس مشروعك للسنة الثانية بعد الافتتاح والخسارة مستمرة بشكل قوي لكن الحمدالله كل يوم بيفرق عن اليوم الي قبلو وفي تحسن بسيط ومستمر استخير قبل كل شي واتوكل على الله وبالتوفيق, |
الساعة الآن 09:44 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين