اين أجد سبائك الذهب الصافي؟؟
السلام عليكم
عندي مبلغ من المال لست بحاجته حاليا وافكر اشغله في الذهب وما اقصد الفوركس والتجارة الالكترونية قصدي سبائك الذهب عيار 24 بس واجهتني مشكلة انا من سكان المنطقة الجنوبية وما ادري وين القى هذا النوع من الذهب اللي يعرف يدلني واللي له خبره في هذا المجال يعطيني رأيه في اختيار الوقت المناسب لشراء وبيع الذهب |
رد: اين أجد سبائك الذهب الصافي؟؟
عطني اياهم اشتغل على افكاري فيهم
استثمرهم لك مو ابرك من سبائك الذهب هههههههه مانصحك بالذهب الخمس سنوات الجايات يبي يرخص الذهب والله اعلم استثمر فلوسك بالتقنية اغلى من الذهب الله يوفقك |
رد: اين أجد سبائك الذهب الصافي؟؟
راجع البنوك الله يوفقك
|
اقتباس:
بس بناء على ايش هذا التوقع لنا سنوات والذهب محتفظ بقيمته |
اقتباس:
رح افكر فيها بجديه ياليت لو تشرحين اكثر عن هالمشروع |
اقتباس:
لكن رحت للراجحي وصدمني الموظف وقال اول مرة اسمع عن بيع الذهب في البنك وكلمت خدمة العملاء في البنك الأهلي وقال ما عندنا اذا تعرف اي بنك يقدم هالخدمة لا تبخل علي لا هنت |
وين باقي الأعضاء
|
رد: اين أجد سبائك الذهب الصافي؟؟
صدقني الذهب مانصحك فيه للاستثمار
قبل قلت للاخوان هنا بالمنتدى يبي ينزل العقار والاراضي اعتقد كان في عام 3014 وردوا علي بعض من الاخوان يسخرون مني وشوفت عينك نزل العقار له سنتين هو نازل عن كيف نستفيد من التقنية يعني اي شغلة فيها تقنية مثلا انا عندي فكرة جهاز هو مازال فكرة وابي اخرج الفكرة لنور اروح ادفع لشخص مختص يصنع لي الجهاز واذا شاء الله وخرج الجهاز لنور ابيعه على شركة محلية او عالمية او مثلا عندك فكرة خدمة تقنية لبنك او لشركة مثلا من الخدمات الي قدمتها لشركة الاتصالات ابتكرت خدمة شراء التطيقات من بطاقة سوا المسبقة الدفع ولاعرف كيف اوصلها واستعنت بواحد هنا بالمنتدى وصار حرامي للاسف ونسبها لنفسه وراح لهم وماشاء الله جاه ارباح خيالية هذي قائدة التقنية وغيرها كثير ماذكرتها من امور التقنية وهي مجلاتها كثيرة |
اقتباس:
ومشكورة فعلا على طرح هالأفكار |
رد: اين أجد سبائك الذهب الصافي؟؟
مادري عن الجنوب من فين تشتريه
فيه محلات للجملة بالرياض البطحا وهي تقريبا تعطيك افضل سعر لاتشتري الا عيار 24 فقط ! غير صحيح ان الذهب ماسك سعره هو بلا شك ملاذ آمن لكن في السنوات الاخيره صحح 40% من سعره ( صحح = نزل ) عموماً الذهب والبترول والاسهم والعملات كلها شوفة عينك اسعارها نازلة ماعاد يدري الواحد وش يسوي انا ماراح انصحك تشتري او ماتشتري شي راجع لك اللي افيدك به سعر الذهب الان الكيلو فوق 146000 تقدر تشتري اي كمية مو لازم كيلو لكن من محل لمحل يفرق السعر وافضل شي مثل ماقلت لك بالبطحا بالرياض الزبدة لاتشتري الا عيار 24 فقط + خذ فاتورة موضح فيها كل شي معلومات الذهب واسمك ومختمة من المحل |
الساعة الآن 10:31 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين