|
اجمـــــــ قصيدة ـــــــــــل
السلام عليكم جميعاً ....! أسعد الله صباحكم / مسائكم , بخير .....! أحببت أن أطرح هذا الموضوع للجميع , لكل من أراد أن يطرح قصيدة هنا ...! ولكن .......! ليست أي قصيدة , وأنما القصيدة التي مرت عليك إلى الآن وهي مرسوخة بذهنك ....! أجمل قصيدة سمعتها , قرئتها ....! لاخلاف في ان تكون صوتية أو قروئة أو مرئية...! مع ذكر أسم شاعرها للحقوق الأدبية ....! بدايةً أنا من سيطرح لكم هذه القصيدة للمبدع ((خليل الشبرمي)) أتمنى تعجبكم وتحوز على رضاكم ((أترككم مع القصيدة)) أتركينـي ياعـزيـزة للشـتـات والعنـا والبعـد والليـل الطويـل ريحيني من غمـوض المفـردات وكبرياء الكـذب والعـذر الهزيـل حاصريني صمت من كل الجهـات واذبحيني بوح في نبـرت عليـل واسألي غـدر اليديـن الناعمـات عن ثلاث طعون في صدر القتيـل وافرحـي لاقيـل فارقـت الحيـاة وزغردي لاشيعـوا جثـت خليـل وكل شـيء بيننـا يابنـت مـات ولابقى بعـد الرحيـل الا الرحيـل وانتهت رحلـت ثمـان الطايـرات وابتدت قصـة لقانـا المستحيـل كنتي أجمل من رأيت من البنـات مالـك بعينـي مثيـل ولابـديـل وصرتي أشنع جرح وأبشع ذكريات للأنانـيـة ونـكـران الجمـيـل ولاتبقى مـن غـلاك الا الرفـات ولاتلاشى مـن عنـاي الا القليـل ودعيني يوم فقـت مـن السبـات ولا تعدينـي سـوا عابـر سبيـل أقترف في حـق نفسـه سيئـات ولايكفرها سـوا البعـد الطويـل تقبلوا تحياتي |
يعطيك عافيه وصح لسا ن الشاعر
|
قصيدة / خالد الفيصل الله اكبر كيف يجرحـن العيـون كيف ما يبرى صويب العين ابـد أحسب أن الرمش لى سَلهم حنون اثر رمش العين ما ياوي لأحـد يوم روّح لي نظر عينـه بهـون فزّ له قلبـي وصفّـق وارتعـد لفّني مثل السحايـب والمـزون في عيوني برق وبقلبـي رعـد نقّض جروحي وجدّد بي طعـون قلت يكفي قالـت عيونـه بعـد وانعطف هاك الشعر فوق المتون وانثنـى عـوده وقفّـى وابتعـد أشغلتني نظـرة العيـن الفتـون حيّرتنـي بالتـوعّـد والـوعـد هي تمون العيـن والا ماتمـون لى خذت قلبـي وقفّـت ياسعـد |
يسلمووووو يالغلا..
هالقصــــيده اعشقهـا موووت غـــــــالـــي الآثمـــــان كلمـــــات ..خــالد الفيصـــل ياغالي الأثمان غلـوك بالحيـل من يوم سمَّو بـك جميـل المحيا شخصٍ تمنيته على العدل والميل والحمـد لله يـوم خلَّـي تهيـا أشبِّهه باللي عسيفٍ من الخيـل تلعب وأنا حبل الرِّسن في يديا أورق غرامه مثل غرسٍ على سيل مشهاة قلبي يوم جالـي شهيا أعنِّ له عنَّة هل الكيف للهيـل ماذاق راعي الكيف ذقته هنيا حبه سرى بي سرية الغيم بالَّليـل نسيم ليله قـال للشَّـوق هيـا |
اقبل يحرك خطوة الرجل برفوق# والقاع لمصافح خطاه يتشوق
مخلوق لاكنه ماهو بأي مخلوق# على بنات ادم وحواء تفوق عليه لبس يجمع الوسع والضوق# موسع بعضه وبعضه مضوق مر وتعدا مابداء منه منطوق #الا انه بجيش المفاتن مطوق خلاني امشي واقضب الدرب واتوق# ماني بتايق عقل لاكن متوق تقول مرمي على الارض من فوق# والا من السم السقطري مذوق يغمى علي شوي وشوي افوق# واقول لاستيقضت والبال روق مدام لامعوق ولاصايبه عوق# وراه يمشي مثل مشي المعوق واللي على حاله خطر من هل السوق# مفروض يمنع لايروح يتسوق |
زدني عذاب وهم وافعل كل شي ودك يصير
ماعاد يفرق جرح زاد جروح صارت من زمن وزدني جفا وفراق واجرح قلب من حبك خطير واكتني افضل بس قبل اموت جبَ عندي كفن واصنع بحر مالح لياهجت بمواجه غزير وارسم احروفن موجعه فلي بقلبه حطلك بيت وسكن دامك جفيت القلب والطاير جعلته ما يطير واضح خطاك اكبرمن جبال السرات ومن قطن وش تستفيده من صدودك لي وهجرانك وحبك صار في قلبي كبير ماكنت احسبك كذا تضحكلي شفاتك وذابحك الغبن ولو جيت ابى جازيك بافعالك يقود الحرب سلك من حرير لاكن مفعلهاا سواتك لن واكررهاا ولن دامك كذا خاين وغادر الروح واعرف يوم بقر القرير واتعرف فيه انك غشيم الحب يالي تعكس فيه احروف اللحن واتعرف فيه اني عزيز النفس لي قيمه ولي قدر وضمير واتعرف فيه اني قوي اي لحظه ارد لك الثمن مافيك رحمه قاسين مثل الحديده يالنظير عشتك معي ودايم معي واصبحت عني بعد حايل عن عدن للشاعر الكبير تركي الميزاني <ابو رهف> يعطيكم الف عااااااااااااااافية على المرور |
| الساعة الآن 10:56 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين