مشكلتي ما انتهت
 

الحين انا قفل المركز اللي اشتغل فيه من 16 اغسطس بحجه الترميم والديكورات وللان مافتح وقالت لنا المديره رواتبكم تاخذونها من المكتب اداره الرجال اللي تبيها الحين راتب 16 يوم اخذت 1742 ريال ويوم سالته المحاسب قلت كيف مفروض اخذ 1866 تقريبا ولو كانو خاصمين يوم بيكون 1750 المهم مو هذا الموضوع قال انه في مخالصه نهائيه بعد العوده بنحاسبكم على اللي باقي من اغسطس وراتب سبتمبر مع انهم قايلين قبل انكم بتقعدون الشهرين اللي بنقفل فيها بدون راتب قال ابوي يمكن خافو تشتكون عليهم
المهم انا دورت وظيفه وكلمتني موظفه قالت عندك مقابله المسمى الوظيفي كول سنتر بمستشفى بس مو عارفه الحين لو توظفت ورجع فتح النادي هل يعطوني راتب الباقي من اغسطس مع سبتمبر ؟ ولايحسبون ان اخر يوم لي هو 16 اغسطس
يعني هل من حقي اخذ الراتب ولالا انا بس ابي اعرف وش لي وش اللي علي ؟ مابي يلعبون علي اكثر من كذا ولو هو من حقي اخذه ؟ انا وقعت عقد معهم وراح لمكتب العمل لكن يوم قلت للمديره نسخه قالت لانسخه ولاشي !! !!! يقول ابوي لو تشكينهم مكتب العمل عندهم نسخه من العقد خلاص اما انا عندي مباشره عمل بس
وتسجيل بالتامينات باثر رجعي سمعت ان هذا اذا كنت بقطاع خاص وصرت حكومي ؟؟
انا لي سنه و4 شهور من غير تامينات
وهل لو شكيتهم بيسجلوني باثر رجعي ولاخلاص المستشفى يسجلني موظفه جديده ؟ وبس
وانا كنت اخذ حافز عشان كذا مااهتميت للتامينات الحين اقولهم سجلوني تامينات اصير كني تحايلت على النظام ؟
ادعولي الله ييسر امري يارب واتوفق واتوظف

رد: مشكلتي ماانتهت
 

الله يوفقك ويرزق الوظيفة
ونصيحة ما يحتاج شكاوى ووجع رأٍ دام الأمور ماشية داومي بالمستشفى والله يرزقك

رد: مشكلتي ماانتهت
 

وجهه نظري
اللى راح راح
والان ابتدئي بعقد جديد مع المستشفى ويسجلونك بالتامينات
وقبل توقيعك العقد اقري عقدك كويس
واحتفضي بعقدك
بالاضافه الى تامين صحي

رد: مشكلتي ما انتهت
 

شكرا لك بس محد جاوبني هل من حقي اخذ راتب شهر سبتمبر اذا فتحو مع مستحقات اجازتي السنويه اذا جيت اخذها ولايحسبون اخر يوم لي
ابوي يقولي ماادري والله لكن انا قلت لك لاتاخذين راتب ال16 يوم