الى مشرفنا الغالي محمد البلادي
 

السلام عليكم



صباح الخير



كيف الحال جميعا ان شاء الله انكم في اطيب الاحوال



اخي محمد انا اليوم ذهبت الي التاهيل ع اساس اشوف اذا اقدر اسجل كمريض التهاب القولون التقرحي ومعي تقرير حديث من مستشفى حكومي



دخلت علي الدكتور



وتكلمنا وشاف التقرير

وقال لي

( الالتهاب القولون التقرحي ) لا يوجد له اعانه شهريه او اي اعانه ماليه ..



لكن اذا تحب تسجل وترفع اوراقك سجل وارفع ( عن طريق الموقع ) وليس من عندنا



قلت له هل انت متاكد يادكتور ان مافيه اعانه ماليه ؟ قال نعم قلت اجل مايحتاج اقدم دام مافيها اعانه



بصراحه مافهمت عليه وش يقصد اذا بتقدم قدم ؟ وقالي عن طريق الموقع اضن مساند



هل كلام الدكتور صحيح انه مافيه اعانه ماليه ؟ طيب وش يقصد اذا بتسجل سجل عادي براحتك ؟



اذا مافيه ماليه شهريه اسجل لأيش ؟



وشكرا لكم وحفظكم الله جميعا من كل شر ومكروه.

رد: الي مشرفنا الغالي محمد البلادي
 

والله ياعزيزي المستفيد يوجد لديهم جدول بالاعاقات المصنفة المستحقة للاعانة واذا كان الطبيب متأكد ان اعاقتك ليست مصنفة معناه مالها اعانة بالنسبة للتقديم صح يكون من الموقع لوزارة العمل واذا حاب ترفع اوراقك مافي اي مانع ويجيك رد بالموافقة والرفض

رد: الى مشرفنا الغالي محمد البلادي
 

اهلا بك
الأفضل انك لاتعتمد لاعلى كلام زعيط ولا زعيطان انت رحت للتأهيل فيه موظفين متواجدين اسألهم .. فيه اعانات حذفت وفيه اعانات اضيفت وبعض الاعانات المحذوفه تمت اعادتها الافضل توجيه السؤال الى المختص بالتأهيل وليس الى الطبيب
نعم الطبيب قد تكون لديه الافاده لكنه لايعلم من الممكن انه ورد امر بالغاء الامر الاول (اسأل المختص)

هو قالي التقديم وترفع التقرير عن طريق الموقع

اي موقع يقصد
يعني تشوف اني ارفع التقرير واشوف الرفض او القبول من الوزارة

رد: الى مشرفنا الغالي محمد البلادي
 

لا ماتشوف الرفض او القبول من الوزاره ,, انا قلت راجع التأهيل فيه موظفين اسألهم هل الاعانه منفذه ولالا للقولون التقرحي اذا قالوا لك انها منفذه عندها ادخل على الموقع وقدم
https://eservices.mlsd.gov.sa/#/login/

رد: الى مشرفنا الغالي محمد البلادي
 

الموظف السعودي قالي قدم عن طريق الموقع ووراني

وخشيت الموقع وسويت تقديم اضن تقييم الاعاقه

الان طلب جديد تحت الاجراء

وش يصير بعد كذا ؟

رد: الى مشرفنا الغالي محمد البلادي
 

طبعا ارسلت التقرير صح
اذا كان كذلك انتظر حتى تتم الموافقه راقبها بالموقع اذا تمت الموافقه يتم اخذ موافقه الماليه على صرفها لك
لابد من الصبر والانتظار

رد: الى مشرفنا الغالي محمد البلادي
 

الله يسلمك مافي مشكله انتظر

لين تتحدث الحاله بالموافقه او الرفض

اذا موافقه اراجعهم المركز لاكمال البيانات صح ؟

رد: الى مشرفنا الغالي محمد البلادي
 

خلينا نشوف الموافقه الان ويارب تكون منفذه ومعتمده

رد: الى مشرفنا الغالي محمد البلادي
 

طيب اذا تمت الموافقة وقبول الطلب هل يجب الذهاب للتأهيل الشامل؟